شىرىنگۇلدىڭ قىمىز-اي!

«حالىقتى جۇمىسپەن قامتۋ ورتالىعىنان» شاعىن نەسيە الىپ، كəسىبىن اشىپ، ٴوزىن جəنە وتباسىن جۇمىسپەن قامتىپ وتىرعانداردىڭ قاتارى جىل وتكەن سايىن ارتىپ كەلەدى. سولاردىڭ ٴبىرى – بەسجىلدىق اۋىلىنىڭ 57 جاستاعى تۇرعىنى شىرىنگۇل باباقۇلوۆا. ول جۇمىسسىز رەتىندە «حالىقتى جۇمىسپەن قامتۋ ورتالىعىنا» ٴوتىنىش بەرىپ، كەزەك رەتتىلىگىمەن اعىمداعى جىلدىڭ ٴسəۋىر ايىندا «جۇمىسپەن قامتۋ-2020 جول كارتاسى» باعدارلاماسىنىڭ 2 - باعىتى اياسىندا «اۋىل شارۋاشىلىعىن قولداۋ قورىنان» ٴۇش ميلليون تەڭگە نەسيە الىپ، سول قاراجاتقا 10 باس بيە العان. بۇگىندە 10 باس بيەسى ق ۇلىنداپ، مال باسى 18-گە جەتكەن. الا جازداي بيەنىڭ ساۋىرىنا جابىسقان شىرىنگۇل كۇمىس كۇزدىڭ əر كۇنىندە دە تىنىم تاپپاستان قىمىز ٴوندىرىپ، جەرگىلىكتى اۋىل تۇرعىندارىنا كۇنىنە 40 ليتر ٴسۇت ٴونىمىن (قىمىز، ساۋمال) وتكەرىپ، ٴوزىن دە، وزگەلەردى دە سۋسىنداتىپ وتىر. كۇن سايىن سارىقىمىز ساپىراتىن شىرىنگۇل باباقۇلوۆا بۇگىندە اۋىلعا تانىلا باستاعان كəسىپكەر رەتىندە ۇلكەن قۇرمەتكە يە. اۋىلداستارىنىڭ «شىرىنگۇلدىڭ قىمىزى-اي» دەپ تامساناتىنى سوندىقتان بولار. – «ارى تارتساڭ اربا، بەرى تارتساڭ وگىز ولەتىن» مىنا نارىقتىق زاماندا كۇن كورۋ قيىنداي تۇسكەن سوڭ اۋداندىق «حالىقتى جۇمىسپەن قامتۋ ورتالىعىنا» بارعانمىن. ونداعىلارعا راحمەت. مəن-جايدى جەتە ٴتۇسىندىرىپ، مەنىڭ وسىنداي دəرەجەگە قول جەتكىزۋىمە كومەك بەردى. «اۋىل شارۋاشىلىعىن قولداۋ قورى» قىزمەتكەرلەرىنە دە العىسىم شەكسىز، – دەدى شىرىنگۇل بىزبەن əڭگىمەسىندە. əرينە، مال ۇستاۋ، بيە ساۋۋ، ونى كۇتىپ-باپتاۋ وڭاي ٴىس ەمەس. وندايدا جولداسى نۇرىمبەت جۇندىبايەۆتىڭ ەڭبەگى وراسان زور. وعان əرقايسىسى 40 مىڭ تەڭگە جالاقى الاتىن 2 جۇمىسشىنىڭ قولعابىسىن قوسىڭىز. نەگىزى، شىرىنگۇل جاستايىنان مال سوڭىنا تۇسكەن. 1976 جىلى پيونەر ورتا مەكتەبىن بىتىرگەن جىلى-اق «اقيىق» كومسومول-جاستار بريگاداسىندا شوپان بولىپ ەڭبەك ەتتى. كەلەسى 1977 جىلى جەرلەستەرى ەسەلى ەڭبەگىن باعالاپ اۋداندىق كەڭەستىڭ دەپۋتاتى ەتىپ سايلاعان. «قىز – جات جۇرتتىق» دەگەن. كورشىلەس بايزاق اۋدانىنىڭ اعا شوپانى نۇرىمبەت شىرىنگۇلمەن جۇپ قۇراعان. قازىرگى تاڭدا ەكەۋى 3 ۇل، 1 قىزىنان 8 نەمەرە ٴسۇيىپ وتىرعان جايلارى بار. ايتپاقشى، ولار كەڭەس ۇكىمەتى ىدىراپ، تۇرىمتاي تۇسىمەن əۋرە بولعان شاقتا بەسجىلدىق اۋىلىنا قونىس اۋدارعان. سودان بەرى وسىندا. ىرگەلى ٴىستى ىلگەرى جىلجىتا بىلگەن شىرىنگۇل مەن نۇرىمبەت العا قويعان ماقساتتارىن ورىنداپ، جاستارعا ۇلگى كورسەتە بەرەتىنىنە سەنگىمىز كەلەدى.

دۇيسەنبەك ورمانوۆ

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!