BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وزىق مەحانيزاتورلار قاتارى ارتۋدا

ەڭسەلى ەلىمىزدىڭ اۋىل شارۋاشىلىعىنىڭ جاعدايى اۋىز تولتىرىپ ايتۋعا بولاتىن جاعدايعا جەتىپ، ەرتەڭىنە دەگەن سەنىمى ارتا ٴتۇستى. اگرارلىق سەكتوردىڭ نەگىزگى سالاسى ەگىن شارۋاشىلىعى بولىپ تابىلادى. حالىق اراسىندا كەڭىنەن تانىمال «اس اتاسى - نان» دانالىعى ناننىڭ ٴقادىر - قاسيەتىن دالەلدەي تۇسەدى. ەگىن القابىنان جينالعان استىق جايىلعان داستارحانىمىزعا دايىن ٴونىم بولىپ كەلگەنگە دەيىن بىرنەشە ساتىدان تۇراتىن كۇردەلى دايىندىق جۇمىستارىنان وتەدى. بۇل تىنىم- سىز ەڭبەك پەن قاجىرلى كۇش- قايراتتىڭ قورىتىندىسى. اۋدانىمىزدىڭ گۇلدەنۋىنە ٴوز ۇلەسىن قوسىپ، بولاشاعىنان زور ٴۇمىت كۇتتىرەتىن جاۋاپكەرشىلىگى شەكتەۋلى سەرىكتەستىكتەردىڭ قاتارى از ەمەس. سولاردىڭ ٴبىرى بيىلعى ەگىن جيناۋ ناۋقانىن قازان ايىندا ويداعىداي اياقتاعان «تۇگەل-اۋباكير ي ك» جاۋاپكەرشىلىگى شەكتەۋلى سەرىكتەستىگى. ەگىستىك الاڭى 19000 گا قۇرايدى ەكەن. استىق ونىمدىلىگى دە جامان ەمەس. ورتاشا ونىمدىلىك 16،1 س.گا. بۇل كورسەتكىش وتكەن جىلمەن سالىستىرعاندا ايتارلىقتاي جوعارى. كوكتەم ۋاقىتىندا ەگىن ەگۋدە 5 «بيۋللەر» ەگىستىك كەشەنى جۇمىستىڭ تيىمدىلىگىن ارتتىرا تۇسكەن. تاعى دا كومباينداردىڭ الەۋەتىنە بايلانىستى قوسارىمىز، ەگىن جيناۋدا تاپتىرمايتىن «كلااس» كومباينىڭ اتاپ ٴوتۋ قاجەت. استىقتى ورىپ، جينايتىن تەحنيكانى تىزگىندەيتىن ەڭبەكقور، ٴوز ىسىنە ادال ماماندار دا جەتكىلىكتى. قازىرگى تاڭدا جاستار تاراپىنان قىزىعۋشىلىق تانىتقانداردىڭ سانى ارتىپ، زامانعا ساي تەحنيكا- لاردى ىستىق ىقىلاسپەن مەڭگەرۋدە.

ال شارۋاشىلىق جۇمىسى العا جىلجىپ، ۇجىم اراسىنداعى ٴوزارا بىرلىك پەن اتقارعان ەرەن ەڭبەكتىڭ بەرەكەلى بولۋى باسشىعا بايلانىستى ەكەنى ٴسوزسىز. وسى ورايدا «تۇگەل-اۋباكير ي ك» جاۋاپكەرشىلىگى شەكتەۋلى سەرىكتەستىگىنىڭ ديرەكتورى كابدراشەۆ بەكتۇرعان ماجيت ۇلىنىڭ قارىمدى ىستەردى جۇزەگە اسىرۋداعى تياناقتىلىعى بايقالادى. اۋىل شارۋاشىلىعى قىزمەتكەرلەرىنىڭ كۇنىنە وراي، اتالمىش سەرىكتەستىكتە ەرەن ەڭبەگىمەن كوزگە تۇسكەن مەحانيزاتورلاردىڭ ٴبىرى ماحوۆوە اۋىلىنىڭ تۇرعىنى ابدراكيشەۆ مارات قازي ۇلىمەن تىلدەسۋدىڭ رەتى كەلدى. 1981 جىلى قالماقكول اۋىلىندا تۋىپ-وسكەن. ٴومىرىن ەگىن شارۋاشىلىعىمەن تىعىز بايلانىستىرىپ، تالماي قىزمەت ەتىپ جاتقانىنا اعىمداعى جىلى ون جەتى جىلدىڭ ٴجۇزى بولىپتى. ورتا ٴبىلىمدى يگەرگەننەن سوڭ، قاراعاندى وبلىسىندا وتان الدىڭداعى بورىشىن ادال نيەتپەن وتەگەن. مىنەزىندە ەر ازاماتقا ٴتان ۇستامدىلىق پەن وجەتتىلىك بايقالدى. تەحنيكالاردىڭ تىزگىنىن سەنىمدى ۇستاپ، جۇمىسقا بالا كەزىنەن-اق بىلەك سىبانا كىرىسكەن. مارات قازي ۇلىنىڭ ايتۋىنشا، ەڭبەكقورلىق پەن تاباندىلىقتى قاجەت ەتەتىن بۇل شارۋامەن وتباسىندا اكەسى اينالىسقان. قازىرگى ۋاقىتتا تۋعان اعاسى دا اتالمىش سەرىكتەستىكتە مەحانيزاتور بولىپ قىزمەت ەتۋدە. قاجىرلى ەڭبەكتىڭ ۇلگىسى بولىپ تابىلاتىن ازامات ۇرپاقتار ساباقتاستىعىنا اينالعان بۇل ماماندىقتىڭ قىر-سىرىن مەڭگەرىپ، ەگىن سالاسىندا تاجىريبەنى مولىنان جيناعان. ٴۇش ۇرپاقتىڭ جالعاسى بولىپ تابىلاتىن ەگىن شارۋاشىلىعى بۇل وتباسى ٴۇشىن قادىر-قاسيەتىن ەش ۋاقىتتا جوعالتپايتىن كيەلى ٴىس دەپ ايتساق، ارتىق بولماسى انىق. «نەلىكتەن مەحانيزاتور بولۋدى قالادىڭىز؟» دەگەن سۇراعىمىزعا مىناداي جاۋاپ الدىق: «بالا كەزىمنەن كومبايندارعا ەرەكشە كوزقاراسپەن قارادىم. ٴمىنۋدى ارماندادىم. قازىرگى تاڭدا ەگىن شارۋاشىلىعىنىڭ دامۋىندا تەحنيكالاردىڭ ماڭىزى ايتپاسا دا تۇسىنىكتى. ولاردى جوعارى دەڭگەيدە مەڭگەرىپ، جاستارعا ۇيرەتۋ كەرەك.

ون جەتى جىل بويى جيناعان تاجىريبەممەن قۋانا-قۋانا بولىسۋگە دايىنمىن. سوڭعى جىلدارى جاستاردىڭ ەگىن ەگىپ، جيناۋعا دە- گەن قۇلشىنىسىن بايقادىق. بۇل ٴبىزدى وتە قۋانتادى. جاس بۋىندى قولداۋ قاجەت. العاش جشس اياق باسقاندا مەحانيزاتوردىڭ كومەكشىسى بولعانىم ەسىمە ٴتۇسىپ وتىر. ٴبىراز ۋاقىت وتە كەلە ٴوزىم دە مەحانيزاتور بولدىم. تياناقتى، تاجىريبەلى تالىمگەرىم جامەنوۆ بۇركىتبايعا دەگەن العىسىم شەكسىز. دۇرىس جول نۇسقاپ، جۇمىستىڭ ەرەكشەلىكتەرىمەن تانىستىردى.

جالپى، جۇمىس جىلداعىداي ٴجۇرىپ جاتىر. تەحنيكالار كوڭىلىمىزدەن شىعادى. ٴبىراق ٴار ماۋسىمدا شارۋاشىلىق ٴۇشىن، جاقسى ٴونىم تابۋ ٴۇشىن ۇلكەن جاۋاپكەرشىلىكتى سەزىنەسىڭ. وسى جىلى ەگىن ورۋ ۋاقىتىندا مەن 2429 توننا جينادىم». ايتۋىنشا، جۇمىستا كەزدەسەتىن ايتارلىقتاي كەدەرگىلەر جوق. نەگىزگى قىزمەتى ماۋسىمدىق سيپاتتاعى جۇمىس بولعاندىقتان، قىس مەزگىلىندە باسقا جۇمىسقا ەرىنبەي كىرىسىپ كەتەدى. مارات قازي ۇلى اسىل جارىمەن شاڭىراق كوتەرىپ، ٴۇش بالا تاربيەلەپ وتىرعان باقىتتى اكە. تاربيەدەگى ۇستانىمدارىنا دا توقتالا كەتتى. ونىڭ ويىنشا، وسكەلەڭ ۇرپاق تاربيەلەۋدە وتباسىنىڭ اتقاراتىن ٴرولى وراسان زور. بالا كەزدەن-اق ٴومىردىڭ باستى رۋحاني قۇندىلىقتارىن بالا ساناسىنا ٴسىڭىرۋ قاجەت. «ەڭبەك ەتسەڭ ەرىنبەي، تويادى قارنىڭ تىلىنبەي» ماقالىنىڭ استارىن دا بۇلدىرشىندەرگە ايتىپ وتىرۋ ماڭىزدى. «تۇگەل-اۋباكير ي ك» جاۋاپكەرشىلىگى شەكتەۋلى سەرىكتەستىگىنىڭ مەحانيزاتورى ابدراكيشەۆ مارات قازي ۇلى سياقتى ۇلتىمىزدىڭ التىن قازىعى اۋىل ومىرىنە بەلسەنە ارالىسىپ، ەرتەڭگى كۇنگە زور ۇمىتپەن قارايتىن ەڭبەكقور ازاماتتاردىڭ سانى ارتا تۇسسە، نۇر ۇستىنە نۇر بولاتىنى ٴسوزسىز.

گ. داۋرەنبەكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي