BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق تاۋارلار مەن ونىمدەردى ساتىپ الىپ، پاتريوت ەكەنىمىزدى تانىتاتىن كەز جەتتى

فوتو: Халық маркасы

مەملەكەت باسشىسى ن.نازاربايەۆ حالىققا «قازاقستاندا جاسالعان» جالپىۇلتتىق اكسياسىن باستاۋدى ۇسىنگان-تىن. وسى رەتتە، «قازاقستان-2050» جالپىۇلتتىق قوزگالىسىنىڭ بەلسەندىلەرى اكسيانىڭ قولگا الىنگانىن جاريا ەتكەندە كاسىپكەرلەر قاۋىمى جاپپاي قۋانگانى ٴمالىم. ويتكەنى، اكسيا بارىسىندا ساۋدا جەلىلەرىندە ساتىلاتىن وتاندىق ونىمدەر كوزگە بىردەن تۇسەردەي ايشىقتالىپ قويىلاتىن بولادى. قازاقستاندىق وندىرۋشىلەردىڭ تاۋارلارىن ساتىپ الگىسى كەلەتىن ازاماتتارگا بۇل وتە قولايلى ەكەنى بەلگىلى.

تاۋەلسىزدىك العالى بەرى مەملەكەت مىڭداعان جەكە كاسىپكەرگە قامقورلىعى مەن كومەگىن سارپ ەتۋدە. سونىڭ ارقاسىندا ولاردىڭ ٴارقايسىسى وڭىرگە، تۇرعىندارعا قاجەتتى تۇتىنۋ تاۋارلارىن وندىرۋدە. ماسەلەن، جەلەزين اۋدانىندا «راكيشەۆ» شارۋا قوجالىعىنا قاراستى ديىرمەن جانە ناۋبايحانا 1995 جىلدان بەرى جۇمىسىستەپ كەلەدى. i جانە ii سۇرىپتى 7 تونناعا دەيىن ±ن تارتىپ، ٴى جانە ٴىى سۇرىپتى نان ونىمدەرىن، كونديتەرلىك تاعامداردى دايىندايتىن كاسىپورىندا 10-نان استام ادام ەڭبەك ەتەدى. سول سياقتى، «حايربايەۆ» جەكە كاسىپكەرلىگىنىڭ ناۋبايحاناسى 2005 جىلى اشىلعان. وندىرىستەگى 4 پەشتە پىسىرىلەتىن ٴى، ٴىى سۇرىپتى ۇننان دايىندالعان نان، توقاشتار مەن بالىشتەر، سونداي- اق، كونديتەرلىك ٴتاتتى ونىمدەردىڭ ٴتۇر-تۇرى اۋدان جۇرتشىلىعىنىڭ جوعارى سۇرانىسىنا يە.

مۇندا دا 12 ادام تۇراقتى جۇمىس ورنىمەن قامتاماسىز ەتىلگەن. ال، 1993 جىلدان بەرى «رامازانوۆ» جەكە كاسىپكەرلىگىنىڭ ناۋبايحاناسىندا 12 ٴتۇرلى، تاۋلىگىنە 1000 دانا نان ٴونىمى دايىندالۋدا. قازىرگى ۋاقىتتا اۋدان ورتالىعىنىڭ تۇرعىندارىنا، ٴتىپتى رەسەيدىڭ كورشىلەس شارلاق، كۋپينو اۋداندارىنىڭ تۇتىنۋشىلارىنا ۇسىنىلۋدا. ناۋبايحانانىڭ 5 جۇمىسكەرى اۋداننىڭ جۇمىسپەن قامتۋ جانە الەۋمەتتىك باعدارلامالار ٴبولىمى ارقىلى جەلەزين اگرارلىق- تەحنيكالىق كوللەدجىندە ناۋبايشى-كونديتەر ماماندىعىنا دايارلايتىن ارنايى كۋرستان وتكەن. دەگەنمەن، جەكە كاسىپكەر جامال جۇمابەكقىزىنىڭ ايتۋىنشا، جاس ماماندار قاجەتتىگى دە جوق ەمەس. الداعى ۋاقىتتا ناۋبايحانا جۇمىسىن كەڭەيتۋ جوسپارلانعانىنا بايلانىستى، كادر ماسەلەسىن شەشۋ مىندەتى ايقىندالعان. «جۇمىسپەن قامتۋ-2020» جول كارتاسى اياسىندا 2011 جىلى ناۋبايحانانىڭ جاڭا عيماراتىنىڭ قۇرىلىسىنا نەسيە الىنىپ، تولىعىمەن وتەلگەن بولاتىن. سونداي-اق، اتالمىش باعدارلاما شەڭبەرىندە كولىكجاي قۇرىلىسىنا نەسيە راسىمدەلگەن. كاسىپكەر جاڭا جىلدا نان جانە نان ونىمدەرىن تاسىمالدايتىن جاڭا كولىك ساتىپ الىپ، كەلەشەكتە اۆتوتۇراقتى تاعى دا ۇلعايتپاق. - ٴبىزدىڭ ەلىمىزدە ٴوز كاسىبىن اشىپ، جۇمىس جاسايمىن دەگەن ادامدارعا جاقسى قولداۋ جاسالىپ وتىر.

ماسەلەن، ەلباسى ن.نازاربايەۆ «نۇرلى جول - بولاشاققا باستار جول» اتتى قازاقستان حالقىنا جولداۋىندا «شاعىن جانە ورتا بيزنەستى، سونداي-اق، ٴىرى كاسىپكەرلىكتى جەڭىلدىكپەن نەسيەلەۋگە قوسىمشا 100 ميلليارد تەڭگە ٴبولۋ قاجەت»، - دەگەن بولاتىن. وسىنشاما قوماقتى قارجى داعدارىس كەزىندە كاسىپكەرلەردى قيىندىقتان الىپ شىعۋعا مۇمكىندىك بەرەدى دەپ ويلايمىن. ٴبىز شىعارىپ وتىرعان ٴونىمدى جەلەزين اۋدانىنىڭ جانە كورشى اۋدانداردىڭ تۇرعىندارى تۇتىنىپ وتىر. بولاشاقتا ناۋبايحانانىڭ قۇرىلعىلارىن جاڭارتىپ، جۇمىس كولەمىن ودان ٴارى ۇلعايتساق دەپ وتىرمىز. جەتكەن جەتىستىگىمىز از ەمەس، الار اسۋىمىز دا الدا دەپ ۇمىتتەنەمىن، - دەيدى كاسىپكەر ج.رامازانوۆا. «ٴبىزدىڭ ەلىمىز سوڭعى جىلدارى يندۋستريالىق-يننوۆاسيالىق دامۋ جولىنا تۇسكەنىن ٴبارىمىز بىلەمىز. بۇل قاجەتتىلىك ۋاقىتتىڭ تالابى ەدى، ياعني ٴبىزدىڭ وركەندەۋىمىزدىڭ كەلەشەگى بولىپ تابىلادى. مەملەكەتتىك باعدارلاما اياسىندا كوپتەگەن اۋقىمدى جوبالار جۇزەگە اسىرىلعانىن كورىپ وتىرمىز. قازاقستان تاۋارلارى زاماننىڭ بارلىق تالاپتارىنا ساي بولماسا، ٴبىز مىنا عالامدانۋدان ارتتا قالامىز. «قازاقستاندا جاسالعان» دەگەن ٴسوز ناعىز ساپانىڭ، مىقتى ٴوندىرىستىڭ سيمۆولى بولۋى ٴتيىس»، - دەگەن بولاتىن ەلباسى. سوندىقتان، كەز كەلگەن وتاندىق ٴونىم تۇتىنۋ نارىعىنىڭ جوعارى تالاپتارىنا سايكەس بولىپ، ۇدەدەن شىعا الاتىنداي جاعدايعا جەتۋى قاجەت. بۇگىنگى تاڭدا وسى مەجەدەن كورىنۋ ماقساتىندا جوسپارلى جۇمىستار قولعا الىنىپ، ٴبىرقاتار يگى قادامدار جاسالۋدا. جيھاز پايدالانىلۋ ماقساتىنا قاراي قوناق بولمە، جاتىن بولمە، اس ىشەتىن بولمە، جۇمىس ىستەيتىن بولمە، سونداي-اق بالالار بولمەسى، اس ٴۇي، اۋىز ٴۇي، جۋىناتىن بولمەگە ارنالىپ شىعارىلادى. جيھازدىڭ جەكەلەگەن زاتتارى دا، جيھاز گارنيتۋرى دا، سونداي-اق بۇكىل پاتەرگە، ٴبىر بولمەگە نەمەسە بولمەنىڭ ٴبىر بولىگىنە ارنالعان جيھازدار دا بولۋى مۇمكىن.

پاتەردى جيھازداعاندا جيھاز وتباسى قاجەتىن وتەرلىكتەي، بولمەگە سايكەس بولۋى كەرەك. جالپى جيھازدار تۇراقتى جينالمايتىن، تاسىمالداۋعا وڭاي جينالمالى-قۇراستىرمالى، امبەباپ-قۇراستىرمالى جانە قۇرالمالىق شەشىمى بىرنەشە جيھاز سەكسيالارىنان تۇراتىن، ٴبىرىنىڭ ۇستىنە ٴبىرىن نەمەسە قاتارلاستىرىپ قويۋعا بولاتىن سەكسيالىق جيھاز تۇرلەرىنە بولىنەدى. جەلەزين اۋدانىندا جيھاز جاساۋ، قۇراستىرۋ، قايتا جاڭارتۋمەن ىسىمەن شۇعىلداناتىن جەكە كاسىپكەرلەر بارشىلىق. سولاردىڭ، ٴبىر پاراسىنا توقتالىپ وتەيىك. «الەكسەەۆ» جەكە كاسىپكەرلىگى 2012 جىلى قۇرىلعان. پاتەنت بويىنشا جۇمىس ىستەيتىن جەكە كاسىپكەر سەرگەي الەكسەەۆ كەي كەزدەرى تاپسىرىس كولەمىنىڭ كوبەيۋىنە بايلانىستى، 2-3 ادامدى جالداۋعا دا ٴماجبۇر بولادى ەكەن. نەگىزىنەن، سەحتا جيھازدىڭ بارلىق تۇرلەرى وندىرىلەدى.

ال، «كارينا» جەكە كاسىپكەرلىگىنىڭ باسشىسى ن.و.كاليۋجنىي جيھاز ٴوندىرىسىن 2011 جىلى ىسكە قوسقان. نەگىزگى ماماندىعى ىشكى ىستەر سالاسىنىڭ قىزمەتكەرى بولعانىمەن، نيكولاي جاستايىنان جيھاز جاساۋ ونەرىنە جاقىن بولعان ەكەن. 2010 جىلى ومبى قالاسىنداعى جيھاز فابريكاسىندا تاجىريبە جيناعان اعاش شەبەرىنىڭ تاۋارىنا اۋدان ورتالىعىنان تىس، پاۆلودار، اقسۋ قالالارىنان كەلىپ ٴتۇسىپ جاتقان تاپسىرىس لەگى تولاستاماۋدا. سونىمەن قاتار، تۇتىنۋشىعا وڭتايلى جاعداي جاساپ، جيھازدى جەتكىزىپ بەرۋ جانە قۇراستىرىپ، ورنالاستىرۋدى تەگىن جۇزەگە اسىرادى. قاراماعىنداعى ٴۇش ادامنىڭ كۇشىمەن تۇرمىستىق جانە كەڭسە جيھازدارىن ساپاسى جوعارى ٴارى ارزان باعامەن دايىندايدى. - مەملەكەت قولداۋىنىڭ ارقاسىندا بىزگە ساپالى ٴارى سۇرانىسقا يە جيھاز جاساۋعا مۇمكىندىك تۋدى. شەتەلدىك ونىمنەن كەم تۇسپەيتىن جيھاز شىعارعىمىز كەلدى. اعاش شەبەرلىگى باستاپقىدا انشەيىن اۋەسقوي ٴىس بولسا، ەندى تابىس كوزىنە اينالىپ وتىر.

بۇگىندە بيزنەسىمنىڭ كوكجيەگى كەڭەيىپ كەلەدى. جەرلەستەرىمە كوڭىلدەرىنەن شىعاتىن جيھاز ۇسىنىپ، ٴناپاقا تاۋىپ، وتباسىمدى قامتاماسىز ەتۋدەمىن. ٴبىر قاراعان ادامعا كادىمگى تاقتاي بوپ كورىنسە دە، ونىڭ قييۋىن كەلىستىرىپ، ادەمى دۇنيە ەتىپ شىعارۋ دا وڭاي ەمەس. كوپ جاعدايدا بىزگە تاپسىرىس تۇتىنۋشىلار ارقىلى نەمەسە تانىستاردان ٴتۇسىپ جاتادى. ويتكەنى، كەز كەلگەن نارسە كوزبەن كورمەي، قولمەن ۇستاماي كوڭىلدەن شىقپايدى عوي. سول سەكىلدى تۇتىنۋشىلارىمىز ٴبىرىنىڭ ۇيىنەن ٴبىرى كورىپ، ۇناسا، تاعى ٴبىرى تاپسىرىس بەرىپ جاتادى، - دەيدى ن.كاليۋجنىي. جيھاز جاساۋ سەحىنا كوشىرىلگەن شەبەرحانا قۇرال-جابدىقتارىنىڭ بارلىعى دەرلىك جاڭارتىلعان. ٴوندىرىس ورنىندا زاماناۋي قۇرال- جابدىقتاردى پايدالانۋ جۇمىس ساپاسى مەن ونىمدىلىگىن ارتتىرارى ٴسوزسىز. سوندىقتان، جياز جاساۋ ىسىندە العاشقى كەزدەرى قىتايلىق قۇرال-جابدىقتار پايدالانىلسا، بۇگىندە رەسەيلىك، يتالياندىق ستانوك ىسكە قوسىلعان. سونداي-اق، وسى ستانوكتاردا جۇمىس جاسايتىن اعاش شەبەرلەرى دە بار. جيھاز جاساۋعا ارنالعان اعاش جانە وزگە دە ماتەريالدار وبلىس ورتالىعىنان اكەلىنەدى ەكەن.

جالپى، اتالمىش سەح جيھازدىڭ ٴتۇر-تۇرىن جاساۋعا قاۋقارلى. شەبەرلەردىڭ ايتۋىنشا، مۇنداعى جيھازدار بىرەگەيلىگىمەن ەرەكشەلەنەدى. ەكولوگيالىق تازا ماتەريالداردان جاسالعان ونىمدەر ٴسوزسىز كوڭىلدەن شىعارى انىق. وندىرۋشىلەر تاۋارلارىنىڭ ۇزاق مەرزىمدە پايداعا اسۋىن ەڭ ٴبىرىنشى ماقسات قويعان. الدىمىزداعى جاڭا جىلدان باستاپ، كاسىپكەر جۇمساق جيھاز ٴوندىرىسىن قولعا الۋدى مەجەلەگەن. الەمدىك ەكونوميكانىڭ تۇعىرى شايقالىپ تۇرعان شاقتا قارجىلىق قىسىمنىڭ سالقىنى قازاقستاندى اينالىپ وتپەدى. سول سەبەپتى، قازاقستانعا، ەلىمىزگە قولداۋ كورسەتىپ، قازاقستاندىق ٴونىمدى ساتىپ الۋ ارقىلى ٴبىز تەك ەل ەكونوميكاسىنا عانا كومەكتەسىپ قويمايمىز، سونداي-اق وتاندىق كاسىپورىنداردا ەڭبەك ەتىپ جۇرگەن ادامدارعا قولداۋ كورسەتەمىز. ولار ٴبىزدىڭ ارقامىزدا جۇمىسىن جالعاستىرادى، وتباسىن اسىراپ، ۇرپاق وربىتەدى. سوندىقتان، ەلىمىزدە وندىرىلگەن، «قازاقستاندا جاسالعان» تاۋارلار مەن ونىمدەردى ساتىپ الىپ، پاتريوت ەكەنىمىزدى تانىتاتىن كەز جەتتى.

ە. احمەتسالىم ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي