كاسىپكەرلەر باس قوستى

وتكەن اپتادا اۋدان اكىمدىگىنىڭ ٴماجىلىس زالىندا كاسىپكەرلەر باسقوسۋى ٴوتتى. اتالمىش باسقوسۋدا وقو «اتامەكەن» ۇلتتىق كاسىپكەرلەر پالاتاسىنىڭ شاردارا اۋداندىق فيليالىنىڭ ديرەكتورى يساتاي ٴادىلحان 2016 جىلعى 9-ايلىق بويىنشا ەسەپ بەردى. جيىنعا وقو «اتامەكەى» ۇلتتىق كاسىپكەرلەر پالاتاسى ديرەكتورىنىڭ ورىنباسارى عازيزبەك ناتبايەۆ، شاردارا اۋداندىق ماسليحات حاتشىسى بۇلتباي مۇتاليەۆ، اۋدان پروكۋرورى تالعات سەيدۋاليەۆ، «ىسكەر ايەلدەر» كەڭەسىنىڭ مۇشەسى نۇرگۇل قوبلانوۆا، اۋداندىق ٴماسليحات دەپۋتاتتارى، شاردارا اۋدانى مەملەكەتتىك مەكەمە باسشىلارى، كىرىستەر باسقارماسى، قالا، اۋىل اكىمدەرى، كاسىپكەرلەرگە قىزمەت كورسەتۋ ورتالىعى، «ماكسيمۋم» ايماقتىق ينۆەستيسيالىق ورتالىعى مەن «ىرىس» مقۇ» ٴجشس-نىڭ باسشىلارى جانە اۋدانداعى بارلىق سالاداعى كاسىپكەرلەرلىك تۇلعالاردىڭ باسشىلارى قاتىستى. اۋىل وكرۋگتەرىنەن ارنايى كەلگەن شارۋا قوجالىقتارىنىڭ ٴتوراعالارى كوكەيدە جۇرگەن ساۋالدارىنا تۇششىمدى جاۋاپتار الىپ، وي ٴبولىستى. كەيبىر ساۋالدار نازارعا الىنىپ، الداعى ۋاقىتتا ٴتيىستى سالا بويىنشا جاۋاپتار بەرىلەتىندىگى ايتىلدى.

سونداي-اق، اۋدان پروكۋرورىنىڭ كومەكشىسى ا.تۇرشەكوۆ كاسىپكەرلىك سالاسىنداعى كاىپكەرلەردىڭ قۇقىقتارى تولىققاندى قورعالۋدا ەكەندىگىن، وسى كۇنگە دەيىن زاڭ بۇزۋشىلىقتار ورىن الماعاندىعى تۋراسىندا، اتقارىلعان جۇمىستارى جايلى بايانداما جاسادى. كاسىپكەر ازاماتتار ٴۇشىن موبيلدىك توپ قۇرىلىپ، ناتيجەلى جۇمىستار جاسالىپ جاتقاندىعىن تىلگە تيەك ەتتى. مۇنان وزگە دە جۇمىستار جايىن زەردەلەي كەلە، اۋدان پروكۋرورى ت.سەيدۋاليەۆ 2-19-57 سەنىم تەلەفونى ارقىلى قانداي دا ٴبىر ارىز-شاعىمدار توڭىرەگىندە داۋ-داماي بولعان جاعدايدا اۋدان مەن اۋىل اراسى شالعاي دەمەستەن اتالاعان بايلانىس تەلەفونى ارقىلى دا ارىز-شاعىم قالدىرۋعا بولاتىندىعىن جەتكىزدى. اۋداندىق ٴماسليحاتتىڭ حاتشىسى ب.مۇتاليەۆ كەلگەن قوناقتارعا اۋدان تۇرعىن- دارى اتىنان العىس ٴبىلدىرىپ، جيىندى قورىتىندىلادى.

«شاراينا-اقپارات»

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!