BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋىلدىڭ اتپال ازاماتتارى

اگرارلىق ونەركاسىپتىك ٴوندىرىستىڭ قازىرگى جانە بولاشاقتاعى دامۋى تەك اۋىل شارۋاشىلىعىنىڭ تىكەلەي دامۋ دەڭگەيىنە عانا ەمەس، سونىمەن بىرگە، وعان قىزمەت كورسەتەتىن اۋىل شارۋاشىلىعىنىڭ دامۋ دارەجەسىمەن دە ايقىندالادى، ياعني اۋىل شارۋاشىلىعىنىڭ ينفروقۇرىلىمىنا دا بايلانىستى. سونداي-اق، تالقىسى مەن ٴتاتتىسى قاتار جۇرەتىن شارۋاشىلىقتاردى دوڭگەلەتىپ وتىرعان ازاماتتارمەن ايقىندالادى.

اقتاۋ سەلولىق وكرۋگىندە شارۋا قوجالىقتارى جىل سايىن 4452 گەكتار جەرگە ٴداندى داقىل، 2302 گەكتارعا مايلى وسىمدىكتەر ەگەدى. سونىمەن قاتار، مال شارۋاشىلىعى، جەكە كاسىپكەرلىك تە تۇراقتى وركەندەۋ ۇستىندە. سولاردىڭ قاتارىندا، «بلاگوداتنوە» شق جشس-ىندە 515 باس انالىق سيىر ساۋىلىپ، سوتكەسىنە 1500 ليتر ٴسۇت جينالادى. ٴىرى-قارانىڭ جالپى سانى - 708 باس. قازىرگى ۋاقىتتا ٴبىرىڭعاي سيممەنتال تۇقىمىنا كوشىپ، ٴسۇت ونىمدەرىن كەڭەيتۋ قولعا الىنعان. اۋىلدىڭ 24 تۇرعىنىن جۇمىسپەن قامتىعان شارۋاشىلىقتىڭ ەسەبىندە رسم-101 ۆەكتور، دون-1500، نيۆا، ەنيسەي سەكىلدى بارلىعى 9 كومباين، 18 تراكتور، 8 جۇك كولىگى، ٴشوپ، استىق جيناۋ جابدىقتارى بار. 4000 تونناعا دەيىن استىق كەپتىرىپ، تازالايتىن قىرمان ناۋقانى 100 پايىزعا اياقتالعان. الدىڭعى بەلەستەن كورىنىپ كەلە جاتقان «بلاگوداتنوە» شارۋا قوجالىعى 2010 جىلى قۇرىلعان. قوجالىق باسشىسى ا.ۆ.دەرر- پاۆلودار قالاسىنىڭ تۋماسى. ٴوزىنىڭ ەڭبەك جولىن ساۋدا سالاسىندا باستاعان اندرەي ۆيكتوروۆيچ «بليس فاساد» جشس، «azia ltd pavlodar» جشس-ىندە ديرەكتورلىق قىزمەت اتقارعان. ال، 2010 جىلدان باستاپ ات باسىن اۋىلعا تىرەپ، اۋىلشارۋاشىلىق سالاسىنىڭ مايتالمانىنا اينالعان. بۇگىنگى تاڭدا بەرەزوۆكا اۋىلىندا اشقان ناۋبايحاناسى دا حالىققا قىزمەت كورسەتىپ كەلەدى.

وكرۋگ اكىمى ماقسات ساعيەۆتىڭ ايتۋىنشا، اۋىلدىڭ مادەني، سپورتتىق، وزگە دە يگى شارالارىنا دەمەۋشىلىك كورسەتەتىن سەرىكتەستىك ەل ريزاشىلىعىنا بولەنۋدە. ەلباسى ن.نازاربايەۆ: «قازاقستاندا تاريحي، اسىرەسە ٴامىرشىل ەكونوميكا داۋىرىندە، ادامداردى اۋىلدىق جەرلەرگە قونىستاندىرۋ نارىقتىق ەكونوميكا تۇرعىسىنان دا، الەۋمەتتىك جانە ەكولوگيالىق جاعىنان دا ٴساتسىز قالىپتاسىپ كەلدى. ناتيجەسىندە قۇلدىراۋ ەكونوميكاسى كوپتەگەن اۋىلدىق اۋدانداردىڭ سيپاتتى بەلگىسىنە اينالدى. ...مەملەكەتتىڭ كۇللى قارجى- ەكونوميكالىق ساياساتى، سونىڭ ىشىندە الەۋمەتتىك جانە اۋىلشارۋاشىلىق ساياساتى ادامنىڭ تىرشىلىگى مەن نارىقتىڭ جۇمىس ىستەۋى تۇرعىسىنان تەك پەرسپەكتيۆالى اۋماقتارعا عانا ىرىكتەپ باعىتتالۋعا ٴتيىس» دەگەن بولاتىن. قازىرگى ۋاقىتتا، كەلەشەگى بار اۋىلدار سانى كوبەيىپ كەلە جاتقانىن كورىپ، اۋىل شارۋاشىلىعى سالاسىنداعى ەڭبەككەرلەرگە رياسىز ريزاشىلىق تانىتۋعا ٴتيىسپىز.

ا. ەرلان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي