BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسكەري جاتتىعۋ – اپاتقا ساق تۇرۋ!

فوتو: Бақтияр Айталы

قىركۇيەكتىڭ 18-22 كۇندەرى 28237 اسكەري ٴبولىمىنىڭ وقۋ-جاتتىعۋ ورتالىعىندا قازاقستان رەسپۋبليكاسى ۇلتتىق ۇلانى قۇتقارۋ بولىنىستەرىنىڭ رەسپۋبليكالىق دارەجەدە وقۋ-جاتتىعۋلارىن وتكىزدى.

جاتتىعۋ باستالماس بۇرىن ٴتيىستى ٴبولىم باسشىلارى اۋدان اكىمىنە وزدەرىنىڭ اتقاراتىن ٴىس-جوسپارلارىن تانىستىرىپ، جاتتىعۋدى باستاۋعا رۇقسات الدى.
قاۋىپسىزدىكتى نىعايتۋدا ەرەكشە ماڭىزى بار بۇل شاراعا اۋدان اكىمى جانداربەك دالابايەۆ مىرزا قاتىستى. بۇل شارانى ويداعىداي وتكىزۋ ٴۇشىن اۋداندىق ىشكى ىستەر ٴبولىمىنىڭ قىزمەتكەرلەرى، سونىمەن قاتار جەرگىلىكتى مەكەمە، بولىمدەردەن دە ارنايى جۇمىلدىرىلعان ازاماتتار كەلدى. بيىلعى ەرەكشە قۇتقارۋشى قوسىننىڭ پوليگوندىق تاجىريبەلىك وقۋ-جاتتىعۋلارىن ۇلتتىق ۇلان تۇڭعىش رەت وزدەرى ۇيىمداستىرىپ، وعان ازاماتتىق قورعانىس جۇيەسىندەگى اسكەري بولىمدەرىن قاتىستىردى.
قۇتقارۋشىلار توبى ەڭ اۋەلى جەر سىلكىنىسى بولعان اپاتتىق ايماقتى جەدەل قورشاۋعا الۋدان باستادى. مۇنداعى ماقسات – زارداپ شەككەن ايماقتىڭ قاراقشىلار تاراپىنان تونالىپ كەتپەۋىن قاداعالاۋ ەكەن. سول ساتتە كەدەرگىلەر جولاعىن باعىندىرۋ، ٴتۇرلى قاۋىپتەگى ٴورتتى ٴسوندىرۋ، تۇرعىن ۇيلەر مەن عيماراتتاردىڭ نەمەسە كوپقاباتتى ۇيلەردىڭ قيراعان كەزىندە جەدەل ٴارى ٴقاۋىپسىز قۇتقارۋ جۇمىستارىن جۇزەگە اسىرۋ ماشىقتارىن ورىندادى. زارداپ شەككەن ادامداردى عيماراتتىڭ جوعارعى قاباتىنداعى قىزىل جالىنعا قامالعان قورعانسىز ساتىنەن ٴقاۋىپسىز جەرلەرگە جونەلتۋ، اپات كەزىندە قۇتقارۋ قۇرالدارىمەن قۇتقارۋ ادىستەرى، كەدەرگىلەردى قيراتۋ ارقىلى قاراڭعى جولداردى (تۋنەل) باعىندىرۋ، gps قۇرىلعىسىنىڭ كومەگىمەن جەرگىلىكتى جەردە زارداپ شەككەندەردى ىزدەستىرۋ، تەحنوگەندىك اپاتتار مەن جول-كولىك اپاتىنا، تەمىرجول اپاتتارىنا ۇشىراعانداردى ەۆاكۋاسيالاۋ، ٴۇيىندى استىندا قالىپ قويعان ادامداردى ٴيىسشىل يتتەردىڭ كومەگىمەن ىزدەپ تابۋ، سۇڭگۋىر جابدىقتارىن قولدانۋ ارقىلى سۋ استى ىزدەستىرۋ جۇمىستارىن جۇرگىزۋ، جەكە قورعانىس قۇرالدارىن قولدانۋ ارقىلى حيميالىق ٴقاۋىپتى ايماقتان ادامداردى قۇتقارۋ سىندى تاجىريبەلى ٴىس-قيمىلداردى جاتتىعۋ بارىسىندا ٴساتتى ٴارى جىلدام ورىنداي ٴبىلدى.
ٴيا، اپات ايتىپ كەلمەيدى. تابيعاتتىڭ ٴتۇرلى قاھارى مەن ٴتىلسىز جاۋىنان زارداپ شەكپەس ٴۇشىن، وعان توتەپ بەرەتىن مىعىم دايىندىق كەرەك. ابىرويمەن اتقارىلعان بۇل جاتتىعۋ ٴتجق-نىڭ تاجىريبەسىن ارتتىرا ٴتۇستى.
وقۋ-جاتتىعۋ اياقتالعان سوڭ اۋدان اكىمى جانداربەك ەرمەك ۇلى «وڭتۇستىك» ايماقتىق باسقارۋ كومانديرى، گەنەرال-مايور قايرات احتانوۆ، توتەنشە جاعدايلار ٴبولىمىنىڭ ارداگەر پولكوۆنيگى امانتاي مالگاجداروۆ، ٴتجق-نى باس شتابىنىڭ ورىنباسارى، پولكوۆنيك مارات تولەپبەردينوۆ ٴسوز سويلەپ، وقۋ-جاتتىعۋدا ۇزدىك ونەر كورسەتكەن ۇلتتىق ۇلان ساربازدارى مەن ٴتجق-نىڭ قىزمەتكەرلەرىنە جانە اۋداندىق ىشكى ىستەر ٴبولىمىنىڭ قىزمەتكەرلەرىنە ابىرويمەن اتقارىلعان ىستەرى ٴۇشىن العىس ايتتى. سونداي-اق، اۋدان اكىمى ساربازدارعا زاماناۋي ۇلگىدەگى تەلەديدار مەن نوۋتبۋكتى تارتۋ ەتتى.

باقتيار ايتالى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي