BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىعا پويىزبەن باراتىن بولدىق

بۇگىن الماتى قالاسى مەن قازىبەك بەك بەكەتىنە قاتىنايتىن پويىزدىڭ العاشقى لەگى كەلىپ توقتادى. وسى كۇنى پويىزدى اۋىلدىڭ جاسى مەن كارىسى اسىعا كۇتكەنى بايقالدى. سەبەبى، وسى ۋاقىتقا دەيىن اۋىل تۇرعىندارى مەن اۋىلعا جاقىن ماڭداعى ەلدىمەكەن ازاماتتارى قالاعا قاتىناۋ ٴۇشىن جولدان تاكسي ۇستاپ شاش ەتەكتەن شىعىنعا باتاتىن ەدى. شىعىن مەن التىن وردا كەپتەلىسىنەن زارىققان جۇرت وسى كۇنى كەلگەن پويىزدى جاس بالاشا قۋانىپ قارسى الدى.

زويا مۇكەەۆا تەمىرجول سەلولىق وكرۋگى انالار القاسىنىڭ ٴتورايىمى: كسرو كەزىندە ٴبىزدىڭ اۋىلدان قالاعا جۇرەتىن پويىز بار ەدى، كەيىن توقىراۋ زامان كەلگەندە ول توقتاپ قالدى. سول پويىز توقتاعاننان كەيىن ٴبارىمىز ۇزىناعاش ارقىلى تاكسيگە تۇسكەنىمىز تاكسيگە، اۆتوبۋسقا تۇسكەنىمىز اۆتوبۋسقا وتىرىپ سوناۋ اۋدان ورتالىعىن اينالىپ ٴبىراق الماتىعا باراتىن ەدىك. ٴبىز ٴسويتىپ جول ازابىن كوپ تارتتىق. ەندى مىنە بۇگىن اۋىلىمىزعا قالاارالىق پويىز كەلگەنىنە ٴبارىمىز ٴبىر كىسىدەي قۋانىپ جاتىرمىز. سەبەبى، بۇل بىرىنشىدەن ٴبىزدىڭ قالادا وقيتىن ستۋدەنتتەرىمىز بەن سول جاقتا جۇمىس ىستەيتىن اۋىل جاستارىنا ٴتيىمدى بولىپ تۇر. ٴتىپتى بالالارىن قالادا پاتەردە تۇرعىزىپ، وقىتۋعا قارجىلاي شاماسى كەلمەيتىن اۋىل ازاماتتارىنا ۇلكەن كومەك بولاتىن بولدى. تاڭەرتەڭ اۋىلدان شىققان پويىز تاڭعى 8:30 دار شاماسىندا ٴدال قالانىڭ ورتاسىنا باراتىنى ٴبىز ٴۇشىن ٴبىر عانيبەت. ەلدىڭ قامىن ويلاپ، بىزگە وسىنداي جاعداي جاساپ وتىرعان باسشىلارعا اۋىل انالارى اتىنان اق باتامدى بەرەمىن،-دەدى.

وڭايباي مىرزابەكوۆ اۋىل تۇرعىنى: مىنە بۇگىن ٴبىز كوپتەن كۇتكەن ارمانىمىزعا قول جەتكىزدىك. مىنانداي زاماناۋي پويىزبەن اۋىل مەن الماتى اراسىندا ٴجۇرۋ بىزگە زور مارتەبە دەر ەم. مەنىڭ قالادا جۇمىس ىستەيتىن بالالارىما بۇل جەڭىل بولاتىن بولدى. ويتكەنى، تاكسيمەن كۇندە اۋىلدان قالاعا قاتىناۋ ٴۇشىن 1000-1500 تەڭگە تولەيتىن ولار ەندى 80 تەڭگەمەن عانا بارا الاتىن بولدى. ٴبىزدىڭ باقىتىمىزعا كەلگەن بۇل جۇردەك پويىز ەندى توقتاماسا ەكەن دەپ تىلەيمىز،-دەدى.

ەرسىن كەڭەسبەك ۇلى سابىرحانوۆ «تۇران ەكسپرەسس» جولاۋشىلار تاسىمالى كومپانياسى باس ديرەكتورىنىڭ ورىنباسارى: بۇگىنگى كۇننەن باستاپ اۋداندارىڭىزعا كەلگەن پويىز بۇدان بىلاي قىسى-جازى توقتاماستان ەكى مەزگىلدە قازىبەك بەك پەن «الماتى 2» تەمىرجول بەكەتتەرىندە قاتىنايتىن بولادى. قازىبەك بەك بەكەتىنەن تاڭعى 6 دا شىققان پويىز 7:58 دە الماتى قالاسىنىڭ ورتاسىنا ٴبىراق بارادى. وسى ارالىقتا جۇرگەن حالىق نەبارى 80 تەڭگەمەن قالاعا، قالادان اۋىلعا قاتىناۋعا مۇمكىندىك الادى. ال، كەشكە 18:43-تە «الماتى 2» تەمىرجول بەكەتىنەن شىققان پويىز 20:30 دار شاماسىندا «قازىبەك بەك» بەكەتىندە كەلەدى. سونىمەن قاتار الماتى مەن قازىبەك بەك بەكەتىنىڭ اراسىنداعى «بۇرىنداي»، «جىڭعىلدى»، «شامالعان»، «اقسەڭگىر» سىندى قالاعا قاتىناۋى قيىن بولىپ وتىرعان بەكەتتەردەگى اۋىل ادامدارى قاتىنايتىن بولادى وسى پويىز ارقىلى. بۇل باعىتتا شىققان پويىز الماتى قالاسى اكىمشىلىگىنىڭ قولداۋىمەن «تۇران ەكسپرەسس» جولاۋشىلار تاسىمالى كومپانياسىنىڭ باسشىسى رومان بەيدالى ۇلى بوتابەكوۆتىڭ ۇيىمداستىرۋىمەن قۇرىلعان الەۋمەتتىك جوبا. وزدەرىڭىز كورىپ تۇرعانداي جولاۋشىلارعا بارلىق جاعداي جاسالعان. ىشىندە سالقىنداتقىش پەن تەلەديدار،تاماق ىشۋگە ارنالعان جينالمالى ورىندىقتار مەن ۇزاق جولعا جۇرۋگە قولايلى ورىندىقتار،ەكولوگيالىق بيودارەتحانالار سياقتى قۇرىلعىلار ورناتىلعان.بۇل ارالىقتا جۇرەتىن پويىزدان ٴبىزدىڭ كومپانياعا حالىقتان تۇسەتىن اقشانىڭ پايداسى كەمدە-كەم. ٴبىز پايدا ٴۇشىن ەمەس، حالىقتىڭ يگىلىگى ٴۇشىن جۇمىس جاساۋدامىز. سول ٴۇشىن حالىق الداعى ۋاقىتتا پويىز توقتاپ قالادى-اۋ دەگەن كۇدىكتەن ادا بولسا ەكەن. پويىز ەندى توقتامايدى دەپ نىق سەنىممەن ايتا الامىن،-دەپ اۋىل مەن اۋدان حالقىن قۇلاعدار ەتىپ، قۋانىشتى حابارىمەن ٴبولىستى.

بۇل قۋانىشتى حابارعا اقسەڭگىر، جايساڭ، كوكدالا، تاران اۋىلىنىڭ تۇرعىندارى دا ٴدان ريزا. قاراجات پەن ۋاقىتتى ۇنەمدەيتىن بولدىق دەيدى اۋىل تۇرعىندارى. ٴبىر باعىتقا قاراي ٴبىر جارىم ساعات پويىزبەن جۇرگەن كەپتەلىستە تۇرىپ،شارشاعاننان گورى الدەقايدا جاقسى دەيدى ولار.

ەلدار جاقىپبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي