BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جارقىن اسۋ، جاڭا بەلەستەر

فوتو: Бақтияр Айталы

جاڭا وقۋ جىلى باستالدى. بيىل قىركۇيەكتىڭ 2-دە مەكتەپ تابالدىرىعىن اتتاعان بۇلدىرشىندەردىڭ قۋانىشىندا شەك جوق. تابيعي دەموگرافيالىق ٴوسىمى جونىنەن وبلىستا الدىڭعى قاتاردان كورىنگەن اۋدانىمىزدا 2017/2018 وقۋ جىلىن بارلىعى 28182 وقۋشى قارسى الدى. ولارعا 2612 ٴمۇعالىم ٴتالىمدى تاربيە، ساپالى ٴبىلىم بەرۋگە ٴازىر. اسىرەسە، جاڭادان سالىنىپ پايدالانۋعا بەرىلگەن 1200 ورىندىق ۇزىناعاش، 600 ورىندىق قاينازار، 450 ورىندىق اقسەڭگىر اۋىلىنداعى ٴۇش مەكتەپتىڭ جاعدايى ٴتىپتى ەرەكشە. مۇنداعى تىرشىلىكتىڭ ٴبارى جاڭا. جاڭا مەكتەپكە بارعان ۇستازدار، جاڭا پارتا، جاڭا ٴپان كابينەتتەرى، جاڭا سپورت زالدارى، جاڭا اسحانا... ٴيا، جاڭانىڭ اتى جاڭا.

دەسەك تە، قۇرىلىسشىلاردىڭ ۇلگەرە الماي قالعان جۇمىستارى دا جوق ەمەس ەكەن. ولاردىڭ تاراپىنان جىبەرىلگەن كەيبىر كەمشىلىكتەر كوڭىلگە كادىمگىدەي كىربەڭ كەلتىرەتىنىن جاسىرۋعا بولمايدى. وسىنى اۋدان اكىمى جانداربەك دالابايەۆ مىرزا ارنايى جۇمىس ساپارىمەن بارىپ ارالاعان 1200 ورىندىق «ۇزىناعاش اۋىلىنداعى ورتا مەكتەپ» كمم-دە ٴوز كوزىمەن كورىپ، الاڭ كوڭىلمەن ايتارلىقتاي ەسكەرتۋلەر جاسادى.
«قاينازار اۋىلىنداعى ورتا مەكتەپ» كمم-دەگى جاعداي بۇدان اناعۇرلىم ىلگەرى ەكەنى بايقالادى. راس، مۇندا ٴالى دە تولىقتىرا تۇسەتىن قۇرال-جابدىقتاردى رەتىمەن ورنالاستىرىپ، ٴبىرقاتارىنا تاپسىرىس بەرۋ كەرەكتىگى ايتىلدى. دەگەنمەن سالىستىرمالى تۇردە الىپ قاراعاندا، مەكتەپ وقۋشىلارىنا الاڭسىز ٴبىلىم بەرۋگە لايىقتى جاعدايدىڭ ٴبارى بار. اۋدان اكىمى مەكتەپ باسشىلارى مەن مۇعالىمدەرگە وقۋ جىلىنىڭ باسىنداعى قاربالاس جۇمىستاردىڭ قانشالىقتى ماڭىزدى ەكەنىن ۇعىندىرىپ، جاڭا ۇجىمدى ٴوزارا ىنتىماق پەن بىرلىككە شاقىردى.
تامىز ايىنىڭ سوڭىنداعى كادر اۋىستىرۋ راسىمدەرى كەزىندە ٴبىراز تۇسىنىسپەۋشىلىك ورىن العان بۇل مەكتەپكە بىرنەشە جىلدان بەرى ٴبىلىم سالاسىندا باسشىلىق تاجىريبەسىمەن كوزگە تۇسكەن بىلىكتى پەداگوگ سالتانات باقبەرگەنقىزى سۇلۋبەكوۆا ديرەكتور بولىپ تاعايىندالعان. ونىڭ الىمدىلىعى مەن ۇيىمداستىرۋشىلىق قابىلەتىنە ريزاشىلىق بىلدىرگەن اۋدان اكىمى ەندىگى جەردە تەك قانا زور ىنتامەن جۇمىسقا جۇمىلا كىرىسۋ كەرەكتىگىن مەكتەپ ۇجىمىنا دالەلدى مىسالدارمەن ٴتۇسىندىردى. مۇعالىمدەردىڭ نەگىزگى مىندەتى – بولاشاعىمىزدىڭ تىزگىنىن ۇستايتىن بۇگىنگى شاكىرتتەردى جان-جاقتى ٴبىلىمدى ەتىپ تاربيەلەۋ ەكەنىنە باسا نازار اۋداردى. بۇل ماقساتقا تەك ىنتىماقپەن ۇيىسقان ۇجىم عانا جەتەتىنىن ەسكەرتتى. سوندىقتان الاۋىزدىققا ەشقاشان جول بەرمەۋ كەرەكتىگىن قاداپ ايتتى.
بۇدان كەيىن جانداربەك ەرمەك ۇلى اباي اتىنداعى گيمنازيا مەكتەبىنە بۇرىلىپ، اۋدانداعى ەڭ بايىرعى ٴبىلىم وردالارىنىڭ قاتارىندا سانالاتىن ايتۋلى شاڭىراقتىڭ بىرنەشە ٴپان كابينەتتەرىن ارالادى. اسىرەسە، ينفورماتيكا ٴپانىن اعىلشىن تىلىندە وقىتاتىن اۋدان ۇستازدارىنىڭ باسىن قوسىپ، ارنايى كۋرس وتكىزىپ جاتقان باقىتكۇل جاناسبايەۆا مەن 9 «ب» سىنىبىنا تاريح پانىنەن ساباق وتكىزۋ ۇستىندە جولىققان ۇستاز نۇرلىبەك نۇرىمنىڭ كابينەتىندەگى ديدارلاسۋ اسا اسەرلى بولدى. اۋدان باسشىسى وسى ەكى سىنىپتا دا مۇعالىمدەرمەن جانە وقۋشىلارمەن اشىلا سۇحباتتاستى. ولارعا بۇگىنگى تاڭدا قوعام مەن ساياساتتا باستى باعىت سانالاتىن رۋحاني جاڭعىرۋ باعدارلاماسى مەن وزگە دە مەملەكەتتىك باعدارلامالاردى ٴتۇسىندىرىپ ٴوتتى. ەلباسى مىندەتتەگەن اسا ماڭىزدى تاپسىرمالاردى ورىنداۋ بارىسىندا اۋداندا اتقارىلىپ جاتقان ايتۋلى جۇمىستاردى شولا بايانداپ ٴوتتى. مەكتەپ باسشىلارى مەن ۇستازدار ۇجىمىنىڭ ىزدەنىستى قىزمەتتەرىنە ساتتىلىك تىلەپ، وقۋشىلارعا اعالىق اق باتاسىن ارنادى.
ٴىسساپار بارىسىندا اۋدان اكىمىنىڭ ورىنباسارى نۇرلان ەرتاس پەن اۋداندىق ٴماسليحاتتىڭ حاتشىسى سايات جۇرىن، اۋداندىق ٴبىلىم ٴبولىمىنىڭ باسشىسى ٴلايلاش باكىروۆا، ۇزىناعاش سەلولىق وكرۋگىنىڭ اكىمى ەسكەلدى قاسىموۆ اۋدان اكىمىمەن بىرگە ٴبىلىم بەرۋ سالاسىنداعى ٴارتۇرلى تولعاقتى ماسەلەلەرگە نازار اۋداردى. ولارعا ٴتيىستى شارالاردى جۇزەگە اسىرۋ جونىندە ناقتى تاپسىرمالار جۇكتەلدى.


ر.الماس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي