BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ ميرزيەەۆتى وزبەكستان پرەزيدەنتى بولىپ سايلانۋىمەن قۇتتىقتادى

مەملەكەت باسشىسى نۇرسۇلتان نازاربايەۆ شاۆكات ميرزيەەۆكە وزبەكستان رەسپۋبليكاسىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى. بۇل تۋرالى اقوردانىڭ ٴباسپاسوز قىزمەتىنەن حابارلادى.

قۇتتىقتاۋدا قازاقستان پرەزيدەنتى وتكەن سايلاۋ ناتيجەسى ازاماتتاردىڭ ٴال-اۋقاتىن جانە مەملەكەتتىڭ حالىقارالىق ارەناداعى بەدەلىن ودان ٴارى ارتتىرۋعا باعىتتالعان ساياساتقا دەگەن وزبەكستان حالقىنىڭ جوعارى سەنىمى مەن قولداۋىنىڭ ايعاعى بولعانىن اتاپ ٴوتتى.
«ٴسىزدىڭ باسشىلىعىڭىزبەن باۋىرلاس وزبەكستاندا تۇراقتىلىق پەن قاۋىپسىزدىكتى نىعايتا تۇسەتىن اۋقىمدى وزگەرىستەر جالعاسىن تاباتىنىنا سەنىمدىمىن»، - دەلىنگەن جەدەلحاتتا.
مەملەكەت باسشىسى بىرلەسكەن كۇش-جىگەردىڭ ارقاسىندا قازاقستان مەن وزبەكستان اراسىنداعى ستراتەگيالىق سەرىكتەستىكتى دامىتۋعا، سونداي-اق ورتالىق ازياداعى بارلىق ەلدەردىڭ ىنتىماقتاستىعىن كەڭەيتۋگە تىڭ سەرپىن بەرىلەتىنىنە سەنىم ٴبىلدىردى.
ەلباسى ەكىجاقتى جانە ٴوڭىرارالىق ٴوزارا ٴىس-قيمىلدىڭ الەۋەتى زور ەكەنىنە توقتالدى، سونداي-اق ەلىمىزدىڭ ساياسي، ساۋدا-ەكونوميكالىق جانە مادەني-گۋمانيتارلىق سالالاردا سىندارلى ديالوگ جۇرگىزۋگە ٴازىر ەكەنىنە نازار اۋداردى.
«وسى ٴساتتى پايدالانا وتىرىپ، سۇحباتىمىزدى استانادا جالعاستىرۋ ٴۇشىن وزىڭىزگە ىڭعايلى ۋاقىتتا قازاقستانعا مەملەكەتتىك ساپارمەن كەلۋدى ۇسىنامىن»، - دەلىنگەن جەدەلحاتتا.
سوڭىندا نۇرسۇلتان نازاربايەۆ ش.ميرزيەەۆكە زور دەنساۋلىق، مەملەكەتتىك قىزمەتتە جاڭا جەتىستىكتەر، ال باۋىرلاس وزبەك حالقىنا بەيبىتشىلىك پەن باق-بەرەكە تىلەدى.

kyzylorda-news.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي