BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن تۇركيا اراسىنداعى قارىم-قاتىناس

حالىقارالىق ساياساتتىڭ نەگىزىندە كورشى مەملەكەتتەرمەن ورناتىلعان قارىم-قاتىناستىڭ ٴجونى بولەك. قازاقستان رەسپۋبليكاسى سىرتقى ساياساتتا ىنتىماقتاستىق تەپە-تەڭدىگىن نەگىزگى ۇستانىم رەتىندە العان مەملەكەت بولىپ تابىلادى. ەلىمىزدىڭ حالىقارالىق ساياسي احۋالىن تالداعاندا ەڭ الدىمەن ونىڭ قاسىندا ورنالاسقان ەكى ٴىرى ىقپالدى مەملەكەتپەن قارىم-قاتىناسىنا توقتالامىز.

ول – رەسەي فەدەراسياسى مەن قىتاي حالىق رەسپۋبليكاسى. اتالمىش ەكى ەلمەن دە بايلانىس جىل سايىن سەرپىندى دامىپ كەلەدى. ايتىپ وتكەنگە وڭاي بولعانىمەن، تاۋەلسىزدىك العانىنا شيرەك عاسىر عانا بولعان جاس مەملەكەتتىڭ حالىقارالىق ساياساتتاعى وزىندىك ورنى مەن ىقپالىنىڭ بولۋى – ۇلكەن تاريحي جاعداي.مۇسىلمان ەلدەرى مەن ەۋروپا وداعى، تمد، حالىقارالىق ۇيىمدارمەن ىنتىماقتاستىق قالىپتاستىرۋدى وسى جىلدار اراسىندا كۇن تارتىبىنەن تۇسىرگەن ەمەس. ەكونوميكالىق تۇرعىداعى احۋالدىڭ وزگەرىپ تۇرۋى – زاڭدىلىق. ال ساياسي احۋال – ەڭ نەگىزگى فاكتور بولىپ تابىلادى.
بيىل قازاقستان مەن تۇركيا اراسىندا-عى ديپلوماتيالىق قارىم-قاتىناسقا 25 جىل تولادى. وسى جىلدار اراسىندا ەكى ەلدە مىقتى ٴبىر اسكەري بايلانىس جانە قورعانىس تەحنولوگيالارى سالاسىندا ىنتىماقتاستىق ورناتىلدى. ەڭ نەگىزگىسى – ەكى ەلدىڭ اراسىندا ساۋدا-ساتتىق قارىم-قاتىناسىنىڭ جولعا قويىلعانى. استانا قالاسىندا وتكەن اپتاداعى يسلام ىنتىماقتاستىعى ۇيىم-نىڭ عىلىم جانە تەحنولوگيالار جونىندەگى باسقوسۋىندا ەلىمىزدىڭ ىنتىماقتاستىق ساياسات ۇستاناتىنى انىق بايقالدى.
قازاقستان رەسپۋبليكانىڭ پرەزيدەنتى نۇرسۇلتان نازاربايەۆ ميانماداعى قاقتىعىسقا الاڭداۋشىلىعىن ٴبىلدىرىپ، بۇعان قاتىستى ديالوگتى بۇۇ اياسىندا جالعاستىرۋ كەرەكتىگىن ايتىپ ٴوتتى. جيىنعا كەلگەن تۇركيا پرەزيدەنتى رەجەپ ەردوعان وسى وتىرىستا مۇسىلمان حالىقتارىن ميانماداعى شيەلەنىستەردى رەتتەۋگە شاقىردى. اسكەرىنىڭ ٴوزى بەيبىت ماقساتقا نەگىزدەلگەن قازاقستان بۇل حالىقارالىق باس قوسۋدى سيرياداعى قارۋلى قاقتىعىستى رەتتەۋ جونىندەگى استانا كەلىسسوزدەرىنىڭ نەگىزىندە ۇيىمداستىرعان بولاتىن. ەكى ەل باسشىلارىنىڭ 9 قىركۇيەكتەگى كەزدەسۋىندە تاۋار اينالىمى 2 ميلليارد دوللار شاماسىندا ەكەندىگى تالقىلانىپ، ونى 5 ميلليارد دوللارعا جەتكىزۋدى ماقسات تۇتۋ كەرەكتىگى ايتىلدى.


اينۇر تولەۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي