BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەپۋتات ۋادەسىن ورىندادى

فوتو: Елдар Жақыпбек

وسىدان ەكى جىل بۇرىن، ياعني 2015 جىلى پارتيانىڭ «كەدەرگىسىز كەلەشەك» جوباسى اياسىندا قوعامدىق قابىلداۋ وتكەن ەدى

وسىدان ەكى جىل بۇرىن، ياعني 2015 جىلى پارتيانىڭ «كەدەرگىسىز كەلەشەك» جوباسى اياسىندا قوعامدىق قابىلداۋ وتكەن ەدى. وسى قابىلداۋدا ۇڭگىرتاس ورتا مەكتەبىنىڭ تۇلەگى، ٴىى توپتاعى مۇگەدەك ايگۇل جاقىپوۆا ٴوزىنىڭ ارمانى مەن ماقساتىن العا تارتىپ، “بولاشاقتا دارىگەر بولسام دەيمىن، سول ماقساتىما جەتۋ ٴۇشىن پارتيا تاراپىنان كومەك كورسەتىلسە ەكەن” دەپ ەدى.
ايگۇلدىڭ ومىرگە دەگەن قۇشتارلىعىن بايقاعان اۋداندىق ارداگەرلەر القاسىنىڭ ٴتوراعاسى ق.اتاگەلديەۆ، «ۇزىناعاش مەديسينالىق كوللەدجىنىڭ» ديرەكتورى ە.يۋلدابايەۆ پەن وبلىستىق ٴماسليحاتتىڭ دەپۋتاتى د.مولداحالىقوۆا ٴوز تاراپىنان ونىڭ وقۋىنىڭ اقىسىن تولەپ، قولدان كەلگەنشە كومەك كورسەتەتىنىن ايتقان ەدى. سونداي-اق، وسى قوعامدىق قابىلداۋدا دوعدىرگۇل ٴومىرقۇلقىزى، “ايگۇل مەديسينا سالاسىنا ماماندانىپ، وقۋىن تامامداسا، جۇمىسقا ورنالاستىرامىن” دەپ ۋادە بەرگەن.
اۋداندىق اۋرۋحانانىڭ باس دارىگەرى دوعدىرگۇل مولداحالىقوۆا بيىل مەديسينالىق كوللەدجدى بىتىرگەن ايگۇلدى جەدەل جاردەم بولىمىنە قىزمەتكە ورنالاستىرىپ، ەكى جىل بۇرىن ايتقان ۋادەسىن ورىندادى.
«ايگۇل ەكىنشى توپ مۇگەدەگى بولسا دا، ون ەكى مۇشەسى ساۋ ادامدارمەن تەڭدەي دارەجەدە قىزمەت ەتۋدە. مەن وسى قىزدىڭ باتىلدىعى مەن ەڭبەكقورلىعىنا قايران قالدىم. ول العا قويعان ماقساتىنان اينىمايتىن باتىل قىز ەكەنىن بيىل دالەلدەدى. ايگۇلگە ٴوز تاراپىمنان ۋادە بەرىپ، سول ۋادەمدى ورىنداعانىما ەش وكىنبەيمىن. سەبەبى، ول وزىنە جۇكتەلگەن مىندەتتى قالتىقسىز ورىنداپ، تىڭعىلىقتى ٴىس اتقارۋدا. بۇل قىزدىڭ بولاشاعىنان زور ٴۇمىت كۇتەمىن”، – دەيدى اۋداندىق ورتالىق اۋرۋحانانىڭ باس دارىگەرى، الماتى وبلىستىق ٴماسليحاتىنىڭ دەپۋتاتى دوعدىرگۇل مولداحالىقوۆا.


راۋشان امانقۇلوۆا،
اۋداندىق «نۇر وتان» پارتياسى فيليالىنىڭ كەڭەسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي