BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتا ٴارۋاعىنا تاعزىم

ۋاقىت ٴوتىپ بارادى. كەيدە قايىرىلىپ قارار مىنەز تانىتپاعان، قايىرىمسىز ۋاقىتقا: «ەي، زىرىلداعان كۇندەر، توقتاڭدار! ماعان وتكەندى قايتارىڭدار!» دەگىم كەلەتىنى بار. ويتكەنى ول «وتكەن» ىشىندە تالاي اۋىرتپالىقتى ارقالاي ٴجۇرىپ، ازاماتتىق، ادالدىق دەگەن اسىل قاسيەتتەرىن جوعالتپاعان جان اتامنىڭ ونەگەلى ٴومىرى بار ەدى. كەشەگى وتان سوعىسىندا تۋعان توپىراعىن جاۋ تىرناعىنان تايسالماي قورعاعان، وت بولىپ جالىنداپ ەرلىك كورسەتكەن، بەيبىت ومىردە ەسەلى ەڭبەك ەتىپ ونەگەلى ٴىزىن قالدىرعان اياۋلى ازاماتتاردىڭ ٴبىرى - مەنىڭ اتام قىزىلوردا وبلىسى قارماقشى اۋدانى جاڭاجول اۋىلىنىڭ تۋماسى مەدەشوۆ بوقانباي ەدى. اۋىلداعى كوپ بالانىڭ ٴبىرى بولىپ قالماي، الدىنا ارمان-ماقسات قويىپ، 1935 جىلى قازالىدا ماڭىزدى وقۋ ورنى بولىپ سانالاتىن فزۋ-دا وقىپ ۆاگون سلەسارى ماماندىعىن السا، 1936 جىلدارى قىزىلوردا قالاسىنداعى پەداگوگيكالىق ۋچيليششەسىن ٴمۇعالىم ماماندىعى بويىنشا ٴتامامداعان ول، تورەتام قىستاعىندا با- ستاۋىش مەكتەپتiڭ اشىلۋىنا ىقپال ەتەدى. 1936-1939 جىلدارى قارماقشى اۋدا- نىنا قاراستى تورەتام قىستاعىندا ٴوزى باس بولىپ اشقان №69 باستاۋىش (قازىرگى №80- ٴشى مەكتەپتىڭ نەگىزى) مەكتەپتىڭ العاشقى مەڭگەرۋشiسى جانە ٴمۇعالiمى بولىپ قىزمەت اتقارادى. شاكiرتتەرiن بiلiم نارiمەن سۋسىنداتقان جىلدار دا وتە شىعادى. 1939 جىلى وتان الدىنداعى بورىشىن وتەۋگە شاقىرىلىپ، ارتىنشا باستالىپ كەتكەن زۇلمات سوعىسقا ارالاسىپ كەتەدى. 1941 جىلدىڭ شىلدەسىندە مايدانعا اتتانعان اتام ۇلى وتان سوعىسى جىلدا- رىندا قولىنا قارۋ الىپ، جاۋىن جەڭبەي قايتپايتىن قاھارلى جەڭىس جاۋىنگەرىنە اينالدى. ول ٴ1-شى ۋكراين مايدانىندا 133 ديۆيزيانىڭ 631 اتقىشتار پولكiندە اۆتوماتشى، بارلاۋشى، ۆزۆود كومانديرى بولىپ تالاي باتىلدىعىمەن كوزگە تۇسەدى. نەبىر اۋىر شايقاستاردى باستان وتكەرiپ، ۆيازما، سمولەنسك، مينسك، كيەۆ، جيتومير، لۆوۆ، تەرنوپول، پودولسك سياقتى قالالاردى جاۋدان بوساتۋعا قاتىسادى. دنەپر وزەنiنەن ٴوتۋ كەزiندەگi ەڭ ۇلكەن قاندى شايقاستا دا ەرەكشە ەرلiگiمەن كوزگە تۇسەدى. ال، كارپات تاۋىنداعى جاۋ قولىنداعى 680 مەتر بيiكتiكتi ازات ەتۋ جورىعىندا ەرەن ەرلiكتىڭ ۇلگىسىن كورسەتىپ، كومانديرى وققا ۇشقان سوڭ ٴتىرى قالعان جاۋىنگەرلەرگە ٴوزى باسشىلىق جاساپ، ورگە قاراي وتە ەپتىلىكپەن ورلەي وتىرىپ، نەمىس دزوتىن قيراتىپ، بيىكتىكتەن نەمىستەردى قۋىپ شىعادى. مۇز جاستانىپ، قار توسەنگەن جاۋىنگەرلىك جورىعىندا ول بەلارۋسسيانىڭ حاتىن قالاسىن، ەۋروپانىڭ پولشا، ۆەن- گريا، رۋمىنيا سەكىلدى ەلدەرىن فاشيستىك باسقىنشىلاردان ازات ەتۋگە قاتىسادى. گەرمان جەرىندە فاشيستەردى تالقانداۋعا قاتىسادى. جاۋمەن شايقاستا ەكى رەت اۋىر جارالانسا دا، مايدان دالاسىن تاستا- مايدى. قاندى قىرعىننىڭ باسىنان اياعىنا دەيىن قاتىسقان اتام كەۋدەسىنە جاۋىنگەرلىك «قىزىل تۋ»، «1 دارەجەلى وتان سوعىسى» وردەندەرىن، بىرنەشە مەدال تاعىپ، 1945 جىلدىڭ قازان ايىندا ەلگە ورالادى. سوعىس جىلدارى كسرو-نىڭ باس قولباسشىسى ٴستاليننىڭ العىسىمەن 4 رەت جانە ٴ1-شى ۋكراين مايدانىنىڭ قولباسشىسى، كەڭەس وداعىنىڭ مارشالى ي.كونەۆتىڭ «بلاگودارستۆەننايا گراموتا- سىمەن» ماراپاتتالادى. وتان قورعاۋدا اسقان ەرلىكتىڭ ۇلگىسىن كورسەتكەن بوحانباي اتامدى سول جىلدا- رى حالقى ماقتان تۇتىپ، ال بيلىكتەگىلەر بولسا باتىر ازاماتقا ٴتۇرلى قىزمەت تىزگىنىنەن ۇسىنادى. بiراق ول كىسى لاۋازىمعا قىزىقپاي، ٴوزiنىڭ ۇستازدىق جولىن ٴارى قاراي جالعاستىرۋدى پارىز سانايدى. وسىلاي ول وبلىستىق ٴبىلىم باسقارماسى مەڭگەرۋشىسىنىڭ بۇيرىعىمەن قارماقشى اۋدانى ورتالىعىندا ورنالاسقان «وكتيابردىڭ 18 جىلدىعى» اتىنداعى بالا- لار ٴۇيiنiڭ ديرەكتورى قىزمەتiنە جۇمىسقا كىرىسەدى. بۇل بالالار ۇيiندە قازاق بالالا- رىمەن قاتار، سوعىستىڭ تاقسىرەتىن تارتقان سول جىلدارى اكەلiنگەن ورىس، گرۋزين، شەشەن، گرەك، ۋكراين، قاراشاي، كارiس ت.ب. ۇلت وكiلدەرiنiڭ جەتىم بالالارى تاربيەلەنەتىن. اتام ولاردىڭ بارلىعىنىڭ ەر جەتiپ، اياقتانۋىنا، جۇمىسقا تۇرىپ، ٴۇيلi-جاندى بولۋىنا دەيiن كومەگiن اياماي، قولعابىسىن بەرەدى. سول سەبەپتi، ەسەيىپ كەتسە دە ٴبىزدىڭ اتامىزدى ولار دا وسى كەزگە دەيىن «اكە» دەپ اتاپ كەلگەن. مۇنىڭ ٴوزى ول كىسىنىڭ شاپاعاتقا تولى مەيiرiمi مەن قىزمەتكە دەگەن ادالدىعى بولسا كەرەك. 1951 جىلى قارماقشى اۋدانىنداعى بiرنەشە شارۋاشىلىق تۇرلەرiنiڭ باسىن قوسقان «پرومكومبينات» ديرەكتورلىعىنا تاعايىندالىپ، بۇل قىزمەتتى 19 جىل ابىرويمەن اتقارادى. ٴاربiر iستi تياناقتى، تىندىرىمدى جاساي بiلەتiن بiلiكتi باسشىعا وسىلاي اۋقىمدى سالالاردى كوتەرۋ جۇكتەلەدى. اتامىزدىڭ باسشىلىعىمەن 10-نان استام ٴار ٴتۇرلى ۇلت وكىلدەرى بار بۇل ۇلكەن ۇجىم جۇمىسشى، قىزمەتكەرلەرى اۋىزبىرشىلىكتە، سىيلاستىق، بىرلىكتە قىزمەت اتقارىپ، اۋداننىڭ ٴال-اۋحاتىنىڭ وسۋىنە ٴوز ۇلەسىن قوسقان. 1969 جىلدىڭ 4 قاڭتارىنان ول حالىق دەپۋتاتتارى جوسالى پوسەلكەلiك سوۆەتi اتقارۋ كوميتەتiنiڭ ٴتوراعاسى، 1975 جىل- دان 1980 جىلدىڭ 31 شىلدەسىنە دەيiن، زەينەتكەرلىككە شىققانشا قارماقشى اۋ- دانى قورقىت اۋىلدىق كەڭەسiنiڭ ٴتوراعاسى قىزمەتتەرiن ابىرويلى اتقاردى. ول ۇلى وتان سوعىسى جىلدارعى ەرلىگى جانە سوعىستان كەيىنگى بەيبىت ومىردەگى ەرەن ەڭبەگى ٴۇشىن قازاق سسر جوعارعى كەڭەسىنىڭ «قۇرمەت گراموتاسىمەن»، 16 مەملەكەتتىك جوعارى ناگرادالارمەن ماراپاتتالعان. بۇل ٴاربىر ماراپاتتا اتامىزدىڭ ماي- دان دالاسىنداعى توگىلگەن قان مەن تەرى، سوعىستان كەيىنگى ەلدى قايتا قالپىنا كەلتىرۋ جۇمىستارىنداعى قاجىرى مەن قايراتى، كۇش-جىگەرى جاتقانى بەلگىلى. ول تالاي ۇرپاققا ەڭبەك پەن ەرلiكتiڭ ۇلگiسi بولا ٴبىلدى. قارتتىق باسىپ، شاشىنا اق تۇسسە دە قوعامدىق ماسەلەلەردi كوتەرiپ، حالىقتىڭ قامىن جەۋدەن تىنعان ەمەس. بiراق ٴومiر زاڭدىلىعىنان قاشىپ قۇتىلا المايسىڭ. اتامىز 1994 جىلدىڭ 15 تا- مىزىندا 77 جاسىندا بۇل دۇنيەدەن وزدى. ٴقازىر اتا مەن اجەدەن 1 قىز، 7 ۇل بالا، 16 نەمەرە، 14 شوبەرە تاراپ وتىر. ونەگەلى ٴومىر ٴسۇرۋ، وتانعا، ەلگە قىزمەت ەتۋ اتا ٴۇردىسى بالالارى، نەمەرە، شوبەرەلەرى تاراپىنان جالعاسىن تابۋدا. تىرلىك- تىرشىلىگىمىزدىڭ باستاۋ الار قاينارى، اتامىز بوحانباي مەن اجەمىز ۇرقيانىڭ اق جۇرەك، پاك تىلەكتەرى قايدا جۇرسەك تە بىزبەن بىرگە. سوندىقتان دا بۇگىن: «جەڭىسىڭىز قۇتتى بولسىن، اتا!» دەيمىز باسىمىزدى ٴيىپ.

 

جانبولات مەدەشوۆ، قىزىلوردا قالالىق پروكۋراتۋراسىنىڭ ٴبولىم اعا پروكۋرورى ٴى سىنىپتى زاڭگەر


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي