BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دسۇ – بۇل نارىقتاعى ٴىس-قيمىل ستاندارتتارى

«اتامەكەن» ۇلتتىق كاسىپكەرلەر پالاتاسى باسقارما ٴتوراعاسى قازاقستاننىڭ دۇنيەجۇزىلىك ساۋدا ۇيىمىنا كىرۋى جايلى تۇسىنىك بەردى. ۇكپ باسقارما ٴتوراعاسىنىڭ پىكىرىنشە، قازاقستاننىڭ دسۇ - عا كىرۋى – بۇل ەل باسشىلىعىنىڭ، ەڭ الدىمەن، پرەزيدەنت نۇرسۇلتان نازاربايەۆتىڭ اشىق تا جاھاندىق ەكونوميكالىق ينتەگراسياعا جۇيەلى باعدار الۋىنىڭ كورىنىسى. «دسۇ-عا كىرۋگە ٴسوزسىز وڭ باعا بەرەمىز. قازاقستان ينتەگراسياعا اشىق… بۇل ٴىس-قيمىلدىڭ بەلگىلى-بىر ستاندارتتارى: ياعني الدىمىزعا ستاندارت قويىپ، سول جولمەن ٴجۇرۋىمىز كەرەك. بۇل ينۆەستيسيالىق كليمات، ياعني ينۆەستوردىڭ العان باعدارى. باسقاشا وسپەيمىز. داۋلار، تاريفتىك جانە كەدەندىك ساياسات حالىقارالىق ستاندارتتارعا سايكەس بولاتىنىن ٴبارى دە تۇسىنەدى. ياعني ٴبىز الدىڭعى قاتارلى ەلدەر كلۋبىنا ەنەمىز. بۇل ماعىنادا دسۇ – ٴسوزسىز جاعىمدى تۇس»، - دەدى ابىلاي مىرزاحمەتوۆ. بۇل قازاقستاندىق تاۋار وندىرۋشىلەرگە ٴوز ٴونىمىن وتكىزۋ نارىقتارىن كەڭەيتۋگە مۇمكىندىك بەرەدى، ال ونىڭ ورنىنا جاڭا تەحنولوگيالار الا الامىز. الايدا دسۇ-عا كىرۋ ٴبىرقاتار سىناقتاردى دا الا كەلەدى. «ٴبىز «جەرگىلىكتى مازمۇن» سياقتى ۇعىمنان باس تارتۋعا ٴتيىس بولامىز. ياعني وتاندىق وندىرۋشىلەر مۇددەلەرىن اشىق تۇردە العا تارتا المايمىز، قولداۋ شارالارىن ەنگىزە المايمىز»، - دەپ نازار اۋداردى ۇكپ باسشىسى. پالاتا باسقارما ٴتوراعاسى قالىپتاسقان جاعدايدا ەاەو-عا ينتەگراسيا دسۇ ينتەگراسياسىنا قاراعاندا الدەقايدا كوپ سىناعىن الا كەلەتىنىن اتاپ ٴوتتى. ٴبىراق سىناقتار بيزنەسىمىزدىڭ شىنىعۋىنا، ونىڭ جاڭا قاسيەتتەر، قۇزىرەتتىلىكتەر، بىلىم-بىلىك يگەرۋىنە كومەكتەسۋگە ٴتيىس. «بىزدەگى تاۋار، ەكونوميكا مەن ەكسپورتشىلاردىڭ 90%-ى ونسىز دا وسى ەرەجەلەر بويىنشا جۇمىس جاسايدى»، - دەدى ابىلاي مىرزاحمەتوۆ. – «مۇندا داۋلى ماسەلە بار. وعان نەگىز دە جوق ەمەس. قاشانعى جاقسى جاعدايدا جۇرە بەرمەكشىمىز. از ۋاقىت وتكەن جوق. شىعىپ، وزدەرىڭدى سىناپ كورىڭدەر. سەبەبى ونسىز ەشقاشان دا باسەكەگە قابىلەتتى بولا المايسىڭدار». تاجىريبەلى بيزنەسمەن رەتىندە ابىلاي مىرزاحمەتوۆ قازاقستاندىق كاسىپكەرلەرگە ماقسات قويۋعا نازار اۋدارۋدى ۇسىنىپ وتىر. «رەسەيلىك وندىرۋشىلەرمەن ەمەس، «ۆيمم-بيلل-دانن»-مەن باسەكەلەسۋ قاجەت!.. ساپا جونىنەن باسەكەلەسۋ قاجەت… سوندا عانا تەڭەسە الامىز. كەرىسىنشە جاعدايدا ەلەۋسىز ٴبىر جەردە ٴىلبىپ جۇرە بەرەمىز»، - دەگەن سەنىمدە پالاتا باسشىسى. ونىڭ ايتۋىنشا، دسۇ-عا كىرۋ جونىندەگى كەلىسسوزدەر جۇرگىزگەن قازاقستاننىڭ وكىلدەرىنە جالعىز نارازىلىق شارتتاردى تالقىلاۋدىڭ جابىق سيپات الۋى بولىپ وتىر. الايدا بۇگىندە نورمالار مەن شارتتاردىڭ بارلىعى دەرلىك جاريالاندى، سونىمەن قاتار www.palata.kz سايتىندا دا.

 

«اتامەكەن» ۇلتتىق كاسىپكەرلەر پالاتاسى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي