BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

العىسىمىز شەكسىز

«جەتىم كورسەڭ جەبەي ٴجۇر» دەمەكشى ٴبىزدىڭ بالالارىمىز جەتىم ەمەس ناعىز اتا-انا ماحابباتىنا بولەنىپ وتىرعان جاندار، ٴبىراق ولاردىڭ جۇرەكتەرى، جان دۇنيەلەرى جەتىم مۇمكىندىگى شەكتەۋلى جاندار. بىرەۋى ٴوز اياعىمەن جۇرە الماسا، ال ەندى بىرەۋى ٴوز ويىن جەتكىزە الماعان اركىمگە جاۋتاڭداعان جاندار، سونى ويلاسام جۇرەگىم قان جىلايدى، قايتەيىن. بۇلار اللانىڭ سۇيگەن قۇلدارى. ويتكەنى، قيىنشىلىقتى اللا سۇيگەن ق ۇلىنا بەرەدى دەيدى. ٴيا، بۇل دا بولسا كوڭىلگە مەدەۋ.

ەلىمىزدە مۇمكىندىگى شەكتەۋلى جاندارعا كوپتەگەن جەڭىلدىكتەر جاسالعان.

سونداي-اق، مۇمكىنشىلىگى شەكتەۋلى جاندارعا جانى جومارت اتپال ازاماتتارىمىزدا كومەكتەرىن بەرىپ وتىرادى. جانى جايساڭ مەيىرىمدى جاندارعا ايتار العىسىمىز شەكسىز. سونداي جانداردىڭ ٴبىرى - «نۇر وتان» پارتياسىنىڭ ٴبىرىنشى ورىنباسارى ابيلوۆا روزا ميحايلقىزى. «جاقسىنىڭ جاقسىلىعىن ايت، نۇرى تاسىسىن»، - دەمەكشى بۇل ادام مەن ٴۇشىن ەرەكشە جان. بەس جىل بىرگە جۇمىس جاساپ ٴبىر قاباعى شىتىلىپ شارشاعانىن كورگەن ەمەسپىن. ٴوز ٴىسىن ٴسۇيىپ اتقاراتىن، ادال ەڭبەگىمەن كوپ جەتىستىكتەرگە جەتكەن، ەلىنە ادال قىزمەت ەتۋشى ازاماتشا. مۇمكىندىگى شەكتەۋلى بالالاردىڭ اتا-انالارىنا پسيحولوگتان تەگىن كەڭەس الۋىنا كومەكتەستى. ٴبىز بۇل كەزدەسۋدەن كوپ كەرەكتى تاربيەنى وزىمىزگە قابىلدادىق.

بالالارعا قۋانىش سىيلاۋ ۇلكەن باقىت. بالا ٴبىزدىڭ جارقىن بولاشاعىمىز.  اپتا ورتاسىندا بالالاردى قاپشاعاي قالاسىنا دەمالدىرۋعا اپارىپ قايتتىق.  بالالاردىڭ قۋانعانىن كورسەڭىز عوي. ولاردىڭ جۇزدەرى الاۋلاپ وتە باقىتتى كەزەڭدى باستارىنان كەشىردى. كوبىندە ٴۇي اۋلاسىنان شىقپاي وتىراتىن بالالارعا اۆتوبۋسپەن ٴجۇرۋدىڭ ٴوزى ٴبىر قۋانىش. كرەسلودا وتىرعان بالالاردىڭ بىرەۋى ەڭبەكتەپ، ەندى بىرەۋى جامباسىمەن سىرعىپ قۋانىپ، سۋعا قاراي جانتالاسقانىن كورسەڭىز... بۇل دەگەن ايتىپ جەتكىزە المايتىن cەزىم، قاتتى اسەر العان بولار ەدىڭىز. اتا-انالاردا بالالارىنىڭ شىنايى قۋانعانىن كورىپ ٴماز بولدى. ٴسابيدىڭ ٴبىر عانا شىنايى كۇلكىسىن كورۋ انا ٴۇشىن قانداي زور باقىت ەكەنىن ايتىپ جەتكىزۋ وتە قيىن. مۇمكىندىگى شەكتەۋلى بالا باعىپ وتىرعان اتا-انامەن، بالانىڭ جان دۇنيەسىن ٴتۇسىنىپ سوعان كومەك قولىن سوزىپ وتىرعان  اۋداندىق «نۇر وتان» پارتياسى فيليالىنىڭ ٴبىرىنشى ورىنباسارى ر.ابيلوۆاعا، مادەنيەت جانە تىلدەردى دامىتۋ ٴبولىمىنىڭ باس مامانى سانات ەربولات ۇلىنا، مۇمكىندىگى شەكتەۋلى بالالار مەن جۇمىس ٴبولىمىنىڭ باسشىسى م.سافاروۆاعا، پسيحولوگ ن.سامۋيلوۆا مەن ل.كراۆچەنكوعا جانە الەۋمەتتىك قىزمەتكەرلەرگە اتا-انالار اتىنان مىڭ العىس ايتامىز. ەڭبەكتەرىنىڭ جەمىسىن جەپ، شىنايى باقىتقا بولەنىپ، دەنساۋلىقتارى مىقتى بولىپ، جۇزدەرىنەن كۇلكى كەتپەي ماڭگى جاس بولىپ جۇرە بەرسىن.

 

دينارا بايديلدەنوۆا،

بارلىق اتا-انالار اتىنان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي