BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەڭ مۇمكىندىكتەر ٴومىرى

 تاعدىردىڭ تالكەگىنە تۇسكەن جارىمجان جانداردى قوعامعا بەيىمدەپ، ولاردىڭ ەڭسەسىن تىكتەپ، وزگەلەر سەكىلدى ٴومىر سۇرۋلەرىنە قولايلى جاعداي جاساۋ – بۇگىنگى قوعامنىڭ باستى تالابى. قازىرگى ساتتە ولارعا قولداۋ كورسەتۋ ەلىمىزدىڭ ساياسي مىندەتىنە اينالۋدا. وتكەن سەيسەنبىدە جۇمىسپەن قامتۋ جانە الەۋمەتتىك باعدارلامالار ٴبولىمى عيماراتىنىڭ ٴماجىلىس زالىندا وتكىزىلگەن سەميناردا ەلىمىزدە جۇزەگە اسىرىلىپ جاتقان الەۋمەتتىك ساياسات، مۇگەدەكتەردىڭ نەگىزگى قۇقىقتارى جايلى ماسەلەلەر اڭگىمە ارقاۋىنا اينالدى. سەميناردى ۇيىمداستىرۋشىلار «اردوس-جۇرەك» مۇگەدەكتەر بىرلەستىگى. اتالمىش بىرلەستىك 2013 جىلدىڭ 26 ناۋرىزىندا پەتروپاۆل قالاسىندا قۇرىلعان. سولتۇستىك قازاقستان وبلىسى اكىمدىگىنىڭ جانىنداعى مۇگەدەكتەر ٴىسى جونىندەگى ۇيلەستىرۋ كەڭەسىنىڭ مۇشەسى. بىرلەستىك قىزمەتشىلەرى 1 جانە 2 توپتاعى مۇگەدەكتەر، ەلىمىزدە تۇڭعىش رەت تىرەك- قوزعالىس اپپاراتتارى زاقىمدالعان مۇگەدەك بالالار ٴۇشىن اشىلعان ينكليۋزيۆتى مەكتەپ-ينتەرناتتىڭ العاشقى قارلىعاشتارى. بىرلەستىكتىڭ نەگىزگى ماقساتى – مۇگەدەكتەردىڭ الەۋمەتتىك قورعالۋىن قامتاماسىز ەتۋ، ولاردى كەشەندى وڭالتۋدى جۇزەگە اسىرۋ، قوعامداعى ورنى جانە مۇگەدەك بالالار ٴۇشىن قولايلى جاعدايلار جاساۋ. قۇرىلعان ۋاقىتتان بەرى ٴبىرشاما جاعىمدى ىستەردى تىندىرىپ، جاستار، مۇگەدەكتەر اراسىندا سەمينارلار، اكسيالار، ترەنينگتەر وتكىزدى. ٴقازىر ٴوڭىرىمىزدىڭ اۋداندارىن ارالاپ، مۇمكىندىگى شەكتەۋلى جاندار اراسىندا «تەڭ مۇمكىندىكتەر ٴومىرى» اتتى سەمينار، بيزنەس-ترەنينگتەر ۇيىمداستىرۋدا. سەميناردى كىرىسپە سوزبەن اشقان اتالمىش بىرلەستىك ديرەكتورىنىڭ ورىنباسارى ٴسالىمحان ٴسابيتوۆ وزدەرى جايلى ايتا كەلىپ، سەمينارعا قاتىسۋشىلاردى اشىق اڭگىمەگە شاقىردى. ودان كەيىن ٴسوز العان بىرلەستىك ديرەك- تورى اقجان كارىموۆ مۇمكىندىگى شەكتەۋلى جاندارعا كورسەتىلەتىن الەۋمەتتىك كومەكتەر مەن تولەمدەرگە توقتالىپ ٴوتتى. قازاقستاننىڭ الەۋمەتتىك قورعاۋ جۇيەسىنىڭ الەمدىك ستاندارتتارعا جاقىنداۋىنىڭ ماڭىزدى قادامى بولىپ مەملەكەت باسشىسىنىڭ 2008 جىلعى جەلتوقساندا «بىرىككەن ۇلتتار ۇيىمىنىڭ «مۇگەدەكتەردىڭ قۇقىقتارى تۋرالى» كونۆەنسيسىنا قول قويۋى بولدى. بۇۇ كونۆەنسياسى مۇگەدەكتەردىڭ قۇقىقتارىن قورعاۋعا جانە ىنتالاندىرۋعا، ولارعا قاتىستى كەمسىتۋشىلىكتەردى جويۋعا، ولاردىڭ جۇمىس ىستەۋىنە، دەنساۋلىقتارىن ساقتاۋىنا، ٴبىلىم الۋىنا جانە قوعام ومىرىنە تولىقتاي قاتىسۋى، ادىلەتتىلىككە قول جەتكىزۋى، ەركىن قوزعالۋى قۇقىقتارىن قامتاماسىز ەتۋگە جانە ىنتالاندىرۋعا باعىتتالعان. قازاقستان رەسپۋبليكاسى ەڭبەك كودەكسىنىڭ 24–تاراۋى مۇگەدەكتەردىڭ ەڭبەگىن رەتتەۋدىڭ ەرەكشەلىكتەرىنە ارنالعان. كودەكسكە سايكەس مەديسينالىق قورىتىندى بويىنشا دەنساۋلىق جاعدايى ەڭبەك مىندەتتەرىن ورىنداۋعا كەدەرگى كەلتىرەتىن نە ونىڭ دەنساۋلىعىنا جانە (نەمەسە) باسقا ادامدار ەڭبەگىنىڭ قاۋىپسىزدىگىنە قاتەر توندىرەتىن جاعدايلاردى قوسپاعاندا، مۇگەدەكتىك سەبەپتەرى بويىنشا ەڭبەك شارتىن جاساسۋدان باس تارتۋعا، مۇگەدەكتى باسقا جۇمىسقا اۋىستىرۋعا، ەڭبەك جاعدايلارىن وزگەرتۋگە تىيىم سالىنادى. ٴبىرىنشى جانە ەكىنشى توپتاعى مۇگەدەك قىزمەتكەرلەرگە اپتاسىنا 36 ساعاتتان اسپايتىن ۇزاقتىعى قىسقارتىلعان جۇمىس ۋاقىتى بەلگىلەنەدى. سونىمەن قاتار، ٴبىرىنشى جانە ەكىنشى توپتاعى مۇگەدەك قىزمەتكەرلەرگە ۇزاقتىعى 15 كۇنتىزبەلىك كۇننەن كەم بولمايتىن قوسىمشا جىل سايىنعى تولەنەتىن ەڭبەك دەمالىسى بەرىلەدى. سونداي-اق جۇمىس ىستەيتىن مۇگەدەكتەرگە جۇمىس بەرۋشىنىڭ كەلىسىمدەرىمەن، اكتىلەرىمەن، سونىمەن قاتار ۇجىمدىق كەلىسىممەن قوسىمشا كەپىلدىكتەر بەرىلۋى مۇمكىن. قازاقستان رەسپۋبليكاسى سالىق كودەكسىنىڭ 156-بابىنا سايكەس ٴبىرىنشى، ەكىنشى جانە ٴۇشىنشى توپتاعى مۇگەدەكتەردەن رەسپۋبليكالىق بيۋدجەت تۋرالى زاڭدا بەلگiلەنگەن جانە تيiستi قارجى جىلىنىڭ باسىندا قولدانىستا بولاتىن ەڭ تومەنگi جالاقىنىڭ 55 ەسەلەنگەن مولشەرi شەگiندە ٴبىر جىلداعى تابىستارى سالىق سالۋعا جاتپايدى، ياعني ولاردان جەكە تابىس سالىعى ۇستالمايدى. مۇگەدەكتىك ادامنىڭ فيزيكالىق مۇمكىندىگىن شەكتەپ قانا قويماي، قازىرگى زامانعى ٴومىر سۇرۋىنە قاجەتتى جۇمىسقا ورنالاسۋ، تابىس تابۋ مۇمكىندىكتەرىن شەكتەيتىن اسا كۇردەلى قۇبىلىس بولىپ تابىلادى. وسىعان بايلانىستى الەۋمەتتىك قامسىزداندىرۋداعى مەملەكەتتىك ساياسات ەڭ الدىمەن ازاماتتار جۇمىس ىستەۋ قابىلەتىنەن ايرىلعان جاعدايدا ولاردى قارجىلىق قولداۋعا باعىتتالعان. سەمينار بارىسىندا مۇمكىندىگى شەكتەۋلى جانداردىڭ ومىرلەرىنەن بەينەروليكتەر كورسەتىلىپ، ۇيىمداستىرۋشىلار مەن قاتىسۋشىلار اراسىندا اشىق اڭگىمەلەسۋ قالىپتاستىرىلدى. زالعا جينالعاندار وزدەرىن تولعاندىرىپ جۇرگەن ماسەلەلەر جايلى سۇراقتار قويىپ، تولىققاندى جاۋاپ الدى. سەمينار اياقتالعاننان كەيىن ٴبارى ەستەلىك سۋرەتكە ٴتۇستى. جالپى، مۇگەدەكتەر مەن مۇمكىندىگى شەكتەۋلى ادامداردىڭ ٴومىر ٴسۇرۋ ساپا- سىن جاقسارتۋ ماقساتىندا اتقارىلعان تىرلىك جەتەرلىك. ولارعا جاسالاتىن ٴاربىر كومەك ەش ۋاقىتتا تولاستاماۋعا ٴتيىس. سەبەبى، ٴومىردىڭ تاۋقىمەتىن تارتسا دا، باسىنا تۇسكەن ىسكە مويىماي كۇن كەشىپ جۇرگەن كەمتار جانداردىڭ جايى قاي كەزدە دە الدىڭعى ورىنداردا بو- لىپ، باستى نازاردا بولۋى حاق.

 

جانات كوشەي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي