BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قۋات كوزىن ۇنەمدەۋ

 وتكەن دۇيسەنبى كۇنى قالامىزعا مارتەبەلى مەيماندار اتباسىن بۇرىپ، ٴبىرقاتار مەملەكەتتىك مەكەمەلەر مەن ٴبىلىم وشاقتارىندا بولدى. قالا اكىمىنىڭ كوممۋنالدىق شارۋاشىلىق ماسەلەلەرى بويىنشا ورىنباسارى التىنبەك ەسمۇرزايەۆ قوناقتاردى باستاپ ٴجۇرىپ،تەمىرتاۋمەن تانىستىردى.

 بۇل قادامنىڭ وزىندىك سەبەبى دە جوق ەمەس، قر ۇكىمەتىنىڭ ەنەرگەتيكالىق تيىمدىلىك بويىنشا جوباسىنىڭ ۇيلەستىرۋشىسى اندرەي بەلىي مەن جەرلەسىمىز، قر پارلامەنت ٴماجىلىسىنىڭ دەپۋتاتى اندرەي بەگەنەەۆ باستاعان توپ تەمىرتاۋدىڭ „قالا مەرلەرى كەلىسىمى. شىعىس.„ دەپ اتالاتىن قاناتقاقتى جوباعا ەنگەنىن حابارلادى. بۇل جوبا ەۋروپالىق كەڭەستىڭ ۇلتتىق، اۋماقتىق جانە جەرگىلىكتى بيلىكتى بىرىكتىرە وتىرىپ، كومىر قىشقىل گازىن 2020 جىلعا قاراي ەنەرگەتيكالىق تيىمدىلىكتى ارتتىرا وتىرىپ جانە قۋات كوزدەرىن جاڭارتۋ ارقىلى كەم دەگەندە 20 پايىزعا كەمىتۋدى ٴوز مىندەتتەرىنە الىپ، ورىنداۋىن قامتيدى. سوندىقتان بۇل كەلىسىمگە بىرىككەندەردىڭ بىلگىلى ٴبىر مىندەتتەرى دە بولادى. سوعان وراي قالامىزدا مەملەكەتتىك ەنەرگەتيكالىق كاسىپ ورىن قۇرىلۋى ٴتيىس، ال ول ٴبىرىنشى كەزەكتە قۋاتكوزدەرىنىڭ تاۋەلدىلىكتەن ارىلۋ ٴۇشىن جانە وعان دەگەن قاجەتتىلىكتى ازايتۋ ٴۇشىن ەنەرگەتيكالىق اۋديتتان ٴوتۋى ٴتيىس. ەڭ باستىسى، تۇرعىنداردىڭ ەلەكتر قۋاتىن پايدالانۋ بارىسىنداعى ساناسىنا وزگەرىس ەنۋى ٴتيىس. - تەمىرتاۋ وسى كەلىسىمگە قول قويعان توعىز قالانىۆڭ ٴبىرى بولىپ وتىرعانىنا مەن قۋانىشتىمىن. بۇل جوبانىڭ العا قويىپ وتىرعان مىندەتتەرى مەنىڭ كوڭىلىمنەن شىقتى، ويتكەنى ونى ەندى قالا ورىنداۋى كەرەك. شىن مانىندە، ەكولوگيالىق جاعداي جاقسارسا، وندا ٴاربىر تەمىرتاۋلىقتىڭ ٴومىر ٴسۇرۋ ساپاسى دا ارتارى ٴسوزسىز، - دەيدى قر پارلامەنت ٴماجىلىسىنىڭ دەپۋتاتى ا.بەگەنەەۆ. - بۇل جوبانىڭ اياسىندا قالانىڭ جارىقتانۋىنا قىزىعۋشىلىق ارتىپ وتىر. بۇگىندە ٴبىزدىڭ قالادا سەگىز مىڭ جارىق شامدارى بار، ولاردىڭ تەڭ جارتىسىن ٴبىز قۋات كوزىن ۇنەمدەيتىن شامدارعا اۋىستىرىپ ۇلگەردىك. ال ەندىگى ماڭىزدى ماسەلە قالا جولدارىن جوندەۋ، بيىل رەسپۋبليكالىق بيۋدجەتتەن بۇل ماقساتقا ەشقانداي قارجى بولىنگەن جوق. وكىنىشكە وراي، سمەتالىق- جوبالىق قۇجاتتار دايىن، ال ولاردىڭ مەرزىمى ٴوتىپ كەتۋ ٴقاۋپى بار. سوندىقتان جولدى قارجىلاندىرۋ ماسەلەسى شەشىلسە دەگەن ٴۇمىت بار، - دەيدى قالا اكىمىنىڭ ورىنباسارى التىنبەك اتابەك ۇلى. قاناتقاقتى جوبانىڭ تەمىرتاۋعا نە بەرەرى الداعى ۋاقىتتىڭ ۇلەسىندە


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي