BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

„بيداي-ناننىڭ„ تارتۋى- تورت

استانا كۇنىندە تەمىرتاۋلىقتارعا ەرەكشە تارتۋ جاساعان قالامىزداعى „بيداي- نان„ كاسىپورنى بولدى. مۇنداعى جۇمىسكەرلەر بىلتىر دا سالماعى 80 كەلى تۇراتىن ۇلكەن تورتتى اسەمدەپ جاساپ، جۇرتشىلىقتىڭ نازارىنا ۇسىنىپ، استانا كۇنىن مەرەكەلەۋگە شىققان جەرلەستەرىمىزگە ٴدام تاتىرعان ەدى. بۇل يگىلىكتى ٴىس بيىل دا جالعاسىن تاۋىپ، بىلتىرعىعا قاراعاندا ون كەلىگە اۋىر، ياعني 90 كەلى تۇراتىن تورت تۇرعىنداردى تاڭ قالدىردى. بۇل جولى „بيداي-نان„ قالالىق اكىمدىكپەن بىرلەسە وتىرىپ دايىندالعاندىعىن ايتادى.

- ارينە، الاڭعا جينالعان تۇرعىندارعا تاراتۋ ٴۇشىن ونىڭ ىڭعايلى بولۋىنا باسا نازار اۋدارىپ، شاعىن مىڭداعان بولىكتەردەن تۇراتىن پيروجنىيلاردى استىڭعى بولىككە ورنالاستىردىق. ولاردىڭ سانى قانداي كوپ بولسا، ٴتۇرى مەن ٴدامى دە سونداي، مىسالى، شوكالادتى سۋفلە، جاڭعاق، جەمىس قوسىلعان سەكىلدى تۇرلەرى كوپ، -دەيدى ماماندار. تورتتىڭ جوعارعى قاباتىندا اقوردا بەينەلەنگەن، ونىڭ سالماعى 16 كەلىدەن اسادى. بۇل سىيلىقتى دايىنداۋعا كونديتەر سەحىنىڭ ۇجىمى تۇگەل اتسالىسىپ، وعان 160 كەلى ۇن، 95 كەلى جۇمىرتقا، 95 كەلى قانت، 15 كەلى بانان- مەن سونشا كەلى سارى ماي، 2 كەلى ماك، 5 كەلى شوكولادتى قوسپا قوسقان. ٴۇش قاباتتان تۇراتىن تورتتىڭ بەزەندىرىلۋىنىڭ ٴوزى كەرەمەت، ول ۇلكەن بولۋمەن قاتار ادەمى، سونىمەن قاتار تابيعي ونىمدەر قولدانىلعان. وسىلايشا، تەمىرتاۋلىقتار استانا كۇنىن تويلاپ، قالامىزداعى ىرگەلى كاسىپورىن „بيداي-نان„ سىيعا تارتقان سالماعى 90 كەلى تۇراتىن تورتتان ٴدام تاتىپ، العىستارىن جەتكىزىپ، مەرەكەلىك كوڭىل-كۇيدە بولدى.

 

ٴوز تىلشىمىزدەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي