BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقۋ ماۋسىمى باستالدى

 نوۆوۋكراينكا اۋىلىندا ورنالاسقان №5510 اسكەري بولىمگە قاراستى 3 اتقىشتار روتا- سىندا جاڭا وقۋ ماۋسىمى باستال- دى. وسىعان وراي جەكە قۇرامنىڭ وفيسەرلەرى، قىزمەتشىلەرى مەن ساربازدارى ساپقا تۇرعىزىلىپ، روتا كومانديرى كاپيتان ازامات دانياروۆتىڭ بۇيرىعى بويىنشا وقۋ ورىندارىنا اتتاندىرىلدى. ەكىنشى جارتىجىلدىقتىڭ وقۋ ماۋسىمىنا ارنالعان العاشقى ساباق قاۋىپسىزدىك شارالارىن ساقتاۋ ەرەجەلەرىنە ارنالدى. اتالمىش ساباقتىڭ ماقساتى – جەكە قۇرامدى اسكەري قىزمەتتىڭ قاۋىپسىزدىگىن قامتاماسىز ەتەتىن جاعدايلارمەن، شۇعىل وقيعالار بولا قالعان جاعدايدا ٴوزىن ٴوزى قالاي ۇستاۋ قاجەتتىلىگى، العاشقى مەديسينالىق كومەك كورسەتۋ ەرەجەلەرىمەن تانىستىرۋ، اسكەري قىزمەتتىڭ قاۋىپسىزدىگىن قامتاماسىز ەتۋدە ناقتى ٴبىلىم مەن داعدىلارعا قول جەتكىزۋ جانە جاۋاپكەرشىلىك سەزىمىن تاربيەلەۋ. بۇل كۇنى اسكەري قىزمەتشىلەر قۇرىلىس جۇمىستارىن جۇرگىزۋ جانە ەلەكتر قوندىرعىلارىن پايدالانۋ، بولىمشەنىڭ كۇندەلىكتى ارەكەتى، قاراۋىلداعى اسكەري قىزمەت، سوتتالعانداردى قاداعالاۋ بويىنشا اسكەري قىزمەت، اتىس، تاكتيكالىق جاتتىعۋلارىن وتكىزۋ جانە قارۋ-جاراقتى قولدانۋ كەزىندە قاۋىپسىزدىك شارالارىن ساقتاۋ ەرەجەلەرىن تاعى دا ٴبىر پىسىقتادى. وسى كۇنى تۇستەن كەيىن اتقىشتار روتاسىنىڭ جەكە قۇرامى العان بىلىمدەرى بويىنشا سىناقتار تاپسىردى.

 

 

جانات كوشەي. سۋرەتتى تۇسىرگەن اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي