BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا نىساندار اشىلدى

 مەملەكەتتىك مەرەكە – استانا كۇنى قارساڭىندا اۋدانىمىزدا ٴبىرقاتار ساۋدا جانە ونەركاسىپ نىساندارى اشىلدى. اتالمىش نىسانداردىڭ سالتاناتتى اشىلۋى راسىمىنە اۋدان اكىمى، «نۇر وتان» پار- تياسى اۋداندىق فيليالىنىڭ ٴتوراعاسى اعزام تاستەمىروۆ قاتىستى. اسەم تابيعاتى مەن تاريحي-مادەني ورىندارىنىڭ كوپتىگىنىڭ ارقاسىندا ايىرتاۋ اۋدانى ٴتۋريزمدى دامىتۋعا وتە قولايلى جەر. بۇل سالانى دامىتۋ جونىندەگى جۇمىستار مەملەكەتتىك ورگاندار مەن بيزنەس قۇرىلىمدارىنىڭ بىرلەسكەن كۇشتەرىمەن جۇزەگە اسىرىلۋدا. ەكونوميكالىق جاعىنان الىپ قاراساق، تۋريزم مول تابىس كوزى بولىپ تابىلادى. اۋدانىمىزدا اتالمىش سالا ىسكەر بيزنەسمەندەردىڭ ارقاسىندا جىلدان جىلعا دامىپ كەلەدى. وسىنىڭ ايقىن ايعاعىنىڭ ٴبىرى رەتىندە، استانا كۇنى قارساڭىندا «سولنەچنىي vip» دەمالىس اۋماعىندا جاڭا كەشەندى نىسان پايدالانۋعا بەرىلدى. زاماناۋي ۇلگىدە سالىنعان عيماراتتىڭ ٴبىرىنشى قاباتىندا ٴجۇز كىسىلىك ٴدامحانا ورنالاسسا، ەكىنشى قاباتىندا دەمالۋشىلارعا ارنالعان بولمەلەر بار. بولمەلەر تالاپقا ساي جابدىقتالعان. جاڭا نىساننىڭ تاسپاسىن سالتاناتتى تۇردە قيعان اۋدان باسشىسى اعزام احمەتجان ۇلى تۋريزم سالاسىن دامىتۋدا وزىندىك ۇلەسىن قوسىپ جۇرگەن ىسكەر كاسىپكەر ۆاديم پومورسەۆ پەن سەرىكتەستىكتىڭ اتقارۋشى ديرەكتورى بولات حاسەنوۆكە العىسىن بىلدىرە وتىرىپ، اتالمىش وقيعا ەلىمىزدىڭ جالپىۇلتتىق مەرەكەسى – استانا كۇنى قارساڭىندا وتكىزىلىپ وتىرعاندىعىمەن ەرەكشەلەنەتىندىگىن اتاپ ٴوتتى. وسى كۇنى يمانتاۋ اۋىلىندا جاڭا ساۋدا-ونەركاسىپتىك كەشەنى سالتاناتتى تۇردە اشىلدى. بۇل كەشەن ەندى بالىق جانە ەت ونىمدەرىن قايتا وڭدەۋمەن، پلاستيكالىق تەرەزەلەر وندىرىسىمەن جانە ازىق-تۇلىك ونىمدەرىن ساتۋمەن اينالىساتىن بولادى. باعالارى دا نارىقتاعىدان الدەقايدا تومەن بولماق. جيىرما شاقتى ادام تۇراقتى جۇمىس ورنىمەن قامتاماسىز ەتىلەدى. ساۋدا-ونەركاسىپتىك كەشەننىڭ يەسى – اۋدانىمىزدىڭ قۇرمەتتى ازاماتى يدريس كۋزاحمەتوۆ. اۋدانىمىزدىڭ الەۋمەتتىك سالاسىن دامىتۋعا ايتارلىقتاي ۇلەسىن قوسىپ جۇرگەن بۇل كاسىپكەر يمانتاۋ اۋىلىندا جاڭا مەشىت پەن ٴورت ٴسوندىرۋ دەپوسىن سالىپ، جاڭادان ٴورت ٴسوندىرۋ ماشيناسىن دا الىپ بەرگەن بولاتىن. ازقامتىلعان جانۇيالار مەن جالعىزىلىكتى زەينەتكەرلەر دە بۇل ازاماتتىڭ نازارىنان تىس قالعان ەمەس، ولارعا ۇدايى كاسىپكەر تاراپىنان قولداۋ كورسەتىلىپ وتىرادى. بۇل كۇنى شالقار اۋلىنىڭ تۇرعىندارى دا جاعىمدى جاڭالىقتىڭ كۋاسى بول- دى. جاس كاسىپكەر ەربول ماحمەتوۆ شالقارلىقتاردىڭ يگىلىگى ٴۇشىن «كوكشەتاۋ- چيستوپولە» باعىتىنداعى اۆتوجولدىڭ بويىنان «جاز» ٴدامحاناسى مەن اۆتوكولىكتەرگە قىزمەت كورسەتۋ ستانسياسىن پايدالانۋعا بەردى. ٴدامحانا ٴىشىنىڭ بەزەندىرىلۋى كوز تارتادى. ەدەننىڭ ورنىنا ادەمىلەپ ناقىشتالعان تابيعي تاستار توسەلگەن. اعزام احمەتجان ۇلى ٴوز سوزىندە «نۇرلى جول – بولاشاققا باستار جول» جول- داۋىندا پرەزيدەنتىمىز ن.ٴا. نازاربايەۆ كاسىپكەرلىكتى ودان ٴارى قولداۋ جونىندە ناقتى تاپسىرمالار بەرگەندىگىن، 2050 جىلعا قاراي ىشكى اينالىم ونىمىندە شاعىن جانە ورتا بيزنەستىڭ ۇلەسى ەلۋ پايىزدى قۇرايتىندىعىن ايتا كەلىپ، وسىنداي يگى ٴىس اتقارعانى ٴۇشىن ەربول ماحمەتوۆكە ريزاشىلىعىن ٴبىلدىردى. اتالمىش نىسانداردىڭ قۇرىلىسى ٴۇشىن 4،5 ملن. تەڭگە جۇمسالدى. كەم دەگەندە 5 جۇمىس ورنى اشىلادى. اۋدان اكىمى سونداي-اق «مۇقانوۆ» جەكە كاسىپكەرلىگىنىڭ كيىز ۇيىندە دە بولدى. كيىز ٴۇي ۇلتتىق ناقىشقا ساي بەزەندىرىلگەن، قابىرعالارعا ىلىنگەن ٴتۇرلى-تۇستى ويۋلار مەن اڭ تەرىلەرى وزىندىك ٴبىر ٴسان بەرىپ تۇر. جول ۇستىندە جۇرگەن جولاۋشىلار ەندى كيىز ۇيدەن بالداي قىمىز ٴىشىپ، ٴتىل ۇيىرەر تاعامداردان ٴدام تاتا الادى.

 

جانات ٴسابيتوۆ. سۋرەتتەردى تۇسىرگەن اۆتور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي