BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەمەۋشىمىزگە مىڭ العىس!

قاراتال ورتا مەكتەبىندە ماۋسىم ايى بويى بالالار مەن جاسوسپىرىمدەردىڭ جازعى دەمالىسىن ۇيىمداستىرۋ ماقساتىندا مەكتەپ جانىندا جازعى ساۋىقتىرۋ الاڭى جۇمىس ىستەدى. ساۋىقتىرۋ الاڭىنا قاتىسۋشىلار وزدەرىنىڭ توپتارىن قۇرىپ، اتاۋ قويىپ، جۇمىستارىمەن تانىستى. ودان كەيىن ٴار كۇنى كۇن تارتىبىنە سايكەس بەلگىلەنگەن ٴىس شارالار ٴوز ۋاقىتىندا وتكىزىلدى. بۇل جۇمىسقا 1-7-سىنىپ ارالىعىندا 50 شاقتى وقۋشى تارتىلدى. ٴار كۇن سايىن بالالار قىزىقتى ٴىس شارالارعا قاتىسىپ، قىزىعۋشىلىقپەن كەلىپ وتىردى. بالالار ٴدامدى تاعاممەن قامتاماسىز ەتىلدى. اتاپ ايتساق، دارۋمەنى مول شىرىنمەن، ٴتۇرلى جەمىستەرمەن، ٴتاتتى توقاشتارمەن قامتاماسىز ەتىلدى. مۇنداي جومارتتىقتى جاساعان اۋىلشارۋاشىلىق سالاسىندا ەرەن ەڭبەگىمەن ەرەكشەلەنىپ جۇرگەن اۋدانىمىزدىڭ ازاماتى – «جەر-انا» ٴجشس-نىڭ باسشىسى ەربولوۆ قانات امانجول ۇلى. مەكتەپ ۇجىمىنا ٴارقاشان قول ۇشىن سوزۋدى ٴوزىنىڭ ازاماتتىق پارىزى دەپ سانايتىن قانات امانجول ۇلى تاعى دا وسى جولى ٴوزىنىڭ ادامگەرشىلىگمەن، قايىرىمدىلىعىمەن، مەيىرىمدىلىگىمەن ەرەكشەلەندى. ۇلى اباي اتامىز «ادامنىڭ ادامشىلىعى ٴىستى باستاعاندىعىنان بىلىنەدى...» دەمەكشى، بىرنەشە جىل قاتارىنان مەكتەبىمىزدە ٴوتىپ جاتقان يگى شارالارعا قانات سياقتى ازامات ۇنەمى قولداۋ كورسەتىپ وتىرادى. جازعى ساۋىقتىرۋ شارالارىندا وقۋشىلار تاماقپەن قامتاماسىز ەتىلگەندىكتەن، ولاردىڭ كوڭىل كۇيلەرى دە كوتەرىڭكى بولىپ، ٴار كۇنى جوسپارعا ساي بەلگىلەنگەن شارالاردا بي شاشۋلارىن ارناپ، اسەم ٴان شىرقادى. سوندىقتان بارلىق بۇلدىرشىندەردىڭ كوڭىلدەرىنە جىلۋلىق سەزىمىن ۇيالاتقان «جەر-انا» ٴجشس-نىڭ ۇجىمى مەن باسشىسى ەربولوۆ قانات امانجول ۇلىنا مەكتەپ ۇجىمىنىڭ، اتا – انا رەتىندە ٴوز اتىمنان ايتار العىسىمىز شەكسىز. وسىنداي ەر ازاماتتارىمىزدىڭ ەڭسەسى ٴارقاشان بيىك بولعاي دەگىم كەلەدى.

 

اسەم ٴتاجينا، قاراتال ورتا مەكتەبى ديرەكتورىنىڭ وقۋ ٴىسى جونىندەگى ورىنباسارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي