BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىسقى باقتاعى قىزىقتار

 جىل سايىن ماۋسىم ايىنىڭ العاشقى كۇنى بالالاردى قورعاۋ كۇنى مەرەكەسىمەن باستالاتىنى ٴمالىم. وسىعان وراي قالامىزدا كوپتەگەن ٴىس-شارالار ۇيىمداستىرىلىپ وتكىزىلەدى. ٴسوز رەتى كەلگەندە بۇل بالالار كۇنىنىڭ تاريحىنا نازار اۋدارساق، بۇل كۇندى مەرەكە دەپ اتاپ ٴوتۋ شەشىمى 1925 جىلى جەنەۆادا بالالار ماسەلەلەرىنە ارنالعان دۇنيەجۇزىلىك كونفەرەنسيادا قابىلدانعان ەكەن. بۇعان قوسا ايتارىمىز، بالالاردىڭ دەنساۋلىعىن ساقتاۋ، سونىمەن قاتار ولاردىڭ حال-جاعدايى مەن تىنىس-تىرشىلىگىن جاقسارتۋ ماسەلەسى ەكىنشى دۇنيەجۇزىلىك سوعىستان كەيىن، ناقتى ايتقاندا 1949 جىلى پاريجدە وتكەن ايەلدەر كونگرەسىنىڭ كۇن تارتىبىندە قارالعان. تاريحي دەرەكتەر بالالار باقىتىنىڭ جالعىز كەپىلى رەتىندە ورنىقتى بەيبىتشىلىكتى قامتاماسىز ەتۋ جولىندا تالماي كۇرەسۋ انتى سوندا قابىلدانعانىن ايتادى. ال 1950 جىلدىڭ 1 ماۋسىمىندا بالالاردى قورعاۋدىڭ حالىقارالىق كۇنىنىڭ العاشقى مەيرامى اتاپ ٴوتىلدى، وسىدان كەيىن بۇل داتا جىل سايىن كەڭ كولەمدە اتاپ وتىلەدى. 

 سونىمەن، جاز شىمىلدىعىن تۇرگەن 1 ماۋسىم – بالالاردى قورعاۋدىڭ حالىقارالىق كۇنىنىڭ ٴوز بەلگىسى بار، وندا جاراسىمدىلىق پەن ۇيلەسىمدىكتى، بالعىندىق پەن نازىكتىكتى بىلدىرەتىن جاسىل فوندا كورسەتىلگەن جەردىڭ اينالاسىنا قىزىل، سارى، كوك جانە اق – ستيليزاسيالانعان مۇسىندەر ورنالاستىرىلىپتى. ادامداردىڭ بۇل ٴپىشىنى الۋاندىلىق پەن توزىمدىلىكتى بىلدىرەدى. ورتاعا ورنالاستىرىلعان جەردىڭ بەلگىسى – ورتاق ٴۇيىمىزدىڭ سيمۆولى. قالامىزداعى كوپتەگەن يگىلىكتى دە ىزگىلىكتى شارالاردىڭ قاتارىندا قىسقى باقتاعى سالتاناتتى اتاپ ايتۋعا بولادى. مۇندا از قامتىلعان وتباسىلارىندا جانە قامقورشىلىقتا تاربيەلەنەتىن بۇلدىرشىندەر مەن مۇمكىندىگى شەكتەۋلى بالالار ارنايى شاقىرىلدى. سىرتتاعى ساياباقتا بارلىق ويىن اتتراكسيوندارى ىسكە قوسىلىپ، ساۋدا جارمەڭكەلەرى ۇيىمداستىرىلىپ، اسەم اۋەن اۋەلەپ، ناعىز مەرەكە كورىگىن قىزدىرا تۇسكەندەي. كوپتەگەن اتا-انالار بالالارىن جەتەكتەپ وسىندا الىپ كەلىپ، ناعىز مەرەكەلىك كوڭىل-كۇي تارتۋ ەتۋدە. ال قىسقى باق ىشىنە جينالعاندار مەرەكەلىك ٴساتتىڭ باستالۋىن تاعاتسىزدانا كۇتتى. سەبەبى، قۇتتىقتاۋلارمەن قاتار سىيلىقتار دا ٴوز يەلەرىن كۇتىپ تۇرعان ەدى. جۇرگىزۋشىلەردىڭ جۇرەكجاردى لەبىزدەرىنەن سوڭ قالا اكىمىنىڭ الەۋمەتتىك ماسەلەلەر جونىندەگى ورىنباسارى شولپان مۇحيتقىزى مىرزاقاسىموۆا يگى تىلەگىن جەتكىزدى. – قىمباتتى بالالار مەن اتا-انالار! بۇگىن بارشامىز ٴۇشىن ۇلكەن مەرەكە – بالالاردى قورعاۋ كۇنى اتالىپ وتىلۋدە. ٴاربىر اتا-انامەن قوسا مەملەكەت تە بالالارعا قامقورلىق كورسەتىپ، ولاردىڭ جەكە تۇلعا، ناعىز وتانسۇيگىش ازامات بولىپ وسىپ-جەتىلۋلەرى ٴۇشىن بار كۇشىن سالادى. بۇگىنگى مەرەكەنى قالا بيلىگى بالالاردىڭ جادىندا قالاتىنداي ەتىپ وتكىزۋدى جوسپارلاپ، ٴتۇرلى ٴىس-شارالار جوسپارىن جاسادى، بۇل سالتانات سونىڭ ٴبىر پاراسى. ەڭ باستىسى، بارشاڭىزعا مىقتى دەنساۋلىق تىلەيمىن، ارينە، اسپانىمىز اشىق بولىپ ەرتەڭ ەل تىزگىنىن ۇستايتىن بۇگىنگى بالالارىمىز باۋىرىمىزدا امان-ەسەن ەرجەتىپ، مەملەكەتىمىزدىڭ دامۋىنا ٴوز ۇلەستەرىن قوساتىنىنا سەنىمىم مول، – دەدى اكىم ورىنباسارى. ارينە، ٴاربىر وتباسىنىڭ كوركى – ۇل-قىزى، سوندىقتان اتا-انا بالالارىنا سانالى تاربيە بەرىپ، ٴبىلىم نارىمەن سۋسىنداۋى جولىندا ەشتەڭەسىن اياماسى انىق. دەگەنمەن، كەيبىر جاعدايلاردا بۇلدىرشىندەردىڭ جارىق دۇنيە ەسىگىن اشپاي جاتىپ، تاعدىردىڭ تالكەگىنە ۇشىراپ، مۇمكىندىگى شەكتەۋلى بولاتىنى جانعا باتادى. ايتسە دە، پەرزەنتىنىڭ ساۋىعىپ كەتۋىنەن ٴۇمىتىن ۇزبەيتىن اتا-انالار ولاردى ۇنەمى دارىگەردىڭ باقىلاۋىندا ۇستاپ، قاتارىنان قالدىرماي وسىنداي ورتادان الىستاتپاي وسىرۋمەن كەلەدى. قالامىزداعى ەڭبەكپەن قامتۋ جانە الەۋمەتتىك باعدارلامالار بولىمىندە مۇمكىندىگى شەكتەۋلى بالالارمەن جۇمىس جۇرگىزەتىن، ولاردىڭ مۇڭ-مۇقتاجدارىنا كوڭىل بولەتىن ارنايى ٴبولىم بار. سونداي-اق مۇمكىندىگى شەكتەۋلى بالالاردىڭ ۇيلەرىنە بارىپ، ولار- مەن جۇمىس جۇرگىزەتىن الەۋمەتتىك پەداگوگ-تاربيەشىلەر دە بار. بۇگىنگى مەرەكەگە سونداي جانى جايساڭ تاربيەشى م.مىرزاشايەۆا دا كەلىپتى. – مەن مۇمكىندىگى شەكتەۋلى ەكى جاستان ون سەگىز جاسقا دەيىنگى التى بالانىڭ ۇيىنە اپتاسىنا ەكى رەتتەن بارىپ، ولارمەن جۇمىس جاسايمىن. ەرتەكتەر وقىپ بەرىپ، سۋرەت سالۋعا بەيىمدەيمىن، بولىمدەگى ويىن بولمەسىنە اكەلىپ، ٴتۇرلى ويىندار ويناتامىن. بىزدە مۇمكىنشىگى شەكتەۋلى بالالارعا بارلىق جاعداي جاسالعان، ولار ۇنەمى دارىگەردىڭ باقىلاۋىندا، دەفەكتولوگ، پسيحولوگ سەكىلدى ماماندار دا جۇمىس جۇرگىزەدى. ناتيجەسىندە، اياقتارىن نىق باسىپ، تىلدەرى شىعىپ، جۇرت قاتارلى مەكتەپكە بارىپ جۇرگەن بۇلدىرشىندەر دە بارشىلىق. مىسالى، كاميلا دىبىسوۆا ەسىمدى بالاقاي تۋىلعاندا جۇرەك اقاۋى بولعان. ۇنەمى ەمدەلۋدىڭ ناتيجەسى جاقسى، ٴوز جەمىسىن بەرە باستادى. مەن ۇيىنە بەلگىلەنگەن ۋاقىت كەستەسىنە ساي بارىپ، تاقپاق جاتتاتامىن، قالالىق، وبلىستىق كونكۋرستارعا دايىندايمىن. جاقىندا قالامىزدا وتكەن «مالەنكايا سترانا» اتتى كونكۋر- ستا ەكىنشى دارەجەلى ديپلوم الدى. ال بىلتىر قاراعاندىدا وتكەن سۋرەت سالۋ كونكۋرسىندا باس جۇلدە السا، بيىل ەكىنشى ورىن الدى. ال مىنا قانات دايىر ەسىمدى ٴبۇلدىرشىن سال اۋرۋىنا شالدىعىپ، ەكى جاستان اسسا دا ەڭبەكتەي المايتىن، ٴقازىر دەنساۋلىعى جاقسى، كوپتەگەن وزگەرىس بار، ەندى جۇرە باستادى. مۇنىڭ ٴوزى ۇلكەن جەتىستىك، – دەيدى تاربيەشى. مۇنان سوڭ مەرەكەگە لايىقتالعان كونسەرتتىك باعدارلاما باستالىپ، قالامىزداعى ونەر ۇجىمدارىنىڭ ٴانشى، بيشىلەرى اسەم اۋەن مەن تاماشا بيلەردەن شاشۋ شاشتى. مەرەكە سوڭىندا بالالارعا سىيلىقتار تاپ- سىرىلدى. مۇمكىندىگى شەكتەۋلى بالالارىنا قامقورلىق جاساپ، مەرەكە قىزىعىن تارتۋ ەتكەن قالا باسشىلارىنا ەل ريزا بولىپ العىس ايتۋمەن بولدى.

 

رۋزا الداشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي