BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇمان سەيىلدى، كۇمان تارقادى

 بيىل كوكتەمدە كولكىگەن سۋ تاسقىنى اباي اۋدانىنداعى جەتى ەلدىمەكەنگە جايىلدى.( قۇرما ا/و جۇمابەك اۋىلى، كوكسۋ ا/و يۋجنوە اۋىلى، سامار ا/و پرۋدى، وگورودى اۋىلدارى، قاراعاندى ا/و قۇلايعىر، قاراقوعا اۋىلدارى، قاراباس كەنتىنەن تالدىقۇدىق اۋىلى مەن اباي قالاسىنان ۆوستوچنىي ەلدىمەكەندەرى) قار سۋىنىڭ قارقىنىنان 90-نان استام باسپانا سۋعا بوكتى. جەرگىلىكتى باسشىلىق جەدەل تۇردە جاردەم جاساپ، جەتكىلىكتى جاعدايدا قارايلاسىپ وتىردى. اسىرەسە، ەلدىمەكەن جانىندا ورنالاسقان جەكە مەنشىك يەلىگىندەگى سۋبوگەنى جارىلىپ، ابىگەرگە تۇسكەنى جۇمابەك اۋىلى بولاتىن. ابايسىزدا بولعان تابيعي اپپاتتان 17 شاڭىراقتى توپان سۋ باستى. ۇرىمتال ساتتە ۇسىنعان ۋاقىتىلى كومەكتىڭ ارقاسىندا مال مەن جان شىعىنى بولعان جوق. بىرنەشە ۇيلەر ٴبۇلىنىپ، دىمقىلدانعان دۇنيە جارامسىز بوپ قالدى. ٴاربىر ٴۇي ارنايى باقىلاۋدا، كۇيرەگەن ۇيلەردى كۇردەلى جوندەۋدەن وتكىزۋدە ولاردىڭ قۇجاتتارىن رەت- تەپ، راسىمدەۋ جۇمىستارىنا جاۋاپتى ەتىپ مەملەكەتتىك مەكەمە باسشىلارىن بەكىتتى. 19 مامىردا اباي اۋدانىندا قۇرلىس بۇيىمدارى مەن تۇرمىستىق تەحنيكا، جيھازار جەتكىزىلگەن جەڭىلدىك جارمەڭكە ٴوتتى. قايىرىمدىلىقپەن قول ۇشىن بەرۋشىلەر دە بەلسەندى ارالاسۋدا. اۋدان تۇرعىندارىنا وبلىستىق قوردان، مەملەكەتتىك جانە قوعامدىق ۇيىمداردان، كاسىپكەرلەردەن كيىم-كەشەك، ازىق-تۇلىك، قۇرلىس ماتەريالدارى تۇرىندە 15 ملن استام قارجى قۇيىلدى. اۋداندىق كاسىپورىندار دا كومەك بەرۋدەن شەت قالعان جوق. تاسقىننان زارداپ شەك- كەن 10 باسپانانىڭ 6-ى دەمەۋشىلىكتىڭ دارمەنىمەن جوندەلىپ وتىر. اسارعا العاش بوپ قوسىلعان «قاراعاندىنەرۋد» اق كاسىپورىنى سولاردىڭ بىرەگەيى. جيىرما جىلعا جۋىق جۇمابەك اۋىلىن مەكەندەپ جاتقان الىمبەكوۆتەر وتباسىنىڭ ەكى بالاسى بۇگىندە ەرجەتىپ قالىپتى. بۇرىن سوڭدى مۇنداي اپاتتى كورمەگەن جانۇيانىڭ وشاعىندا ٴاسۇيدىڭ قابىرعاسى قۇلاپ، شىعا بەرىس بولمەنىڭ شاڭىراعى ورتاسىنا تۇسكەن. ٴۇش اپتانىڭ ىشىندە دەمەۋشىلەر ەكى كەڭ بولمە مەن كىرەبەرىسىنە كۇردەلى جوندەۋ جاساپ،تەرەزە مەن ەدەندەرىن سالىپ، لينولەۋم توسەپ، جارىعىن جالعادى. ٴسويتىپ، نۇرجان الىمبەكوۆتىڭ شاڭىراعى 13 شارشى مەترگە كەڭىپ، ات سالىسقان اعايىنعا شەكسىز العىستارىن بىلدىرۋدە. وتاعاسى نۇرجان ۇيدەگى مالدىڭ جايىنا قاراسا، جۇبايى اقمارال سولاردىڭ ٴسۇت ونىمدەرىن ساۋدالايتىن كورىنەدى. ۇلدارى مەدەت ستۋدەنت ەكەن. ەڭبەگىمەن ٴۇيىنىڭ ىرىسىن ەسەلەپ وتىرعان جاندارعا بۇل دەگەنىمىز ەلەۋلى كومەك. قار سۋىنىڭ قۇربانى بولىپ، قۇلاعان ۇيلەردى قالپىنا كەلتىرۋدە قارقىندى جۇمىستارى مەن قۇندى ەڭبەگى ٴۇشىن اۋدان باسشىسى «atlas ag» جشس ديرەكتورى بولوتنيك سەرگەي اندرەەۆيچكە العىس حات تابىستادى. 21 مامىر كۇنى اپاتتان كەيىن قايتا اجارلانعان شاڭىراقتىڭ شاتتىعىن بولىسۋگە اۋدان اكىمى سەرىك شايداروۆ پەن «قاراعاندىنەرۋد» اق ديرەكتورى الەكسەي يۆانوۆيچ دەدۋرەنكو كەلدى. قۇر قول كەلگەن جوق، كورىمدىككە كىلەم الا كەلىپتى. ولار شىرايلانعان شاڭىراقتىڭ شارۋالارىنا ساتتىلىك تىلەپ، شىن جۇرەكتەن شۋاقتى نيەتتەرىن ٴبىلدىردى.

 

رۋسلان جامانحان ۇلى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي