BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"ميراسقا" 33 جىل

قالامىزدىڭ تانىمال كومپوزيتورى، ٴانشى، دومبىراشى، ونەر جەتەكشىسى قۇرالاي ٴجۇنىسقىزى شايمەردەنوۆا «الەم» بالالار مەن جاسوسپىرىمدەر ورتالىعىندا «ميراس» ۆوكالدى اسپاپتار ٴانسامبلىن قۇرىپ، جەتكىنشەكتەردى ۇلكەن ساحناعا تاربيەلەپ كەلەدى. بۇعان بيىلعى كوكتەمدە اتتاي 33 جىل بولىپ وتىر.

از ۋاقىت ەمەس، ٴبىر ٴسابيدىڭ ات جالىن تارتىپ مىنەتىن، كەمەل كەزەڭىنە جەتەتىن ۋاقىتى. ونەر تارلانى قول جەتكىزگەن تابىستار دا قوماقتى. قازاق ەنسيكلوپەدياسىنا اتى جازىلىپ تاريحقا ەنگەن، وتىزعا جۋىق اندەردىڭ اۆتورى، سونىمەن بىرگە ونداعان جاستى ونەر شىڭىنا كوتەرگەن. ٴقازىر وسى «ميراس» انسامبلىنەن قانات قاققان ٴبىراز جاستار ەلىمىزدىڭ تۇكپىر-تۇكپىرىندە ونەردى ومىرلەرىنە سەرىك ەتىپ حالىققا ادال قىزمەت ەتۋدە. الىسقا بارماي-اق ٴقازىر وسى قالادا اتى تانىمال نەمەرە مونگولحان، اسىلبەك حاۆاي، ارمان قارىنساۋ، تيمۋر وماروۆ ەسىمدەرىن ايتۋعا بولادى. ال وتكەن اپتاداعى «ميراستىڭ» 33 جىلدىعىنا ارنالعان ەسەپتى كونسەرتتە ونەر كورسەتكەن وقۋشىلاردىڭ ەسىمدەرىن ٴتىزىپ جاتۋ مۇلدە ارتىق، ويتكەنى ٴۇش ساعاتقا جۋىق ۋاقىت بولعان بۋل تاماشا ونەر كەشىندە نەشە ٴتۇرلى قۇيقىلجىعان ٴار شىرقالىپ، دومبىراشىلاردىڭ ٴوزى جاس ەرەكشەلىكتەرىنە قاراي ەكى توپقا ٴبولىنىپ كۇي شەرتتى. تاعى ٴبىر ايتا كەتەرلىگى ەسەپتى كونسەرت بەرىلگەن بۇل كۇن قۇرالاي ٴجۇنىسقىزىنىڭ تۋعان كۇنى ەدى. كونسەرت سوڭىندا ساحناعا كوتەرىلگەن «الەم» ورتالىعىنىڭ ديرەكتورى يننا اناتولەۆنا تيحوميروۆا ٴوز سوزىندە: - ٴبىزدىڭ بالالاردىڭ تاماشا ونەر جەتەكشىسى قۋرالاي شايمەردەنوۆا جىل سايىن تۋعان كۇنىن وسى ساحنادا وتكىزەدى،- دەپ ۇلكەن ماقتانىشپەن شىن جۇرەكتەن شىققان ىقىلاستى تىلەكتەرىن ايتىپ، گۇل شوقتارىن سىيلادى.

 

ٴوز تىلشىمىزدەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي