BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاسىل جەلەك - جان قورعانى

 التى اي بويى اق كورپەسىن جامىلگان تابيعات اياسى ٴقازىر كەڭىنەن تىنىس الۋدا، كوكتەمگى جاڭبىردىڭ، قار سۋىنىڭ مولدىعى اعاشتاردىڭ جان- جاقتى بۇرشىك اتىپ جاسىل كەيىپكە ەنۋىنە مول مۇمكىندىك بەردى، ونىڭ ۇستىنە ورمانداعى جان-جانۋارلار تولدەپ، ٴقۇستار ٴۇيا سالىپ تىرشىلىك قايناپ جاتىر. ٴبىزدىڭ تەمىرتاۋ قالاسى اۋماعىندا 6206 گەكتار ارنايى قورعالاتىن جەر بار، ونىڭ 2800 گەكتارى ناقتى ورمان القابى.

 تابيعاتى باي ارقانىڭ توسىندەگى بۇل ورماندا قايىڭ، تەرەك تە جايقالىپ تۇر، ارقار، ەلىك سياقگى دالا اڭدارى ەركىن جايىلۋدا، دۋاداق، ٴشىل، قۇر سياقتى قۇستار كوك اسپاندا قالىقتاۋدا. بۇل ٴبىزدىڭ جەرىمىزدىڭ، ەلىمىزدىڭ بايلىقگارى. ال ٴوزىم ەڭبەك ەتەتىن تەمىرتاۋ «ورمان جانە جانۋارلار الەمىن قورعاۋ» كوممۋنالدىق مەملەكەتتىك مەكەمەسىنىڭ نەگىزگى مىندەتى وسىنى قورعاۋ، كۇتۋ، ٴوسىرۋ بولىپ تابىلادى. بۇگىنگى تاڭدا قالاارالىق ورمان شارۋاشىلىعىندا وتىزدان اسا ادام ەڭبەك ەتىپ ٴجۇر، ونىڭ 24 ورمانشى، التاۋى وسى سالانىڭ بىلىكتى ماماندارى. ۇجىمنىڭ العا قويعان جوسپارى سان-الۋان، ونىڭ ٴبىرىنشىسى دە بىرەگەيى ورمان القابىن، شابىندىقگى، كوكشالعىندى ٴتىلسىز جاۋ - ورتتەن قورعاۋ بولىپ تابىلادى. ٴبىز مىندەتتى ابىرويمەن ورىنداپ ٴجۇرمىز دەپ ايتۋعا نەگىز بار 2014 جىل مەكەمە قاراۋىنداعى القاپتا بىردە-بىر ٴورت تۋتانۋ وقيعاسى بولعان جوق. نەگىزى ورمان قورعاۋ ٴتارتىبى بويىنشا ەگەر ٴۇش گەكتار جەر جانا قالسا ونى ارنايى تەكسەرۋشى ورگاندار نەدەن، قالاي بولعانىن جان-جاقتى قاراستىرادى. جاۋاپتى ادامدار زاڭ جولىمەن جازالانادى. سوندىقتان ٴبىز ورمان القابىنا اسا مۇقيات بولۋىمىز كەرەك. ٴبىر ايتا كەتەرلىگى قالا اۋماعىنداعى اعاشتار، وسكىندەر بىرنەشە - اتاپ ايتقاندا «ۋرالوچكا»، «چەرەمۋشكا»، «استرا»، «پريرودا» ساياجايلارىمەن شەكتەسىپ جاتىر. وسى رەتتە ورمانعا كوپتەگەن زياندار كەلتىرىلۋدە. اسىرەسە ساياجاي يەلەرى ٴوز يەلىكتەرىنەن شىعارىلعان كۇل-قوقىستاردى، تۇرمىستىق قالدىقتاردى ورمانعا تاسىپ شىعارعانىمەن قويماي ٴتىپتى ونى ورتەمەك بولىپ وت قويادى. مۇنىڭ اياعى ۇلكەن كولەمدەگى ورتكە ۇلاسپاسىنا كىم كەپىل، سوندىقگان مۇنداي ارەكەت تابيعاتتى قورعاۋ زاڭىن بۋزۋ جەنە ٴورت قاۋىپسىزدىگىن ساقتاماۋ بولىپ ەسەپتەلەدى. سوندىقتان ٴبىز ەلىمىزدىڭ، حالىقتىڭ بايلىعى بولىپ ەسەپتەلەتىن ورماندى قورعاۋعا، ونداعى تىرشىلىك يەلەرىن، اڭ قۇستاردى ساقتاپ قالۋعا بۇكىل حالىق بولىپ جۋمىلۋىمىز كەرەك. جاسىل جەلەكتى كوزدىڭ قاراشىعىنداي ايالاعان ٴجون، ويتكەنى ەكولوگيالىق جاعداي اسا كۇردەلى تەمىرتاۋ قالاسىنىڭ تازا اۋامەن تىنىستاۋى وسى ورماننىڭ ارقاسى ەكەنىن ۇعىنعان ٴجون. بۇگىن عانا ەمەس، كەلەشەك ٴۇشىن دە ورمان بايلىعىن - جاسىل جەلەكتى جەلكىلدەتىپ ساقتايىق!

 

باقتىباي ابىشەۆ، ورمان مامانى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي