BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

و، انالار وسىندايسىڭ بارىڭدە...

1941 – 1945 جىلعى ەكىنشى دۇنيەجۇزىلىك سوعىستاعى ۇلى جەڭىس بۇل – جالپى بەيبىتشىلىك سۇيگىش ەلدەردىڭ، جاسامپازدىق جولىنداعى حالىقتاردىڭ ومىرىندەگى اسا ماڭىزدى اتاۋلى مەرەكە. اسىرەسە بۇرىنعى كەڭەس وداعىنىڭ قۇرامىندا بولعان مەملەكەتتەر ٴۇشىن ٴمانى ەرەكشە جوعارى. ەڭ الدىمەن جەڭىس – ٴبىزدىڭ جالپى تاريحىمىز. قار جاستانىپ، مۇز توسەنگەن وتتى جىلداردا، سىز وكوپتاردا شىڭدالعان جاۋىنگەرلىك دوستىقتىڭ، ٴار ۇلت وكىلدەرىنەن قۇرالعان اسكەري قۇرامداردىڭ قايتالانباس ەرلىگى مەن ورلىگىنىڭ بەلگىسى. كەشەگى اعا ۇرپاقتىڭ جانىن دا، قانىن دا اياماي، ەلىم دەپ، جەرىم دەپ كەۋدەسىن وققا توسەگەن، قابىرعاسى قاتپاعان جەتىمدەر مەن جەلەگى جەلكىلدەپ قالعان جەسىرلەردىڭ ەڭىرەپ ٴجۇرىپ، «ٴبارى دە مايدان ٴۇشىن!» دەپ تىلدا ايانباي تەر توككەن پاتريوتتىق رۋحىنىڭ بيىك كورىنىسى. مىنە، 70 جىل بويى سوعىستىڭ سىزى مەن ىزعارى ادامداردىڭ جۇرەگىندە قاتار ٴومىر ٴسۇرىپ كەلەدى. سوعىس قاسىرەت اكەلمەگەن وتباسى جوق. ٴار شاڭىراق ونىڭ قيامەتىن سەزىندى. سۇراپىل جىلدار بۇگىندە سامايىن اق شالعان قاريالاردىڭ بالالىق شاعىن ۇرلاعان زۇلمات. سوندىقتان دا بارشا ادام بالاسى فاشيزم تۇتاندىرعان سول ٴبىر سوعىس ورتىنە لاعنەت ايتىپ كەلەدى. سوعان قاراماستان قازىرگى بەيبىت كۇننىڭ كۋاگەرى بولعان حالىق اعارتۋ ٴىسىنىڭ ۇزدىگى، اباي اۋدانىنىڭ قۇرمەتتى ازاماتى، ەڭبەك ارداگەرى توكەن كوككوز ۇلىنىڭ جۇبايى، ۇلاعاتتى ۇستاز، سوعىس بالاسى گاۋھار تورەبەكقىزىمەن سۇحباتتاسقان بولاتىنبىز. گاۋھار اپاي ٴبىزدى قوناقجايلىقپەن قارسى الدى. بىردەن اڭگىمەسىن سوعىس ۋاقىتىندا كورگەن قيىنشىلىقتارىننان باستا- دى. اپامىزدىڭ ٴومىرى ٴبىر كىتاپقا سىيارلىق، تۇنىپ تۇرعان ولشەۋسىز ونەگە. ورىمدەي قىز جاستايىنان اۋىل- دا قالعان دوستارىمەن بىرگە ەرلەردىڭ ٴىسىن تىندىرعان. ناعىز ٴبىلىم الاتىن شاعىندا جاستىعىنىڭ ٴبارىن ەڭبەكپەن وتكىزگەن. سوعان قاراماستان وقۋىن وقىپ، تۇرمىسقا شىعادى. اپامىز ٴومىر بويى ۇستازدىق ەتىپ، ٴبىلىمدى ۇرپاق 2 قىز، 4 ۇلدى تاربيەلەگەن. توكەن كوككوز ۇلى مەن گاۋھار تورەبەكقىزى جارتى عاسىردان استام قول ۇستاسىپ، باقىتتى عۇمىر كەشكەن. ٴقازىر ٴبىز بولاشاعى جارقىن، باعىتى ايقىن تاۋەلسىز ەلدە ٴومىر ٴسۇرىپ جاتىر- مىز. بۇگىنگى ۇرپاق بۇل ازاتتىقتىڭ قالاي كەلگەنىن ارينە بىلەدى. قازىرگى تاڭدا قانشاما ەلدىڭ بىرلىگىنىڭ بۇزىلعان ۋاقىتىندا تاتۋ – ٴتاتتى عۇمىر كەشىپ جاتقان بىزدەر، شىنىمەن دە باقىتتىمىز. بۇل تاۋەلسىزدىك مەنىڭ وتانىما بەرىلگەن ٴتاڭىردىڭ سىيى. انالار دا، بالالار دا جىلاماسىن، دالامىز جۇتاماسىن. ۇلانعايىر كەڭ دالامدى سوعىس ٴورتى شارپىماسىن. بۇل ارينە بارلىق ادام بالاسىنىڭ ارمان – تىلەگى. بەيبىتشىلىك جاساسىن!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي