BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىمپاز جاۋىنگەر جۇلدەسىنە ارنالعان تۋرنير

 وتكەن اپتادا، مامىردىڭ 16-ى كۇنى ۇلى جەڭىستىڭ 70 جىلدىعىنا وراي كيريللوۆكا اۋىلىندا ۇلى وتان سوعىسىنىڭ ارداگەرى، جەرلەسىمىز قويشى مولداحمەت ۇلى بەيسەمبايەۆتىڭ جۇلدەسىنە ارنالعان جاسوسپىرىمدەر مەن قىزدار اراسىندا ەركىن كۇرەستەن اشىق تۋرنير بولىپ ٴوتتى. اتالمىش تۋرنيرگە استانا، كوكشەتاۋ، پاۆلودار، ەسىل قالالارى مەن وبلىسىمىزدىڭ عابيت مۇسىرەپوۆ، ٴۋاليحان، تايىنشا، ايىرتاۋ اۋداندارىنان 137 بالۋان قاتىستى. قويشى بەيسەمبايەۆ 1924 جىلى اقپاننىڭ 23 جۇلدىزىندا ايىرتاۋ اۋدانى سارىساي اۋىلىندا دۇنيەگە كەلگەن. ورتا ٴبىلىم العان سوڭ، تراكتورشىلار كۋرسىن اياقتاعاننان كەيىن العاشقى ەڭبەك جولىن لەنين وردەندى «كامەننوبرود» كولحوزىندا مەحانيزاتور بولىپ باستايدى. 1941 جىلى سوعىس وتى بۇرق ەتە قالعاندا، جاس ۇلان قويشى بەيسەمبايەۆ ەڭبەك مايدانىنىڭ ورتاسىندا ەدى. جىگەرلى جاس جىگىت 1942 جىلدىڭ قازان ايىندا اسكەرگە شاقىرىلىپ، قىزىلجار قالاسىنداعى جاساقتالىپ جاتقان وقۋ پولكىنە ٴتۇسىپ، سەرجانتتىق كۋرستان باستايدى. 1943 جىلدىڭ قاڭتار ايىندا قان بۇلانعان سوعىسقا اتتانىپ، مارشال گ.ك.جۋكوۆ قولباسشىلىق ەتەتىن ورەل- كۋرسك باعىتىندا سوعىس جۇرگىزىپ جاتقان ٴى ۋكراين مايدانىنا تۇسەدى. جاۋمەن كەسكىلەسە شايقاسا ٴجۇرىپ، سوعىستاعى ەرلىكتەرى ٴۇشىن «ٴىى دارەجەلى ۇلى وتان سوعىسى» وردەنىنىڭ، «ەرلىگى ٴۇشىن»، «ۆارشاۆانى العانى ٴۇشىن»، «بەرليندى العانى ٴۇشىن» جانە «گەرمانيانى جەڭگەنى ٴۇشىن» مەدالدارىمەن مارا- پاتتالادى. سوعىستى اتاقتى كۋرسك يىنىندەگى مايداننان باستاعان قويشى اقساقال ۇلى جەڭىس كۇنىن بەرليندە قارسى الادى. قاندىقول فاشيزم ورداسى تىزە بۇككەننەن كەيىن دە، قويشى اتاي قىزمەت ەتكەن باتالون بىردەن ەلگە قايتپاي، گەرمانيا جەرىندە بەيبىتشىلىكتى تۇراقتاندىرۋ ٴۇشىن، سوعىس ٴورتى قايتادان تۇتانىپ كەتپەۋى ٴۇشىن قالدىرىلدى. 1947 جىلدىڭ جازىندا تۋعان ەلى سارسايعا ورالعان قويشى اقساقال بىردەن بەيبىت ەڭبەك مايدانىنا ارالاسىپ كەتەدى. سوعىستان كەيىنگى تۇرمىستى كوتەرۋدە، ەلدىڭ ٴال-اۋقاتىن نىعايتۋ جولىندا ولشەۋسىز ۇلەسىن قوسا جۇرە، بەيبىت ەڭبەكتە دە بيىك بەلەستەرگە جەتىپ، ۇلى وتان سوعىسىنىڭ مەرەكەلىك مەدالدارىمەن، «حالىقتار دوستىعى» وردەنىمەن جانە «ەرەن ەڭبەگى ٴۇشىن» مەدالىمەن ماراپاتتالدى. ومىرلىك جارى بالبولعان ەسماعانبەتقىزىمەن 70 جىل وتاسىپ، 7 بالا تاربيەلەپ ٴوسىرىپ، ولاردان 18 نەمەرە، 18 شوبەرە ٴسۇيىپ وتىرعان باقىتتى جان. ٴتۋرنيردىڭ سالتاناتتى اشىلۋىندا جاس سپورتشىلاردى قۇتتىقتاعان اۋدان اكىمىنىڭ ورىنباسارى مافرۋزا ناۋانو- ۆا بيىلعى ۇلى جەڭىستىڭ 70 جىلدىعىنا ارنالىپ وتىرعان سپورتتىق شارانىڭ ماڭىزدىلىعىنا توقتالا كەلە، بوز كىلەمدە باقتارىن سىناعالى تۇرعان بالۋاندارعا ساتتىلىك تىلەدى. سونان سوڭ باس تورەشىنىڭ باسقارۋىمەن جاس بالۋاندار بوز كىلەمدە كۇش سىناستى. دودالى جارىستىڭ قورىتىندىسى بويىنشا قىزدار اراسىندا 32 كگ. سالماقتا ٴبىزدىڭ جەرلەستەرىمىز ۆيك- توريا چەرنيكوۆا ٴى ورىندى يەلەنسە، ۆيكتوريا بەلوۋسوۆا مەن ناتاليا داماشكينالار ٴىى جانە ٴىىى ورىن- داردى ەنشىلەدى. ال 38 كگ. سالماق دارەجەسىندە تاعى دا ايىرتاۋلىق قىزدار ۇلپان تولەندينوۆا (ٴى ورىن)، الەكساندرا شاميا (ٴىى ورىن)، ۆيكتوريا نەكرۋتالاردىڭ (ٴىىى ورىن) باعى جانسا، 52 كگ. سالماقتا ٴبىزدىڭ جەرلەس قىزدارىمىز باقىت ٴالجانوۆا (ٴى ورىن)، جانار ايۋلوۆا (ٴىى ورىن) جانە سۆەتلانا سىگانەنكولار (ٴىىى ورىن) جەڭىس تۇعىرىنا كوتەرىلدى. ال 60 كەلىدە ٴبىزدىڭ بالۋانىمىز كارينا ماتۆەي- كينا جەڭىمپاز اتانسا، استانالىق نۇراي قالي ٴىى ورىندى قانجىعاسىنا بايلادى، ال ٴىىى ورىندى جەرلەسىمىز گۇلنار ايۋلوۆا ەنشىلەدى. ال ۇلدار اراسىنداعى تارتىستا 26 كەلىدە يگور چۋلكوۆ (ع.مۇسىرەپوۆ اۋ- دانى) جەڭىمپاز اتانسا، ايىرتاۋلىق ازامات يمانبەكوۆ پەن اناتوليي سەرەديستوۆتار ٴىى، ٴىىى ورىنداردى قاناعات تۇتتى. 29 كگ. سالماقتا جەرلەسىمىز ورالحان ەلۋباي قارسىلاستارىنا دەس بەرمەي جۇلدەلى ٴى ورىنعا كوتەرىلسە، كوكشەتاۋلىق مەدەت سارمانوۆ ٴىى ورىن، ال ايىرتاۋلىق داۋرەن تاسبولاتوۆ ٴىىى ورىننان كورىندى. 32 كگ. سالماق دارەجەسىندە جەرلەسىمىز باۋىرجان بۋكۋەۆقا تەڭ كەلەر بولماسا، تايىنشالىق ۆيتاليي سامەنوۆ ٴىى ورىندى يەلەندى، ال يۋسۋف حالۋحايەۆ (ع.مۇسىرەپوۆ اۋدانى) ٴۇشىنشى ورىنعا قول جەتكىزدى. 35 كگ. سالماقتا ايىرتاۋلىق قۇرمانعازى ٴىزباسحانوۆ ٴى ورىندى يەلەنسە، ٴۋاليحاندىق بالۋاندار دوسجان قابيدەن مەن فارحات اۋباكىروۆتەر ەكىنشى، ٴۇشىنشى ورىندار- دى مىسە تۇتتى. 38 كەلى سالماقتا تاعى دا جەرلەستەرىمىز ەرسۇلتان قوجاحمەت (ٴى ورىن) پەن دانيل گوربۋلكولار (ٴىى ورىن) جەڭىس تۇعىرىنا كوتەرىلسە، تايىنشالىق ارسەن قابدەن ٴىىى ورىندى ەنشىلەدى. 42 كگ. سالماق دارەجەسىندە تايىنشالىق ۆلاديسلاۆ ارتەمەنكو، ٴۋاليحاندىق ريزابەك ايتمۇحان جانە پاۆلودارلىق سانجار قايىرجانوۆتاردىڭ باعى جاندى. ال ٴابسوليۋتتى 65 كەلىگە دەيىنگى سالماقتا ەسىل قالاسىنىڭ بالۋانى باقىتجان ومىر جەڭىمپاز اتانسا، 70 كەلىدەن جوعارى سالماقتا تايىنشالىق ماناربەك جۇسىپبەكوۆتىڭ باعى جاندى. تۋرنير سوڭىندا بارلىق جەڭىمپازدار مەن جۇلدەلى ورىنعا يە بولعان بالۋاندار ارنايى ديپلومدارمەن، مەدال- دارمەن جانە ارنايى سىيلىقتارمەن ماراپاتتالسا، ٴابسوليۋتتى سالماقتىڭ جەڭىمپازدارى ديپلومدارمەن، مەدالدارمەن جانە سىيلىقتارمەن قوسا ارنايى كۋبوكتارمەن دە ماراپاتتالدى. سول كۇنگى اشىق تۋرنيرگە قاتىسقان سپورتشىلار ۇيىمداستىرۋشىلاردىڭ دەمەۋشىلىگىمەن تەگىن تاماقتاندى.


باعلان قوجاقوۆ. سۋرەتتى تۇسىرگەن ەلەنا نەدوروستكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي