BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس جاۋىنگەرلەرىنە قۇرمەت

ۇلى وتان سوعىسىنداعى جەڭىستىڭ 70 جىلدىق مەرەكەسىنە وراي سوناۋ سۇراپىل سوعىستا فاشيزمنەن كوپتەگەن حالىقتاردى قۇتقارۋ ٴۇشىن ٴوز جاندارىن مايدان دالاسىندا قيعان بوزداقتارعا جانە جەڭىسپەن ورالعان جاۋىنگەرلەرگە ماڭگىلىك قوشەمەت كورسەتۋ كەيىنگى ۇرپاقتاردىڭ پارىزى. قانشا ۋاقىت وتسە دە، جەڭىمپاز جاۋىنگەرلەردىڭ، تىل ەڭبەككەرلەرىنىڭ، شايقاستا قازا تاپقانداردىڭ ەرلىگىنىڭ داڭقىن اسىرا بەرەمىز.

وسى ورايدا 8 مامىر كۇنى قاراساي باتىر اۋىلىندا ۇلى وتان سوعىسىندا قازا تاپقان جاۋىنگەرلەرگە ارنالعان ەسكەرتكىش تاقتا جاڭعىرتىلىپ، ونىڭ سالتاناتتى اشىلۋ ٴراسىمى بولىپ ٴوتتى. ەسكەرتكىش تاقتادا ۇلى وتان سوعىسىندا قازا تاپقانداردىڭ جانە سوعىستان جەڭىسپەن ورالىپ، بەيبىت ومىردە بۇل دۇنيەدەن وزعان اتالارىمىزدىڭ ەسىمدەرى جازىلعان. اتالمىش تاقتانىڭ اشىلۋىنا سول اۋىلدىڭ تۋماسى، ٴۋاليحان اۋدانىنىڭ اكىمى امان جاقسىباي ۇلى تورەگەلدين زور ۇلەسىن قوستى. سالتاناتتى راسىمگە اۋدان اكىمى اعزام تاستەمىروۆ پەن ٴۋاليحان اۋدانىنىڭ اكىمى امان تورەگەلديندەر قاتىناسىپ، جينالعان قاۋىمدى ۇلى جەڭىس مەرەكەسىمەن قۇتتىقتاپ، ەسكەرتكىش تاقتانىڭ شىمىلدىعىن اشتى. سونان سوڭ بوزداقتاردىڭ ەسكەركىشىنە ەكى اۋداننىڭ باسشىلارى گۇل سەبەتتەرىن قويدى. ەسكەرتكىش تاقتانىڭ سالتاناتتى اشىلۋىنان سوڭ، مادەنيەت ورتا مەكتەبىندە ۇلى وتان سوعىسىنداعى جەڭىستىڭ 70 جىلدىعىنا ورايلاستىرىلىپ جانە اۋىلدىڭ تاريحىنان سىر شەرتەتىن مەكتەپ مۇراجايى اشىلدى. مۇراجاي جادىگەرلەرىمەن تانىسقان اعزام احمەتجان ۇلى مەن امان جاقسىباي ۇلى اتالمىش شارانىڭ جاس ۇرپاق ٴۇشىن ماڭىزدى ەكەنىن اتاپ ٴوتتى. سونداي-اق، امان تورەگەلدين مەكتەپ وقۋشىلارىنا ارنايى سپورتتىق كيىمدەر مەن سپورت جابدىقتارىن ساتىپ الۋ ٴۇشىن مەكتەپ باسشىسىنا اقشالاي سىيلىق تابىستادى. وسى كۇنى تۇستەن كەيىن كامەننىي برود اۋىلىندا ۇلى وتان سوعىسىنىڭ ارداگەرى، يۋگوسلاۆيا حالقىن جاۋدان قورعاعان قاھارمان بارلاۋشى، جەرلەسىمىز حالەل تايتان ۇلى ٴسالىمجانوۆتىڭ ەسىمى اۋىلداعى ٴوزى تۇرعان كوشەگە بەرىلدى. سالتاناتتى جيىنعا قاتىسقان اۋدان اكىمى اعزام احمەتجان ۇلى سوناۋ سۇراپىل سوعىستا جاۋمەن شايقاسقان جاۋىنگەرلەرىمىزدىڭ ەرلىكتەرىنىنىڭ ماڭگى ەستە ساقتالاتىنىن ايتا كەلە، سول قاندى شايقاستا يۋگوسلاۆيا ەلىن ازات ەتۋدە اسقان ەرلىك كورسەتكەن بارلاۋشى باتىر، جەرلەسىمىز حالەل ٴسالىمجانوۆتىڭ رۋ- حىنا تاعزىم ەتىپ، اۋىلداعى ۇلى وتان سوعىسىندا قازا تاپقان جاۋىنگەرلەرگە ارنالعان ەسكەرتكىشكە قاھارمان باتىردىڭ ۇرپاقتارىمەن بىرگە گۇل شوقتارىن قويدى. سونان سوڭ حالەل تايتان ۇلى ٴومىرىنىڭ سوڭىنا دەيىن تۇرعان ٴۇيىنىڭ قابىرعاسىنان ەستەلىك تاقتا اشىلدى. سالتاناتتى شارالاردان كەيىن ەكى اۋىلدا دا جەڭىمپاز جاۋىنگەرلەردىڭ رۋحتارىنا ارنالىپ اس بەرىلدى.

 

باعلان كەنجەباي ۇلى. سۋرەتتى تۇسىرگەن اۆتور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي