BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارداگەرلەرىمىز ۇمىتىلماسىن!

  ۇلى وتان سوعىسىنىڭ ارداگەرى، تەرىساققان اۋىلىنىڭ تۇرعىنى نىسانبايەۆ يگىباي اتا 1898 جىلى جەزقازعان وبلىسى، جەزدى اۋدانى، ۇلىتاۋ اۋىلىندا تۋعان. əكەسىنەن ەرتە ايىرىلعان يگىباي اناسى دىلدəمەن بىرگە 1930 جىلدارى ات ارباعا نəرسەسىن ارتىپ، ول كەزدەگى سەلينوگراد وبلىسى، بارانكول اۋدانى، تەرىساققان اۋىلىنا قونىس اۋدارادى. تەرىساققانعا قونىستانىپ، «ۇلگىلى» كولحوزىنا جۇمىسقا تۇرادى. 1932 جىلى اۋىلدىڭ ەڭ əدەمى قىزى əنيپا ورازبايقىزى ەكەۋى وتاۋ قۇرىپ، شاڭىراق كوتەرەدى. وكىنىشكە وراي ەدەنباي دەگەن بالاسى 6 جاسىندا قاتتى اۋىرىپ، قايتىس بولدى. ەلىمىزدىڭ حالقىن سوعىس اپاتىنان ساقتاپ قالۋعا زور ۇلەس قوسقان كوپتەگەن ەر- ازاماتتارمەن بىرگە ارتىنا ەڭىرەگەن اناسى مەن əيەلىن تاستاپ، 1942 جىلعى 3 تامىز كۇنى مايدانعا اتتانادى. مايدانعا كەلگەن بەتتە 52-اتقىشتار ديۆيزياسىنا جىبەرىلدى. سول ديۆيزيانىڭ قاتارىندا يگىباي اتا ستالينگراد شايقاسىنا قاتىستى. 1944 جىلدىڭ اقپان ايىندا اۋىر جارالانىپ، 3 ماۋسىمعا دەيىن گوسپيتالدا ەمدەلدى. 1944 جىلى 26 مامىرداعى شىققان گكو قابىلداعان №5959سس قاۋلى بويىنشا نىسانبايەۆ يگىباي سوعىسۋعا جارامسىز بولعاندىقتان بوساتىلىپ، كولپينو قالاسىندا ورنالاسقان تانك بولشەكتەرىن جيناقتاۋ زاۆودىنا جۇمىسشى بولىپ جىبەرىلدى. بۇل جەردە ول 1945 جىلدىڭ 3 شىلدەسىنە دەيىن جۇمىس ىستەپ، اۋىلعا ورالدى. امان-ەسەن ەلگە ورالىپ يگىباي اتامىز بەن əنيپا əجەمىز ەكى ۇل، ٴبىر قىز تəربيەلەپ ٴوسىردى. سوعىستان ورالعان كۇننەن باستاپ تەرىساققان سوۆحوزىنا جىلقىشى بولىپ ورنالاسىپ، وسى جەردەن زەينەتكە شىعىپ، 1988 جىلى 24 قىركۇيەك كۇنى 90 جاسىندا كوز جۇمدى. ۇلى وتان سوعىسىنىڭ ٴىى دəرەجەلى وردەنىمەن، جەڭىستىڭ 20، 25، 30 جəنە 40 جىلدىقتارىنا ارنالعان مەرەكەلىك مەدالدارىمەن ماراپاتتالدى. بۇگىنگى كۇنى يگىباي اتامىزدىڭ ۇرپاعىن جالعاستىرۋشى ەدىل مەن ايتباي ۇلدارىنان جəنە امانتاي قىزىنان تۋعان 16 نەمەرەسى، 33 شوبەرەسى، 22 شوپشەگى بار.

 

* * * * * * * 

ۇلى وتان سوعىسىنىڭ ارداگەرى، تەرىساققان اۋىلىنىڭ تۇرعىنى سۇلەيمەنوۆ بولات اتا 1904 جىلدىڭ 30 مامىرىندا اقمولا وبلىسى، ەسىل اۋدانىندا قاراپايىم شارۋا وتباسىندا دۇنيەگە كەلگەن. ەر جەتكەن بولات سمايىلقىزى سارامەن شاڭىراق كوتەرىپ، نəرەستەلى بولىپ، باقىتقا بولەندى. وكىنىشكە وراي بالاسى اۋىرىپ، قايتىس بولىپ كەتەدى. 1941 جىلى حالقىمىز ادام ايتقىسىز قيىن-قىستاۋ كەزەڭگە دۋشار بولادى. وتانىمىزدى قورعاۋ ٴۇشىن ەلىمىزدىڭ كوپتەگەن ەر-ازاماتتارىمەن بىرگە بولات اعا سول جىلدىڭ قاراشا ايىندا مايدانعا اتتانادى. 1943 جىلى شايقاستا اياعىنان جارالانىپ جەتى اي əسكەري گوسپيتالدا ەمدەلەدى. گوسپيتالدان شىققاننان كەيىن، سوعىسۋعا جارامسىز بولعاندىقتان، پولەۆايا كۋحنياعا اسپازشى بولىپ ورنالاستى. 1945 جىلدىڭ كۇزىندە ەلىنە ورالدى. سوعىستىڭ جəنە سوعىستان كەيىنگى ٴومىردىڭ اۋىرتپالىعىن مويىماي كوتەرگەن بولات اتا وسى جەردەن زەينەتكەرلىككە شىعىپ، 1983 جىلى تامىز ايىندا، 79 جاسىندا قايتىس بولدى. قازىرگى ۋاقىتتا بولات اتا مەن سارا əجەنىڭ بالاسى جۇماعالي مەن كەلىنى زابيرا 6 بالا، 13 نەمەرە، 4 شوبەرە ٴسۇيىپ وتىر.

 

جازىپ العان ە. كەڭەسوۆا، كىتاپحاناشى. تەرىساققان اۋىلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي