BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سوعىستان قايتقان سولداتتار

مەجدۋرەچەنسك اۋىلىنىڭ «ارمان» بالالار مەن جاسوسپىرىمدەر كلۋبىندا وتكىزىلگەن شىعارماشىلىق ەسەپ بەرۋ كەشى ۇلى جەڭىستىڭ 70 جىلدىعىنا ارنالدى. كەشتىڭ «سوعىستان قايتقان سولداتتار» اتالۋىنىڭ وزىندە دە ۇلكەن ٴمان بار. ويتكەنى، ۇلى وتان سوعىسى كەزىندەگى ەل باسىنا تۇسكەن قايعى مەن قاسىرەتتى، ەر-ازاماتتارى مەن ۇلدارىنان ايرىلىپ، بوزداپ قالعان انالار بەينەسىن سومداعان كورىنىستەر جانىڭدى تۇرشىكتىرىپ، كوزىڭە جاس الدىرادى.

جەڭىس دەگەن جاقسىلىقتىڭ سىڭارى،

جىگەرلەنگەن قۇشتارلىقتىڭ قۇرالى.

كۇرەسكەردىڭ ارمانى مەن ۇرانى

قۋانىش پەن مەرەكەنىڭ بۇلاعى، - دەپ باستالعان كەشتىڭ العاشقى ٴسوزىن سول اۋىلدىڭ تىلداعى ارداگەرى كوششەگۋلوۆ جولدىباي اقساقال سوعىس كەزىندە بالا بولسا دا ەڭبەككە ەرتە ارالاسىپ، انالارىنا كومەكتەسكەنىن، كورگەن قيىنشىلىقتارى مەن سوعىستىڭ اكەلگەن زاردابى جونىندە اڭگىمەلەپ، جاستارعا اشىق اسپان مەن بەيبىت ٴومىر تىلەدى.

«سوعىس قاسىرەتى» دەپ اتالعان قويىلىمدا سۇتتەي ۇيىپ وتىرعان شاڭىراقتىڭ سوعىس باستالعان قارالى كۇننەن ەستەرى تانىپ، زارلاعان انا وتاعاسى مەن بالاسىن، كۇڭىرەنگەن كەلىن جارىن سوعىسقا اتتاندىرىپ اڭىراپ قالادى.

تىنىشباي ارۋجاننىڭ ورىنداۋىنداعى «انا تۋرالى باللادا» ٴانى شىرقالىپ جاتقاندا، ارتىندا تەاترلانعان قويىلىم كورسەتىلدى. ەلدە قالعان ايەلدەر مەن قارتتار، جاس بالالار «مايدان ٴۇشىن» دەپ تىلدا ايانباي تەر توگىپ، سوۆەت ارمياسى اسكەرىن وق ٴدارى، ازىق-تۇلىك، كيىم-كەشەكپەن قامتاماسىز ەتىپ وتىردى. مىنە، وسىلاي ىستىق-سۋىقتىڭ بارىنە ٴتوزىپ، تىلدا قاجىرلى ەڭبەك ەتكەندەر بەينەسى سومدالدى.

ٴاربىر ورىندالعان سوعىس تاقىرىبىنداعى قويىلىمدار مەن اندەر بارشا كورەرمەندەرىن تەرەڭ كۇرسىندى-رىپ، اسەرگە بولەدى. جاسوسپى-رىمدەردىڭ ورىندا-ۋىنداعى «سوعىس-تان قايتقان سولدات-تار» انىمەن دە جارالى قايتقان سولداتتار بەينەسى كورسەتىلدى.

كەش سوڭى كونسەرتتىك باعدارلاماعا ۇلاسىپ، ۇلى جەڭىس مەرەكەسى قۇرمەتىنە ٴداستۇرلى شاشۋ شاشىلدى.

وسىلاي ۇلكەن دايىندىقتىڭ ارقاسىندا وتكىزىلگەن «ارمان» كلۋبىنىڭ شىعارماشىلىق ەسەپ بەرۋ كەشى بارلىق قاتىسۋشى جەتكىنشەكتەردى ماراپاتتاۋمەن اياقتالدى. سوڭعى قۇتتىقتاۋ ٴسوزىن اۋداندىق «بولاشاق» الەۋمەتتىك ازاماتتىق بازيس بىرلەستىگىنىڭ مامانى تامارا ميحايلقىزى جانە وسى كلۋبتىڭ وركەندەۋىنە ەڭبەگى سىڭگەن بۇرىنعى جەتەكشىسى، قازىرگى ايەلدەر القاسىنىڭ ٴتورايىمى بيجامال قاسىمبەكقىزى شىعارماشىلىق كەشتىڭ جاستارعا تاربيە بەرەر تاعىلىمى مول بولعانىن ايتىپ، «ارمان» كلۋبى مەن ونىڭ جەتەكشىسى گازيزوۆا ورازكۇل نابيەۆنا ٴوز تىلەكتەرى مەن العىستارىن جەتكىزدى.

 

ٴاسيا قۇرمانبايەۆا،

«بالاۋسا» بالالار مەن جاسوسپىرىمدەر كلۋبىنىڭ جەتەكشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي