BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس ەستافەتاسى، بورالدايدا

وتكەن اپتادا بورالداي كەنتىندەگى №2177 اسەري بولىمىنە الماتىداعى قر ۇلتتىق قاۋىپسىزدىك كوميتەتىنىڭ شەكارا قىزمەتىنەن جەڭىس ەستافەتاسى جەتكىزىلدى. سالتاناتتى اسكەري شاراعا ۇلى وتان سوعىسىنىڭ ارداگەرى، دەمالىستاعى پولكوۆنيك ۆشيۆكوۆ يليا گريگورەۆيچ جانە اۋداندىق اسكەري كوميسسارياتتىڭ وكىلدەرى قاتىستى.

جەڭىس ەستافەتاسىن شەكارا بويىمەن الىپ ٴوتۋ ٴداستۇرى 1985 جىلى قولعا الىنعان. ونداعى ماقسات – ۇلى وتان سوعىسى جىلدارىندا شەكارادا جاۋعا قارسى تۇرعان جاۋىنگەرلەردىڭ ەرلىگىن ماڭگىلىك ەستە ساقتاۋ، جاستاردى سول سوعىسقا قاتىسقان اتا-بالالارىمىزدىڭ ەرلىك ىستەرىن ۇلگى ەتە وتىرىپ، پاتريوتتىق رۋحتا تاربيەلەۋ، تمد ەلدەرى حالقىنىڭ دوستىعىن نىعايتۋ جانە شەكارا ماڭىندا تۇراتىن تۇرعىنداردى مەملەكەتتىك شەكارانى قورعاۋدا شەكاراشىلارعا بەلسەندى تۇردە كومەكتەسۋگە شاقىرۋ

سالتاناتتى جيىندا ٴسوز سويلەگەن 2177 اسكەري ٴبولىمنىڭ كومانديرى، پولكوۆنيك ي.ي كارمىكوۆ «ٴبىز ٴۇشىن جەڭىس ەستافەتاسىن قابىلداۋ جانە وسىنداي ابىرويلى ىسكە اتسالىسۋ ۇلكەن ابىروي دەپ ەسەپتەيمىن. سىزدەردى الداعى كەلە جاتقان ۇلى وتان سوعىسىنىڭ جەڭىسىنە 70 جىلدىق مەرەيتويىمەن شىن جۇرەكتەن قۇتتىقتايمىن. اسپانىمىزدا تەك بەيبىت كۇن شىعىپ، كوك تۋىمىز جەلبىرەي بەرسىن!» - دەدى سونىمەن قاتار، ول بۇدان كەيىن جەڭىس ەستافەتاسىنىڭ وڭتۇستىك شەكارا قورعانىسىنا جەتكىزىلەتىندىگىن ايتتى.

ال ارداقتى ارداگەر يليا گريگورەۆيچ ۇرپاقتىڭ سوعىس جىلدارىندا قالىپتاسقان جاۋىنگەرلىك داستۇرلەرى بۇگىنگى زاماندا دا قاسيەتتى بولىپ ەسەپتەلەتىندىگىن جەتكىزدى. وسكەلەڭ ۇرپاققا بەيبىت ٴومىر تىلەدى.

ٴسوز كەزەگىن العان اۋداندىق قورعانىس ٴبولىمى باسشىسىنىڭ ورىنباسارى داۋتبەكوۆ ەرعالي ساتىلعان ۇلى: «شەكارا قىزمەتىنىڭ ٴاربىر وفيسەرى، سەرجانتى، ساربازى ۇلى وتان سوعىسى جاۋىنگەرلەرىنىڭ ەرلىكتەرىن قاشاندا قاستەر تۇتادى جانە سىيلايدى. سوعىس - ادام بالاسى ويلاپ تاپقان ەڭ ۇلكەن قاسىرەتتەردىڭ ٴبىرى ەكەنى بەلگىلى. سوعىس - ول سان مىڭداعان جەتىمدەر مەن جەسىرلەر، اعايىن، تۋعان-تۋىستى جوعالتۋ. سوندىقتان سوعىس ٴورتى ەشقاشاندا تۇتانباسىن. بۇل وتكىزىلىپ وتىرعان شارا شەكاراشىلاردىڭ پاتريوتتىق سەزىمىن، رۋحىن وياتۋعا باعىتتالعان»، - دەدى.

ايتا كەتەلىك، تمد ەلدەرى باسشىلارىنىڭ ۇلى جەڭىستىڭ 70 جىلدىعىن تويلاۋ تۋرالى شەشىمىنە سايكەس، بيىل تمد ەلدەرىنىڭ شەكاراسى بويىمەن جەڭىس ەستافەتاسى الىپ وتىلەدى. بۇل جولى، ياعني بيىل، ەستافەتا ٴبىر مەزەتتە ۇستىمىزدەگى جىلى 2 اقپاندا برەست قالاسى مەن مۋرمانسك قالاسىندا باستاۋ العان بولاتىن. ول جەرلەردە ۇلى وتان سوعىسى مەن برەست قامالىن قورعاعان باتىرلارىنىڭ رۋحىنا تاعزىم ەتىلدى. برەست قالاسىنان باستاۋ العان جەڭىس ەستافەتاسىنىڭ باعىتى: بەلورۋسسيا، رەسەي، ارمەنيا، قازاقستان، قىرعىزستان، تاجىكستان، وزبەكستان، تۇركىمەنستان جانە ازەربايجان، رەسەي بولىپ بەلگىلەندى. جەڭىس ەستافەتاسىنىڭ باعىتى 28 مامىردا ماسكەۋ قالاسىندا تاعزىم تاۋىندا اياقتالادى. ٴسويتىپ، جەڭىس ەستافەتاسى ماسكەۋدەگى شەكاراشىلار مۋزەيىنە تابىس ەتىلەدى.

ٴوز ٴتىلشىمىز.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي