BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرلىكتىڭ شىنارى – ۇرپاقتىڭ ٴجىر-انى

وسىلاي اتالعان ٴىس-شارا تۇڭعىش پرەزيدەنت تاريحي-مادەني ورتالىعىندا بولىپ ٴوتىپ، وعان ورتا مەكتەپتەردىڭ تاريح جانە قازاق ٴتىلى ٴپانى مۇعالىمدەرى مەن وقۋشىلار، سونىمەن قاتار تىل ەڭبەككەرلەرى قاتىستى.

– ارينە، جاس ۇرپاقتى ناعىز ۇلتجاندى ەتىپ تاربيەلەۋ ٴۇشىن اعا ۇرپاق وكىلدەرىنىڭ ٴومىرى مەن ەڭبەك جولدارىن ناسيحاتتاۋدىڭ اسەرى مول. بۇل رەتتە حالقىمىزدىڭ اياۋلى پەرزەنتى، فيلولوگيا عىلىمىنىڭ دوكتورى، كسرو باتىرى، مايدانگەر-جازۋشى مالىك ٴعابدۋلليننىڭ تاڭدالۋى تەكتەن تەك ەمەس. ۇستىمىزدەگى جىلى ٴجۇز جاسقا تولىپ وتىرعان باتىر تۋرالى ايتۋ دا، وقۋ دا قانداي قىزىق بولسا، ودان الاتىن اسەر مەن ٴتالىم- تاربيە دە ٴوز الدىنا ٴبىر بولەك. سوندىقتان جاستاردى سوعىس ارداگەرلەرىن قۇرمەتتەۋگە، ەلى مەن جەرىن سۇيۋگە، پاتريوت ەتىپ تاربيەلەۋگە مۇنداي شارانىڭ ىقپالى مول دەپ ەسەپتەيمىن، – دەيدى «حالىقتار دوستىعى» قوعامدىق بىرلەستىگىنىڭ ٴتوراعاسى ٴىلياس بايمۇرزايەۆ. الدىن-الا دايىندالعان كىتاپ كورمەسىن تاماشالاعان قاتىسۋشىلار ۇلكەن ەكراننان مالىك ٴعابدۋلليننىڭ مۇراجايى تۋرالى دەرەكتى فيلم تاماشالاپ، باتىر بابانىڭ تۋعان جەرى مەن وسكەن ورتاسىمەن تانىستى. ال قالامىزداعى №4 قازاق ورتا مەكتەبىنىڭ تاريح ٴپانىنىڭ ٴمۇعالىمى ايجان جاقىپبەكوۆا «مالىك عابدۋللين – ادەبيەت زەرتتەۋشىسى» دەگەن تاقىرىپتا بايانداما وقىپ، كوپتەگەن مالىمەتتەردى ورتاعا سالدى. مۇنان كەيىن №2 ورتا مەكتەپتىڭ ماقسات تۇرىموۆ دەگەن وقۋشىسى يسا بايزاقوۆتىڭ «مالىكتىڭ سيپاتى» اتتى ولەڭىن وقىپ بەردى. مۇنان باسقا دا جىرلار مەن ەستەلىك حاتتار وقىلدى، №8 مەكتەپ وقۋشىسى ٴالىمحان دارحان، 9 سىنىپ وقۋشىسى ٴۇسايىنوۆ دوسىم، باۋىرجان ٴابدىقادىروۆ بەلسەندىلىك تانىتىپ، ٴان-جىرعا كەزەك بەردى. جيىن سوڭىندا قاتىسۋشىلارعا الدعىس حاتتار تابىستالدى.

 

ٴوز تىلشىمىزدەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي