BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىر شاڭىراق استىندا

 وسىدان سان جىلدار بۇرىن ەلىمىزگە جەر اۋدارىلىپ كەلگەن تالاي ۇلت وكىلدەرى بۇگىنگى كۇنى ٴبىزدىڭ ايماقتى دا مەكەن ەتۋدە. ولاردىڭ ٴتىلى باسقا بولعانمەن، تىلەگى ٴبىر، ٴجۇزى باسقا بولعانمەن، جۇرەگى ٴبىر. بارشا ۇلتتى باۋىرىنا باسقان باۋىرمال قازاق حالىق بىرەۋدى ارتىق، بىرەۋدى كەم دەپ كورمەگەن. تاتۋلىق پەن دوستىقتا تۇرۋدى ەجەلدەن سەرىك ەتكەن. وسىنداي جاندار اراسىندا بىر-بىرىمەن كوڭىلى جاراسقان ينتەرناسيونالدى وتباسىلار از ەمەس. سولاردىڭ ٴبىرى، قالامىزدىڭ تۇرعىندارى – سحە جانۇياسى كوپكە ۇلگى بو- لىپ وتىر. سحە ەليزاۆەتا سەرافيموۆنا 1953 جىلى 25 اقپاندا قاراعاندى قالاسىندا دۇنيەگە كەلگەن. قاراپايىم وتباسىندا تاربيەلەنىپ، اتا – اناسى 30 جىلدان استام توپار شاحتاسىندا قىزمەت جاساعان. اكەسى – تىل ارداگەرى. اكە – شەشەسى 4 بالا ٴوسىرىپ، اتالعان كەيىپكەرىمىز وسىلاردىڭ ٴۇشىنشى بالاسى. سودان 1964 جىلى وتباسى اباي قالاسىنا كەلىپ قونىستانادى. وسى قالادا مەكتەپ تابالدىرىعىن اتتاپ، جوعارعى وقۋعا ٴتۇسىپ شەت ٴتىلى ماماندىعى بويىنشا ٴتامامدايدى. قالامىزداعى №1 ورتا مەكتەپتە قىزمەت جاساپ، شەتەل ٴتىلى ٴمۇعالىمى – 45 جىل، مەكتەپ ديرەكتورىنىڭ ورىنباسارى بولىپ – 28 جىل جۇمىس جاسايدى. سودان ومىرلىك سەرىگى سحە ۆلاديمير اپوللونوۆيچپەن كەزدەسىپ، تۇرمىسقا شىعادى. ولار ەكى بالا تاربيەلەپ، ەكى ۇلتتىڭ مادەنيەتىن دامىتىپ، سالت – ٴداستۇرىن ۇستانىپ وتىر. ۆلا- ديمير مەن ەليزاۆەتا 34 جىل بۇرىن وتباسىن قۇردى. وتاعاسى – كارىس، جۇبايى – نەمىس ۇلتىنان. تاعدىرلارى توعىسىپ، كوڭىلدەرى جاراسىپ، جانۇيا بولدى. نەمىس قىزى سىپايى مىنەزى، مەيىرىمدى جۇزىمەن باۋراپ الادى. – ەكەۋمىز وتباسىن قۇرعاندا اتا – انالارىمىزدىڭ ەشقايسىسى قارسى بولعان ەمەس. مەنىڭ وتباسىم ٴۆلاديميردى قۇشاق جايا قارسى الدى جانە ونىڭ دا جانۇياسى مەنى ٴوز بالالارىنداي كورىپ، ٴاردايىم قۇرمەت كورسەتەتىن. ٴبارىمىز ٴبىر شاڭىراقتىڭ استىندا بىرنەشە جىل تاتۋ – ٴتاتتى عۇمىر كەشىپ كەلەمىز. باسىمىزدان نە قىندىق وتپەدى دەيسىڭ. وتباسىندا «ىدىس – اياق سىلدىرلاماي تۇرمايدى» دەمەكشى بارلىعىنا دا ٴبىز جولداسىمىز ەكەۋىمىز توتەپ بەرە الدىق. جىلدار وتە باستان وتكەن قيىنشىلىقتاردىڭ ٴبارى ۇمىتىلىپ، باقىتتى ٴومىر سۇرۋدەمىز. ەلىمىز امان، تىنىش بولسىن. ٴبىز حريستيان مەيرامىن، مۇسىلمان مەيرامدارىن بىردەي تويلاي- مىز. وسى ەلدە تۇرعاننان كەيىن بارشا سالتتارىن ساقتايمىز. انام نەمىس قىزى جانە اكەم ورىس ۇلتىنان قازاقستانعا ساراتوۆ وبلىسىنان جەر اۋدارىلىپ كەل- گەن. سودان بەرى قازاقستان مەن ٴۇشىن تۋعان جەرىم» – دەپ اعىنان جارىلدى. 1995 جىلدان باستاپ «wiedergeburt» نەمىستەر قوعامىندا وقىتۋشى بولىپ جۇمىس ىستەپ كەلەدى. العاشقى جىلدارى بۇل ٴتىلدى وقىعىسى، سالتىن بىلگىسى كەلەتىندەر كوپ بولىپتى. ٴقازىر ادام بارشىلىق، ٴبىراق ساۋساقپەن سانارلىقتاي. اناسىنىڭ جولىن قۋىپ قىزى لەنادا شەتەل ٴتىلىنىڭ وقىتۋشىسى ماماندىعىن ٴتامامداپ، قازىرگى تاڭدا بالا كۇتىمىمەن ۇيدە وتىر. ال ۇلى انتون قەۋ – ٴنىڭ اقپاراتتىق تەحنولوگيا ماماندىعى بويىنشا ٴبىتىرىپ، «قازاقمىس» كورپوراسياسىندا قىزمەت جاسايدى. ۇلىندا – نيكيتا، قىزىندا – الەكساندر اتتى نەمەرەلەرى بار. كەلىنى مەن كۇيەۋ بالاسى ورىس ۇلتىنان. ەليزاۆەتا سەرافيموۆنا ەڭبەك جولىندا ٴبىلىم مينيستەرىنىڭ قۇرمەت گراموتاسىمەن، قازاقستان رەسپۋبليكاسى ٴبىلىم بەرۋ ٴىسىنىڭ ۇزدىگى، پرەزيدەنت ن.ٴا.نازاربايەۆتىڭ قۇرمەت گراموتاسىمەن، اۋداندىق، وبلىستىق جانە ٴبىلىم باسقارمانىڭ بىرنەشە العىس حاتتارىمەن ماراپاتتالعان. بەرىك وتباسىنىڭ باستى قاعيداسى – تاتۋلىق. ادامي قاسيەتتەردى جوعارى باعالايتىن وسىنداي وتباسىلار – مەملەكەتىمىزدىڭ تىرەگى.

 

گۇلنۇر وڭالىسقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي