BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قايىرىمدىلىق – يماندىلىق بەلگىسى

الماتى وبلىسى ىلە اۋدانى ىنتىماق اۋىلىنىڭ №30 ورتا مەكتەبىندە وتكەن از قامتىلعان وتباسى بالالارىنا كومەك كورسەتۋ اكسياسى «قايىرىمدىلىق – يماندىلىق بەلگىسى» دەپ اتالدى.

قازاقتىڭ جاقسى قاسيەتتەرىنىڭ اسىلى – جومارتتىق. جومارت بولۋ – وزىڭدە باردى ٴزارۋ اداممەن شىن جۇرەكتەن بولىسە ٴبىلۋ. وسىعان وراي ٴبىر اي بويى ۇيىمداستىرىلعان شارانىڭ باستى ماقساتى – تۇرمىسى تومەن وتباسى بالالارىن كيىم-كەشەكپەن قامتاماسىز ەتۋ. بالالارعا قولايلى جاعداي تۋدىرۋ، ٴار ٴتۇرلى الەۋمەتتىك كاتەگورياداعى وتباسىلارمەن جۇمىس جاساۋ، الەۋمەتتىك كومەكتى ۇيىمداستىرۋ، تەك كومەك كۇتۋشى ەمەس ماسەلەنى شەشۋ ٴۇشىن وزدىگىنەن جول تابۋىنا كومەكتەسۋ، رۋحاني جان دۇنيەسىن تانىپ ٴبىلۋ، قاتارعا قوسۋ جۇمىستارىن ۇيىمداستىرۋ. ۇستازدار قاۋىمى قايىرىمدىلىق قورىن جاساقتاۋعا بىركىسىدەي اتسالىستى. ارنايى قايىرىمدىلىق كونسەرتى ۇيىمداستىرىلدى. مەكتەپ اكىمشىلىگى، پەداگوگيكالىق ۇجىم الەۋمەتتىك جۇمىس تاربيە جانە وقىتۋمەن تىعىز بايلانىستا دەگەن ۇستانىمدا جۇمىس جاساي وتىرىپ، ماتەريالدىق قولداۋدى قاجەت ەتەتىن تۇرمىسى تومەن وتباسىلاردان شىققان، جەتىم جانە دارىندى وقۋشىلاردىڭ وقۋ ۇلگەرىمىنە، قوعامدىق جۇمىستارعا، كوركەمونەرپازدار ۇيىرمەسىنە، ٴتۇرلى شىعارماشىلىق بايقاۋلارعا قاتىسۋىنا، سپورتتىق جەتىستىكتەرىنە بايلانىستى كومەك كورسەتەدى. وقۋشىلاردىڭ ماتەريالدىق كومەك، جەتىستىكتەرىن باعالاۋ، جاقسى وقۋعا مورالدىق كوتەرمەلەۋ، مەكتەپ ومىرىنە بەلسەندى ارالاسۋدا مەكتەپ اكىمشىلىگى تاراپىنان قامقورلىقتى، سونىمەن قاتار مەملەكeتتىك قولداۋدى سەزەدى. جالپى مەكتەپتە 1 - جەتىم وقۋشى، 11 - ٴال-اۋقاتى تومەن جانە 3 - مۇگەدەك وقۋشى ٴدارىس الۋدا. سىنىپ جەتەكشىلەردىڭ ۇيىمداستىرىپ وتكىزگەن «قايىرىمدىلىق – يماندىلىق بەلگىسى» جارمەڭكەسىنە بارلىق وقۋشىلار بەلسەنە قاتىسا وتىرىپ، ادامگەرشىلىك، مەيىرىمدىلىك پەن قامقورلىق دەگەن قاعيدالاردى باعالاي بىلۋگە ۇيرەندى. جارمەڭكەدەن تۇسكەن قاراجاتقا مەكتەپ ديرەكتورىنىڭ وقۋ ٴىسى جونىندەگى ورىنباسارى ب.ە.يسانىڭ جەتەكشىلىگىمەن از قامتىلعان وقۋشىلارعا قۇرال-جابدىقتار، قاجەتتى سپورتتىق كيىم بەرىلدى.

مەكتەبىمىزدە ٴجيى وتكىزىلەتىن «قايىرىمدىلىق» اكسياسىنىڭ از قامتىلعان وتباسى بالالارىنا تيگىزەر كومەگى كوپ. سەبەبى اكسيا كەزىندە 20-دان استام بالاعا جاردەم بەرىلدى. مۇقتاج وقۋشىلار جىلى كيىمدەرگە، وقۋ-قۇرالدارىنا جانە باسقا ماتەريالدىق كومەككە قول جەتكىزدى. مەكتەپتەگى از قامتىلعان وقۋشىلارعا كومەگىن اياماي، ۇنەمى اتسالىسىپ وتىراتىن اتا-انالار اراسىندا ابيشەۆا ايكەن اپاي، بۇعىبايەۆا بيجامال اپا، كۇيشىبايەۆا كۇلاش، كەنجەقۇلوۆ وتار، قاشاعانوۆ وقتيابر، جەكسەنبايەۆ جاندوس سياقتى ازاماتتارعا راحمەت ايتۋ ٴجون دەپ ەسەپتەيمىز.

ايتا كەتەتىن جايت، مەكتەپ تاراپىنان جاعدايى تومەن بالالارعا قولداۋ اتا-انانىڭ ٴوتىنىشى بويىنشا كورسەتىلەدى. مۇنى ٴبىز از قامتىلعان وتباسى بالالارىنىڭ ٴجۇزى جارقىن، ٴوز قاتارىنان كەم بولماي، الاڭسىز وقۋىنا جاسالعان ۇلكەن قامقورلىق دەپ تۇسىنەمىز. بالالاردىڭ دا مەكتەپكە، ۇستازدارعا دەگەن سۇيىسپەنشىلىگى ارتا تۇسەرى ٴسوزسىز. ٴبىزدىڭ باستى ماقساتىمىز - از قامتىلعان وقۋشىلاردىڭ جۇرەكتەرىنە شۋاق سىيلاپ، كوڭىلدەرىنە قۋانىش ۇيالاتۋ.

 

م.كاراكەنەۆا

№30 ورتا مەكتەپ ديرەكتورىنىڭ تاربيە جۇمىسى جونىندەگى ورىنباسارى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي