BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ىلەلىكتەر ٴوز تاڭداۋىن جاسايدى

 اپتا باسىندا «نۇر وتان» پارتياسى اۋداندىق فيليالىنىڭ ٴبىرىنشى ورىنباسارى ابيلوۆا روزا ميحايلقىزى باستاعان سايلاۋ الدى ۇگىت-ناسيحات توبى، ەنەرگەتيچەسكيي وكرۋگىندەگى ارداگەرلەر ۇيىندە جانە جەتىگەن وكرۋگىندەگى جول قۇرىلىسى جانە جوندەۋ شەكتەۋلى سەرىكتەستىگىندە بولدى. 

الدىمەن ارداگەرلەر ۇيىندە بولعان ۇگىت-ناسيحات توبى ەلباسىمىزدىڭ استاناداعى تاۋەلسىزدىك سارايىنداعى «نۇر وتان»  پارتياسىنىڭ كەزەكتەن تىس xv سەزىندە ايتىلعان 5 باعىتتى تەرەڭ تالقىلاپ، قويىلعان سۇراقتارعا جاۋاپ بەرىلدى. وسى وتىرىستا ٴسوز سويلەگەن «نۇر وتان» پارتياسى حv سەزىنىڭ دەلەگاتى، اۋداندىق ٴماسليحاتتىڭ دەپۋتاتى نادىربەكوۆا عاليا نادىربەكقىزى «ەڭ باستىسى، سەزدە جاڭا قۇجات قابىلداندى. پارتيانىڭ جاڭا ساياسي دوكتريناسىنا ۇلكەن ٴۇمىت ارتىلىپ وتىر. ول پارتيانىڭ الداعى ۋاقىتتاعى باعدارىن، تاعدىرىن بەلگىلەيدى. ال مۇنىڭ قازاقستاندىقتاردىڭ ىنتىماعىن نىعايتا تۇسۋدە ماڭىزى زور. ٴبىزدىڭ پارتيا حالىق بىرلىگىن ساقتاۋعا، وسى باعىتتاعى يدەولوگيالىق جۇمىسقا جاۋاپتى. سوندىقتان «نۇر وتان» پارتياسىنىڭ ٴتوراعاسى نۇرسۇلتان ٴابىش ۇلى نازاربايەۆقا قولداۋ كورسەتىپ الداعى سايلاۋعا اتسالىسىڭىزدار»، - دەپ جينالعانداردى 26 ساۋىردە بولاتىن سايلاۋعا بىركىسىدەي قاتىسۋعا شاقىردى.

ودان كەيىن ۇگىت-ناسيحات توبى اۋدان كولەمىندە سوناۋ كەڭەس زامانىنان بەرى توقتاۋسىز قىزمەت ىستەپ، وبلىس كولەمىندەگى جول جوندەۋ جۇمىستارىنا ۇلكەن ۇلەس قوسىپ جۇرگەن جەتىگەن اۋىلىنداعى وبلىستىق ٴماسليحاتتىڭ دەپۋتاتى قوڭىربايەۆ عازيزحان نۇرعيسا ۇلى باسقارىپ وتىرعان «№1 جول قۇرىلىسى جانە جوندەۋ» جاۋاپكەرشىلىگى شەكتەۋلى سەرىكتەستىگىندە بولدى. سەرىكتەستىكتە بۇگىندە 200-دەن استام جۇمىسشى تۇراقتى ايلىق الىپ، جۇمىس جاساۋدا. ولار اۋدان جانە وبلىس كولەمىندە رەسپۋبليكالىق ماڭىزدى جوداردى جوندەۋمەن اينالىسادى. ەلباسىمىزدىڭ «نۇرلى جول» باعدارلاماسىمەن تىكەلەي اينالىسىپ جاتقان جايى بار. سەرىكتەستىكتىڭ جۇمىسشىلارى كەزەكتەن تىس پرەزيدەنت سايلاۋىندا قازىرگى ەلباسىمىز نۇرسۇلتان نازاربايەۆتى قولدايتىنىن جەتكىزىپ، ٴسوز سويلەدى. ٴسوز العانداردىڭ قاتارىندا جۇمىسشى زەينەتكەرلەر: نينا بۋچنەۆا، بيۆزارا امانتايەۆا مەن جاس مامان، پروراب داۋرەن تويعۇلوۆ بولدى. ولاردىڭ ايتۋىنشا ەلباسىمىزدىڭ ۇسىنىپ وتىرعان «نۇرلى جول - بولاشاققا باستار جول» ستراتەگيالىق جولداۋىنىڭ ناتيجەسىندە سەرىكتەستىك ۇلكەن اۋقىمدى جۇمىستارعا قول جەتكىزۋدە ەكەن.

 

باعدات چويباسوۆ.

 

 

 

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي