BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەرەكەلىك مەدالدار تاپسىرىلدى

  ۇلىستىڭ ۇلى كۇنى ناۋرىز مەرەكەسىندە «نۇر وتان» پارتياسى اۋداندىق فيليالىنىڭ ٴماجىلىس زالىندا اۋدان اكىمى، «نۇر وتان» پارتياسى ايىرتاۋ اۋداندىق فيليالىنىڭ ٴتوراعاسى اعزام تاستەمىروۆ قازاقستان رەسپۋبليكاسى پرەزيدەنتىنىڭ جارلىعىمەن «1941-1945 جىلدارداعى ۇلى وتان سوعىسىنداعى جەڭىسكە 70 جىل» مەرەكەلىك مەدالدارىن اۋداننىڭ ٴبىر توپ سوعىس ارداگەرلەرى مەن تىل ەڭبەككەرلەرىنە سالتاناتتى تۇردە تابىستادى. ارداگەرلەر الدىندا ٴسوز العان اۋدان اكىمى اعزام احمەتجان ۇلى: « ۇلى وتان سوعىسىنداعى اعا بۋىن ۇرپاقتىڭ وشپەس ەرلىگى تاريحتا ماڭگى ساقتالادى. ٴبىز، سوعىس ارداگەرلەرى مەن تىل ەڭبەككەرلەرىنە، سوناۋ سۇراپىل جىل- داردا ەل بەيبىتشىلىگى ٴۇشىن اسقان ەرلىكتەرىڭىز بەن جان اياماس قايسارلىقتارىڭىز ٴۇشىن قۇرمەت كورسەتە وتىرىپ، ۇلى جەڭىستىڭ 70 جىلدىعىنا ارنالعان مەرەكەلىك مەدالداردى تاپسىرعالى وتىرمىز» - دەدى. ۇلىستىڭ ۇلى كۇنى مەرەكەسىندە كوتەرىڭكى كوڭىل كۇيمەن كەلگەن 20 ارداگەردىڭ ومىراۋىنا مەرەكەلىك مەدالداردى اۋدان باسشىسى ٴوز قولىمەن قادادى. مەرەكەلىك مەدال العانداردىڭ قاتارىندا سوعىس ارداگەرلەرى الەكساندر بەلونوگ، ۆلاديمير زۋەۆ، لەنينگراد قۇرساۋىنىڭ تۇرعىنى سانيا شاكۋروۆا، تىل ەڭبەككەرلەرى بايمولدا رىستين، كارىباي جاقىپوۆ، كەنجەباي قوجاقوۆ، قۋانىش بەكپاسوۆ، تۇرعىن ەرعاليەۆ، مالۆينا يششەنكو، ۆالەنتينا زاپورو- جەس، سارسەنعالي مالايەۆ، ۆلاديمير كالگانوۆ جانە تاعى باسقالارى بولدى. ماراپاتتالعاندار ٴوز كەزەگىندە ۇلى وتان سوعىسى جىلدارىنداعى ەرلىك ىستەرى مەن تىلداعى ەڭبەكتەرىن باعالاعانى ٴۇشىن ەلباسىنا العىستارىن جەتكىزدى. ماراپاتتالعانداردى اۋداننىڭ ارداگەرلەر كەڭەسىنىڭ ٴتوراعاسى ارميا ٴابىلقايىروۆ تا قۇتتىقتاپ، دەندەرىنە ساۋلىق تىلەدى. سالتاناتتى شارا سوڭىندا بارلىق ماراپاتتالعاندار اۋدان باسشىسىمەن بىرگە ەستەلىك سۋرەتكە ٴتۇستى.

 

باعلان قوجاقوۆ. سۋرەتتى تۇسىرگەن اۆتور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي