BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارداگەرلەر ماراپاتتالدى

 ناۋرىزدىڭ 30-ى كۇنى اۋدان اكىمدىگىنىڭ ٴماجىلىس زالىندا اۋدان اكىمى، «نۇر وتان» پارتياسى ايىرتاۋ اۋداندىق فيليالىنىڭ ٴتوراعاسى اعزام تاستەمىروۆ قازاقستان رەسپۋبليكاسى پرەزيدەنتىنىڭ جارلىعىمەن «1941-1945 جىلدارداعى ۇلى وتان سوعىسىنداعى جەڭىسكە 70 جىل» مەرەكەلىك مەدالدارىن اۋداننىڭ ٴبىر توپ تىل ەڭبەككەرلەرىنە سالتاناتتى تۇردە تابىستادى. جيىن الدىندا اۋدان ارداگەرلەرىن قۇتتىقتاعان اۋدان باسشىسى اعزام احمەتجان ۇلى ۇلى جەڭىستى جاقىنداتۋدا تىلداعى اعا بۋىن ۇرپاقتىڭ ەرەن ەڭبەكتەرىنىڭ ۇشان-تەڭىز ەكەندىگىن تىلگە تيەك ەتە كەلە، زالعا جينالعان 36 تىل ەڭبەككەرلەرىنىڭ ومىراۋىنا ۇلى جەڭىستىڭ 70 جىلدىعىنا ارنالعان مەرەكەلىك مەدالداردى ٴوز قولىمەن قادادى. ماراپاتتالعان ارداگەرلەر وزدەرىنە كورسەتىلگەن قۇرمەتى ٴۇشىن ەلباسىنا العىستارىن جەتكىزىپ جاتتى. جيىن سوڭىندا ماراپاتتالعانداردى اۋداندىق ارداگەرلەر كەڭەسىنىڭ ٴتوراعاسى ارميا ٴابىلقايىروۆ قۇتتىقتاپ، بارشاسىنا زور دەنساۋلىق، ۇزاق عۇمىر تىلەدى. وسى كۇنى تۇستەن كەيىن اۋدان اكىمى اعزام تاستەمىروۆ اۋداندىق ارداگەرلەر كەڭەسىنىڭ توراعاسىمەن بىرگە ساۋمالكول اۋىلىندا تۇراتىن سوعىس ارداگەرلەرى پەتر لەونچەنكونىڭ، كونستانتين كۋبراكتىڭ، ايىرتاۋ ورمان شارۋاشىلىعىنىڭ تۇرعىنى الەكساندر گرەكوۆ پەن ەلەسكيي اۋىلىندا تۇراتىن نيكولاي يۆانوۆكييلەردىڭ ۇيلەرىنە ارنايى بارىپ، «1941- 1945 جىلدارداعى ۇلى وتان سوعىسىنداعى جەڭىسكە 70 جىل» مەرەكەلىك مەدالدارىن تابىستادى. سونان سوڭ اۋدان باسشىسى ەلەسكيي اۋىلدىق وكرۋگىنىڭ ٴبىر توپ تىل ەڭبەككەرلەرىن دە مەرەكەلىك مەدالدارمەن ماراپاتتادى.

 

باعلان قوجاقوۆ. سۋرەتتى تۇسىرگەن يرينا بۋركوۆسكايا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي