BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ناۋرىز مەيرامى قالاي وتەدى؟

حالقىمىزدا «ناۋرىز – جاڭارۋ مەرەكەسى» دەگەن بار، سوندىقتان ونىڭ قارساڭىندا تۇرعىلىقتى جەردى تازالاۋ باستى مىندەت. ٴبىزدىڭ قالادا وسىعان وراي 6 ناۋرىزدان 8 ساۋىرگە دەيىن باس- اياعى 25 ٴىس-شارادان تۇراتىن ايلىق ۇيىمداستىرىلۋدا.

حالىقتىق مەرەكەنىڭ نەگىزگى ٴىسشارالارى «مەتاللۋرگ» ستاديونى الدىندا 21 ناۋرىز كۇنى باستالادى، ول جەردە 20 كيىز ۇيدەن قۇرالعان ناۋرىز اۋىلى سالتانات قۇرادى. ستاديوننىڭ كىرە بەرىسىندەگى ورتالىق الاڭقايعا كولەمى 12ح8 شارشى مەتردەن تۇراتىن ساحنا ورناتىلىپ، ونىڭ ارتىنا وسى مەرەكەگە ورايلاستىرعان باننەر ىلىنەدى. ساحنانىڭ ەكى جانىنا دىبىس كۇشەيتكىش قۇرىلعىلار قويىلادى. ال ساحنانىڭ الدىنا كولەمى 20ح15 شارشى مەتر بولاتىن جاساندى جاسىل ٴشوپ توسەلەدى. ارنايى بەلگىلەنگەن ورىندار قوعامدىق تاماقتاندىرۋ ساۋداسىنا جانە ۇلتتىق سپورت تۇرلەرىن ويناتۋعا ارنالادى. «سالەم، تەمىرتاۋ!» دەپ اتالاتىن قولدانبالى ونەر مەن حالىق شەبەرلەرىنىڭ كورمەسى كەلۋشىلەردىڭ كوڭىلىنەن شىعارى انىق. تاعى ٴبىر شەتتە ناۋرىز كوجە جانە ەندى عانا پىسىرىلگەن باۋىرساقتار تاراتىلىپ، مەيرامعا اعىلعان جۇرت ودان اۋىز تيەتىن بولادى. مەرەكە ٴۇش بولىمنەن تۇرادى ٴبىرىنشى ٴبولىمى. ساعات 11.00دە مەرەكەلىك سازدى اۋەن ويناتىلىپ، قالانىڭ رەسمي وكىلدەرى ەتنومادەني ورتالىقتار قۇرامىنىڭ شاقىرۋىمەن ارنايى بولىنگەن جەرلەرگە بارىپ، دايىندالعان تەاترلاندىرىلعان كورىنىستەردى تاماشالايدى. ەكىنشى بولىمدە سالتاناتتى ساز اۋەن قانات قاعادى، «كوكتەم سالتاناتى» دەپ اتالاتىن بي كومپوزيسياسى ورىندالادى، شاشۋ شاشىلادى. ال كەلەسى «ۇلتتىڭ ومىرگە كەلۋى» دەپ اتالاتىن كىرىسپە كورىنىس قازاق حاندىعىنىڭ 550 جىلدىعىنا ارنالىپ وتىر. مەرەكەلىك ٴۇردىستىڭ سالتاناتتى اشىلۋى، رەسمي ادامداردىڭ قۇتتىقتاۋى وتكەننەن كەيىن «مەرەيىڭ ۇستەم بولسىن، نۇرلى ناۋرىز!» دەپ اتالاتىن تەاترلاندىرىلعان كورىنىس باستالادى، وعان 300دەن اسا ارتىستەر قاتىسادى. ٴمۇسىلىم جۇماعاليەۆتىڭ ٴسان تەاترى، تەمىرتاۋ بالالار مەن جاسوسپىرىمدەر جانە س.سەيفۋللين اتىنداعى قازاق دراما تەاترى اكتەرلارىنىڭ، سونداياق قالاداعى شىعارماشىلىق ۇجىمداردىڭ قويىلىمدارى كورسەتىلەدى. مەرەكەنىڭ ٴۇشىنشى بولىمىندە كونسەرتتىك باعدارلامالارعا كەزەك بەرىلەدى. ەلىمىزگە اتى ايگىلى «دوسمۇقاسان» ٴانسامبلى ٴوزىنىڭ ونەرىن تەمىرتاۋلىقتارعا پاش ەتەدى. بۇدان كەيىن «سۋپەر ستار» تەلەۆيزيالىق جوباسىنىنڭ جەڭىمپازى رومان كيم، «قازاقستان داۋىسى» مەگاجوباسىنا قاتىسقان ناتالي يانكوۆسكيح، «ٴبىر شاڭىراقتىڭ استىندا» دەپ اتالاتىن قالاداعى ەتنومادەني ورتالىقتار وكىلدەرىنىڭ جانە قاراعاندى مەن تەمىرتاۋ قالالارىنىڭ شىعارماشىلىق ۇجىمدارىنىڭ كونسەرتتەرى دە جۇرتشىلىقتى قىزىقتىرارى انىق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي