BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىگىتكە جەتى ونەر دە از

 ونىڭ بويىنداعى ونەرگە دەگەن قۇشتارلىق تۋا بىتكەن قاسيەت دەسەك ارتىق ايتقاندىق ەمەس. بالا جاسىنان اعاشتان ويۋ-ورنەك جاساۋعا دەگەن بەيىمدىلىگى بايقالاتىن. مەكتەپ قابىرعاسىندا جۇرگەندە-اق اعاشتان ويىپ جاساعان دۇنيەسىنە اۋىل تۇرعىندارى تاڭداي قاققان-دى. وسىلايشا ول مەكتەپتەگى «جاس تەحنيك»، «ناتۋراليست» سەكىلدى ۇيىرمەلەرگە قاتىسىپ، كوڭىل تۇكپىرىندەگى وي- قيالىن ادەمى بەينەلەرىن جارىققا شىعارىپ، ىشكى تۇيسىگى مەن جان قالاۋىن ۇشتاستىرىپ، تاماشا ٴبىر ونەر تۋىندىسىن ومىرگە اكەلەتىن.

 بۇگىن ٴبىز اڭگىمە وزەگىنە اينال- دىرىپ وتىرعان اعاش ۇستاسى، شەبەر جىگىت تولەۋعازى سەرىكباي ۇلى دۇيسەنبەكوۆ تەمىرتاۋدىڭ تۇرعىنى. ول قالا ۇستاۋشى كاسىپورىن سانالاتىن «ارسەلورميتتال تەمىر تاۋ» اق-دا ۇزاق جىلداردان بەرى ەڭبەك ەتەدى، بۇگىنگى تاڭدا سرمو-4-تە اعاش ۇستاسى بولىپ جۇمىس ىستەيدى. – مەنىڭ جاسايتىن دۇنيەلەرىم ٴنىڭ العاشقى سۇلباسى اۋەلى قيالىمدا پايدا بولادى، ون ويلانىپ، ٴجۇز تولعانىپ دەگەندەي، ۇنەمى ىزدەنىس ۇستىندە ٴجۇرىپ، ابدەن پىسىپ-جەتىلگەندە عانا جاساعا كىرىسەمىن. ارينە، ول ٴۇشىن قيالىمداعى دۇنيەنىڭ جالپى سۇلباسى قانداي بولاتىنىن، ونىڭ داۋىرمەن ۇيلەسىمدىلىگىن ۇمىت قالدىرمايمىن. سونىمەن قاتار تاريحي كىتاپتاردى وقىپ، ٴوز تانىم-كوكجيەگىمدى كەڭەيتەمىن، ەڭ باستىسى، مەنىڭ جانىم سۇلۋلىققا، ادەمىلىككە قۇمار، سوندىقتان قولىمنان شىققان زاتتاردىڭ تالعامى جوعارى جۇرتشىلىقتىڭ جۇرەگىن جاۋلاپ العانىن قالايمىن، – دەيدى ول اعىنان جارىلىپ. ۇلتتىق ونەرگە ەرەكشە دەن قوياتىن ول كوكتەمنىڭ شۋاقتى كۇن دەرىمەن قاتار كەلەتىن ناۋرىز مەيرامى قارساڭىندا تەمىر- تاۋلىقتاردى ٴوزىنىڭ شىعارماشىلىعىمەن تانىستىرىپ، ۇمىت بولىپ بارا جاتقان ۇلتتىق ناقىشتاعى ونەر تۋىندىلارىمەن تانىستىرۋدى ٴجون كورىپتى. ونىڭ ۇستىنە ەل ىشىندەگى ونەرلى ازاماتتاردى دارىپتەپ، قولداۋ كورسەتۋگە ۇنەمى دايىن تۇراتىن قالالىق تاريحي-ولكەتانۋ مۇراجايىنىڭ قىزمەتكەرلەرى دە قولقا سالىپ، ۇسىنىس جاساپتى. وسىلايشا، وتكەن بەيسەنبى كۇنى قالالىق تاريحي-ولكە تانۋ مۇرا جايىندا كومبينات جۇمىس كەرى تولەۋعازى سەرىكباي ۇلىنىڭ قولدانبالى ونەرگە ارنالعان جەكە كورمەسى سالتاناتتى تۇردە اشىلدى. ادەمى قازاقى تەكەمەتتىڭ ۇستىنە تالعاممەن قويىلعان زاتتار كوزدىڭ جاۋىن الادى، سونادايدان كوز تارتىپ، ۇلتىمىزدىڭ تامىرى تەرەڭدە جاتقان ۇلتتىق ونەرىنە، ادەمىلىك الەمىنە قاراي ەرىكسىز تارتا تۇسەدى. – مەن مۇنداي دۇنيەلەردى جاسا عاندا اتا-بابالارىمىزدىڭ بويىنداعى اردا قاسيەتتەر مەن باۋىرمالدىقتى، ادامگەرشىلىك پەن دانالىقتى تۇرمىس-تىرشىلىك تەگى ۇلتتىق ناقىشتاردى قوسا ورنەكتەيمىن، ٴاربىر زات سىرت كوزگە قاراپايىم بولىپ كورىنگەنىمەن، ەگەر كوز توقتاتىپ قارايتىن بولسا، وندا ٴاربىر بۇيىمدا ۇلتىمنىڭ ۇلاعاتى پەن پاراساتى، تىرشىلىگىنىڭ تىنىسى جاتقانىن اڭعارۋ قيىن ەمەس، – دەيدى تولەۋعازى دۇيسەنبەكوۆ. ايتسا ايتقانداي، كورمەگە قويىلعان دومبىرادان باستاپ تاي تۇياق، قوبىز سەكىلدى باسقا دا مۋزىكالىق اسپاپتاردى كورگەندە كەۋدەنى ماقتانىش سەزىمى بيلەيدى ەكەن. ال «ٴبيشى ەلىك» شەكىمەسى، اسىق كومپوزيسياسى، تۇرمىستىق جانە بالالارعا ارنالعان ورىندىق، سونىمەن قاتار اعاشتان ناقىشىنا كەلتىرە جاساعان توسەكتىڭ باسى مەن اياعى ٴوز الدىنا ٴبىر الەم. بارلىق بۇيىمدار تەك تازا تابيعي ماتەريالداردان جاسالعان، تاستارمەن كومكەرىلىپ، سۇيەكتەرمەن ادەمىلەنگەن. – بۇل كورمە ناۋرىز مەرەكەسى قارساڭىزدا «ۇلتتىق ٴسالت-داستۇر» عىلىمي-زەرتتەۋ جوباسى اياسىندا جانە مادەني مۇرانى ساقتاۋ بارىسىندا وتكىزىلۋدە. ەكسپوزيسيادا ۇلتتىق ناقىشتاعى جاسالعان جۇمىستار بار، اۆتوردىڭ ساندىك- قولدانبالى قولونەر بۇيىمدارى ٴبىر توبە، – دەيدى مۇراجاي قىزمەتكەرى گۇلىم سىزدىقوۆا. – ناۋرىز – ۇلتتىق مەيرام، وسى مەرەكەگە وراي بۇل كورمەنى تەم ٴىرتاۋلىقتاردىڭ نازارىنا ۇسىنىپ وتىرمىن، باعاسىن وزدەرىڭ ٴىز بەرەرسىزدەر، – دەيدى ول. ٴيا، دانا حالقىمىز «جىگىتكە جەتى ونەر دە از» دەپ بەكەر ايتپاعان، بويىنداعى ونەرىن جۇرتشىلىقتىڭ كوزايىمنا اينالدىرىپ، ۇلتتىق قولدانبالى ونەر ٴدىڭ تۋىن كوتەرىپ جۇرگەن كومبينات جۇمىسكەرى تولەۋعازى بۇيسەنبەكوۆكە ٴبىز دە شىعارماشىلىق تابىس تىلەي وتىر ىپ، ناۋرىز مەيرامىمەن قۇتتىقتايمىز.

 

رۋزا الداشەۆا 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي