BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇستازى جاقسىنىڭ ۇستامى جاقسى

ۇستاز – جاس ۇرپاقتىڭ رۋحاني ساۋلەتكەرى، قوعام، حالىق ٴوزىنىڭ ٴۇمىتى مول بولاشاعىن تاپسىراتىن سەنىمدى وكىلى. ولار سول سەنىمدى اقتاي وتىرىپ، زەدەلى دە زەرەك، پاراساتتى، ۇلتتىق جانە ادامزاتتىق قۇندىلىقتاردى بويىنا دارىتقان تۇلعالاردى تاربيەلەۋدە. قازاق مەكتەبىنىڭ بولاشاعى تۋرالى م.جۇمابايەۆ «ٴاربىر ەلدىڭ كەلەشەگى مەكتەبىنە بايلانىستى» دەپ ايتىپ كەتكەندە تاۋەلسىز قازاقستان رەسپۋبليكاسىنىڭ تاريحي الەۋمەتتىك، مادەني رۋحاني بولمىسىن دامىتۋعا، قوعامدىق ٴومىر مەن ۇلتتىق مەكتەپتى قالىپتاستىرۋدا ۇستازداردىڭ ەڭبەگى زور. جالپى بالالار، ۇستازداردىڭ ەڭبەگىن تەك وقۋشىلار عانا باعالاماعان، ولاردىڭ الدىندا ۇلى جازۋشىلاردا باس يگەن. وسىنداي ۇستازدىڭ ٴبىرى – شاريپوۆ قاراتاي سىبانباي ۇلى 1952 جىلدىڭ 25 قاڭتارىندا بۇرىنعى ەگىندىبۇلاق اۋدانى ارقالىق سوۆحوزى، اقتاستى سەلولىق سوۆەتىنە قاراستى، زاڭعار دەگەن جەردە قاراپايىم شارۋانىڭ وتباسىندا دۇنيەگە كەلگەن. اكەسى مەن شەشەسى كولحوز، سوۆحوزدىڭ ەڭبەك ماي- دانىندا تەر توكتى. قاراتاي سىبانباي ۇلى 1969 جىلى ەگىندىبۇلاق اۋدانى، اقتاستى ەلدىمەكەنىندەگى ارقالىق ورتا مەكتەبىن ويداعىداي بىتىرگەن سوڭ، تۋعان اۋىلدا قالىپ، ەڭبەككە ارالاستى. ەڭبەكتە ٴبىراز تاجىريبە جيناقتاعاننان كەيىن قارمۋ – دا جوعارى ٴبىلىم الىپ، فيزيكا – ماتەماتيكا پاندەرىنىڭ ٴمۇعالىمى ماماندىعىن يگەرەدى. قاراتاي اعامىز ەڭبەك جولىن ٴوز تۋعان اۋىلى ارقالىق ورتا مەكتەبىندە 1976 – 1981 جىلدارى فيزيكا – ماتەماتيكا پانىنەن ساباق بەرەدى. وسى جىلدار ارالىعىندا ٴوزىن جان – جاقتى كورسەتە بىلگەن اعامىزدى ەگىندىبۇلاق اۋداندىق پارتيا كوميتەتى سەنىم ٴبىلدىرىپ جاڭادان اشىلعان كورشى ايرىق (قازىرگى ٴمادي) ورتا مەكتەبىنىڭ ديرەكتورلىعىنا جىبەرەدى، (1981 – 1987). 1987 – 1989 جىلى وبىلىستىق ٴبىلىم باسقارماسىنىڭ جولداماسىمەن تەلمان اۋدانىنا قاراستى قاراجار ورتا مەكتەبىنە قىزمەت اتقارادى. 1990 – 1998 جىلدارى ارالىعىندا شاحان، ساران قالالارىنداعى №4 كاسىپتىك –تەحنيكالىق ۋچليششەسىندە وقۋ – ٴىسىنىڭ مەڭگەرۋشىلىك قىزىمەتىن اتقارادى.1999 جىلى ەرلى – زايىپتى، وتباسى جاعدايىمەن اباي قالاسىنا اۋىسىپ كەلىپ، اباي قالاسىنداعى اباي قۇنانبايەۆ اتىنداعى №5 مەكتەپ – گيمنازياسىنا ورنالاسىپ، قازىرگى ۋاقىتقا دەيىن وسى مەكتەپتە فيزيكا – ماتەماتيكا پاندەرىنەن ساباق بەرىپ كەلەدى. وسى جىلدار ىشىندەگى ەلەۋلى ەڭبەگى مەن كوزگە ٴتۇسىپ، جاس وسپىرىمدەردى زامان تالابىنا ساي تاربيەلەۋ ىسىندەگى جەمىستى ەڭبەگى ناتيجەسىز قالعان جوق. ول بىرنەشە مارتە اۋىلدىق كەڭەس دەپۋتاتى بولىپ سايلاندى. قابىرعاسىنان قاناتتى تۇلەكتەر تۇلەپ ۇشقان كيەلى ٴبىلىم ورداسىندا تابان اۋدارماي 15 جىل اتقارعان پەداگوگتىك ەڭبەگى قاراتاي سىبانباي ۇلىن ماراپاتسىز قالدىرعان جوق. ەڭبەگى جۇددىزداي جانعان ۇلاعاتتى ۇستاز – «قازاقستان رەسپۋبليكاسى ٴبىلىم بەرۋ ٴىسىنىڭ قۇرمەتتى قىزمەتكەرى» ٴتوس بەلگىسىمەن، قازاقستان رەسپۋبليكاسى ٴبىلىم جانە عىلىم مينيسترلىگىنىڭ العىس حاتىمەن، وبلىستىق ٴبىلىم باسقارماسىنىڭ قۇرمەت گراموتاسىمەن،ٴۇش مارتە اباي اۋدانى اكىمىنىڭ قۇرمەت گراموتاسىمەن، اباي اۋداندىق وقۋ ٴبولىمىنىڭ بىرنەشە مارتە قۇرمەت گراموتاسىمەن ماراپاتتالعان. بۇگىندە سۇيىكتى كاسىبىمەن اينالىسىپ وتىرعانىنا بيىل 40 جىل تولعالى وتىر. وتكەن جىلدار ونىڭ ومىرىنە دە ايشىقتى ٴىز قالدىرىپ، ٴىس تاجىريبەسىن تولىقتىردى. ول بالا تاربيەسىنە وتە جاۋاپكەرشىلىكپەن قاراي ٴار ساباقتىڭ ساپالى، اسەرلى، قىزىقتى وتۋىنە ەرەكشە كوڭىل ٴبولىپ، بۇگىنگى كۇن تالابىنا ساي جاڭا تەحنولوگيالارعا تولى شىعارماشىلىقپەن ۇيىمداستىرۋعا، كورنەكى قۇرالداردى ٴتيىمدى پايدالانىپ، ومىرمەن بايلانىستىرۋعا، وقۋشىنىڭ ويلاۋ قابىلەتىن، بەلسەندىلىگىن دامىتۋعا ەرەكشە كوڭىل بولەدى. ول قىزمەتىنە وتە ادال، جانىن سالىپ ىستەيدى، جۇمىستا ٴپرينسيپشىل، ٴتارتىپتى، رەتتىلىكتى جاقسى كورەدى. «ۇستازى پەيىلدى بولسا، شاكىرتى زەيىندى بولادى» دەگەن ماقالعا ساي، ودان ٴدارىس العان كوپتەگەن وقۋشىلارى بۇل كۇندە وزىق مۇعالىمدەر، دارگەرلەر. ٴار ٴتۇرلى ماماندىق يەلەرى، مەكتەپ باسشىلارى، اۋدان اكىمى قىزمەتىندە، ت.ب. قاراتاي سىبانباي ۇلى ۇلاعاتتى ۇستاز بولۋىمەن قاتار. ونەگەلى وتباسىنىڭ ۇلگىلى وتاعاسى. جۇبايى روزا قاناپياقىزىنىڭ جوعارى ٴبىلىمدى پەداگوگ، ٴىس- تاجىريبەسىنىڭ مولدىلىعىن ەسكەرىپ، اباي اۋدانى وقۋ ٴبولىمى اباي اۋدانىنا قاراستى «ۆولنىي» كەنتىندەگى №4 ورتا مەكتەپتىڭ ديرەكتورلىعىنا تاعايىندالىپ، وسى قىزمەتىن ابىرويلى اتقارىپ، قازىرگى تاڭدا ەڭبەك دەمالىسىندا. ٴسوز بولىپ وتىرعان كەيىپكەرىمىزدىڭ، ٴوز شاڭىراقتارىندا بەس بالانى تاربيەلەپ وسىرگەن ۇلكەندەرى - اينۇر قاراعاندى مەملەكەتتىك مەديسينا اكادەمياسىن ۇزدىك ٴتامامداپ، ودان كەيىن نوۆوسيبير مەملەكەتتىك مەديسينا ۋنيۆەرسيتەتىنىڭ اسپي- رانتۋراسىنا ٴتۇسىپ، ونىدا ۇزدىك وقىپ، پەدياتريا ماماندىقتارى بويىنشا مەديسينا عىلىمدارىنىڭ كانديدادى عىلىمي دارەجەسىن ٴساتتى قورعاپ، قازىرگى تاڭدا قاراعاندى مەملەكەتتىك ۋنيۆەرسيتەتىندە ٴدارىس بەرەدى جانە اباي اۋدانىنىڭ كوممۋنالدىق مەملەكەتتىك قازىنالىق مەكەمەسىندە تەرەپەۆت بولىپ جۇمىس اتقارادى. «بولاشاق» ۋنيۆەرسيتەتىن بىتىرگەن داناسى اباي اۋدانىنىڭ مەملەكەتتىك مۇراعاتىنىڭ ديرەكتورىنىڭ ورىنباسارى قىزمەتىن اتقارادى. اسىل «بولاشاق» ۋنيۆەرسيتەتىندە ينجەنەر- باعدارلاماشى قىزمەتىندە، ال ايدىنى بولسا قاراعاندى قالاسىنداعى 6505 اسكەري ٴبولىمى ۇلتتىق ۇلان گۆاردياسىندا قىزمەت اتقارادى. بۇگىندە اعامىز 5 نەمەرە سۇيگەن ارداقتى اتا. ەندى، مىنە، تالىمگەر ۇستاز، وسىنداي ٴبىر اياۋلى شاڭىراقتىڭ يەسى قاراتاي سىبانباي ۇلى اتا-انا- لار اراسىندا دا، اۋدان، وبلىس كولەمىندە دە ابىرويلى اسقاق، قادىرمەندى ازامات رەتىندە تانىلعان تۇلعا. «الپىس ۇشكە كەلدىم، اتتان ٴتۇستىم» دەپ وتىرعان اعامىز جوق، يماندى جۇزىنەن ٴور تايماعان، جاقسىلاردان ورتاسى ورتايماعان، جاسى كەلسە قارتايماعان، باردى قاناعات ەتىپ، اردى ويلاعان، ٴسوزى ٴماندى، ٴجۇرىس-تۇرىسى ٴساندى، قالپى ەش وزگەرمەگەن. تالاي ادامعا شاپاعاتى تيگەن، ٴالى دە ەل يگىلىگىنە ەڭبەك سىڭىرە بەرسەم دەگەن نيەتتەگى ارداقتى جانعا، «ۇستازدىق جولىڭىز ۇزاعىنان ٴسۇيىندىرىسىن!» دەيمىز ىزگى تىلەكپەن.

 

گۇلنۇر وڭالىسقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي