BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماقسات ايقىن، مىندەتتەر - زور

 10 اقپان كۇنى اۋداندىق مادەنيەت ۇيىندە اباي قالاسىنىڭ اكىمى ساپار قايىركەن ۇلى ساتايەۆتىڭ حالىق الدىندا 2014 جىلى اتقارىلعان ماڭىزدى جۇمىستار بويىنشا جانە 2015 جىلعا قويىلعان ماقساتتارى مەن مىندەتتەرى تۋرالى ەسەپتىك كەزدەسۋى ٴوتتى. جيىنعا اباي اۋدانىنىڭ اكىمى س.ج.شايداروۆ، اۋداندىق ٴماسليحاتتىڭ حاتشىسى ب.ا.ساي، اۋدان اكىمىنىڭ ورىنباسارلارى، اۋداندىق ٴماسليحاتتىڭ دەپۋتاتتارى، ساياسي پارتيالاردىڭ وكىلدەرى، ۇكىمەتتىك ەمەس ۇيىمدار جانە مەملەكەتتىك مەكەمەلەردىڭ باسشىلارى قاتىستى. قالا اكىمىنىڭ بايانداماسىن بىرنەشە سلايدتارمەن جانە ٴارتۇرلى كەستەلەرمەن بەينە ەكراننان كورسەتىپ تۇردى. تۇرعىنداردى الەۋمەتتىك سالانىڭ دامۋىمەن تانىستىردى، بۇرىنعى جىلدارعا قاراعاندا جۇمىسسىزداردىڭ سانى 1،1 % ازايعانىن بايقادىق. 2014 جىلى 420 ادام جۇمىسقا ورنالىستىرىلعان، 129 ادام كاسىپتىك وقۋعا جىبەرىلگەن. شاعىن جانە ورتا كاسىپ ٴوز دەڭگەيىندە دامىپ كەلەدى. بيىلعى جىلعا 170 ادام جۇمىس ىستەيتىن 10 جوبانى ىسكە اسىرۋ جوسپارلانۋدا. اباي قالاسىندا «شاعىن قالالاردى دامىتۋ» باعدارلاماسى اياسىندا بىرنەشە جوبالار جۇزەگە اسىرىلۋدا. اتالعان جوبانىڭ ەكىنشى باعىتى بويىنشا 95 ملن. تەڭگە ٴبولىنىپ، پايىزدىق مولشەرلەمەنى قاراجاتتاندىرۋ ٴۇشىن 4 جوباعا باعىتتالعان. 8 ملن تەڭگە كولەمىندە ۇيلەستىرۋ كەڭەسىنىڭ شەشىمىمەن 3 جوباعا گرانت ٴبولىندى. 2015 جىلى رەسپۋبليكالىق بيۋدجەتتەن، نەسيەلەندىرۋ مەن گراندقا قاراجات قاراستىرىلۋ جوسپارلانۋدا. سونىمەن قاتار بايانداماسىندا ٴبىلىم سالاسىنىڭ دامۋى جايلى ٴسوز ەتتى. بۇل سالادا بىرنەشە وقۋ ورىندارىندا جانە بالاباقشادا ماتەريالدى – تەحنيكالىق بازانى نىعايتۋ جۇرگىزىلىپ كەلەدى. ەڭ باستى كوڭىل بۇقارالىق سپورتقا جانە سپورتتىق ينفراقۇرىلىمدى دامىتۋعا بولىنەدى. سول سياقتى قالا اكىمى دەنساۋلىق ساقتاۋدى جانە مادەنيەتتى دامىتۋ تۋرالى ايتىپ بەردى. 2014 جىلى «جىگەر» ستاديونىندا روللەدروم مەن جازعى باسسەين اشىلعان بولاتىن. «شاعىن قالالاردى دامىتۋ» باعدارلاماسى اياسىندا رەسپۋبليكالىق بيۋدجەتتەن 109 ملن. 300 مىڭ تەڭگەگە كالينا كوشەسىندە جانە جەڭىس داڭعىلىندا جاياۋ جۇرگىنشى جولدارىن جوندەدى. اۋداندىق بيۋدجەتتەن 142 ملن. 837 مىڭ تەڭگەگە اباي قالاسىندا 5 اۋلاعا جوندەۋ جۇمىستارى جۇرگىزىلدى. ال بيىلعى جىلى جەرگىلىكتى بيۋدجەتتەن 8 ملن. تەڭگە ٴبولىنىپ، قالالىق ساياباقتى قايتا جوندەۋ جۇمىسى جۇرگىزىلەتىن بولادى. جوعارىدا اتاپ كەتكەن باعدارلامانى جۇزەگە اسىرۋ ماقساتىندا 2014 جىلى بوس تۇرعان 19 ٴۇي بۇزىلىپ، 2015 جىلى وسىنداي 15 ٴۇي بۇزىلماقشى. بىلتىرعى جىلى شكولنايا كوشەسىندەگى 87 ۇيدەگى 12 پاتەر جوندەلىپ، بىرنەشە وتباسى قونىس تويىن تويلادى. «قولجەتىمدى باسپانا – 2020» باعدارلاماسى اياسىندا 9 قاباتتى ەكى ٴۇي جانە جەكەمەنشىك ۇيلەر سالۋعا جوبالىق – سمەتالىق قۇجات جاسالىندى. ساپار قايىركەن ۇلى جىلۋ بەرۋ ماۋسىمىندا قۇبىرلاردى تازالاۋ جانە سۋ جىبەرۋ جۇيەلەرىنە جوندەۋ جۇمىستارى جۇرگىزىلىپ، پرومىشلەننايا كوشەسىندە جىلۋ جۇيەسى وتەتىن 5،9 كم كولەمىندە قۇبىر ماگيسترالى جاسالدى. ۇوس جەڭىسىنىڭ 70 جىلدىعىنا ارناپ قالالىق ساياباقتى بەزەندىرۋگە 110 ملن. تەڭگە قارجى بەرىلىپ، سوعىس ارداگەرلەرىنە مونۋمەنت ورناتىلماق. 2014 جىلى «تۇكش مودەرنيزاسيالاۋ 2011 – 2020 جىلدارى» باعدارلاماسى اياسىندا رەسپۋبليكالىق بيۋدجەتتەن اباي اۋدانىنا 29 ملن. 054 مىڭ تەڭگە بولىنگەن بولاتىن. وعان 3 قاباتتى ٴۇي جوندەۋدەن ٴوتىپتى. وسىلاي قالا اكىمى اتقارىلعان جۇمىستار تۋرالى جانە العا قويعان ماقساتتارى تۋرالى تۇرعىندارمەن جان – جاقتى تانىستىردى. سوڭىندا جينالعان قاۋىم اكىمگە كوكەيكەستى سۇراقتارىن قويدى. قالامىزدا بالاباقشانىڭ سانىن از ەكەنىن تىلگە تيەك ەتتى. الداعى جىلدارى بالاباقشا سالۋ جوسپاردا بار ەكەندىگىن ايتتى. ٴبىراق بۇل جوبانى قاراستىرىپ جاتقاندىعىن ايتتى. ودان كەيىن دەنساۋلىق ساقتاۋ سالاسى بويىنشا بىرنەشە سۇراقتار قويىلدى. اۋدان اكىمى بۇل ماسەلەنى باقىلاۋعا الىنىپ، قاتاڭ قاداعالايتىنىن ەسكەرتتى. سونىمەن قاتار كوشەلەردەگى باعدارشامدار جانە جول بەلگىلەرى تۋرالى ٴسوز بولدى. بيىلعى جىلى جەرگىلىكتى بيۋدجەتتەن باعدارشامعا قاراجات ٴبولىنىپ، بۇل جايىندا جۇمىستار جاسالىناتىنىن ايتتى. سول سياقتى جاڭا جىلدىڭ كەلۋىمەن اۋدانىمىزدا ەلەكتر جۇيەسى قىمباتتادى. بۇل جايلى دا تۇرعىندار سۇراقتار قويدى. اتالعان ماسەلەنىڭ سوتتا قارالىپ جاتقاندىعىن ايتىپ، الداعى ۋاقىتتا شەشىمىنى تاباتىندىعىنا ۋادە ەتتى. جينالعان قالا تۇرعىندارىنىڭ سۇراقتارىنىڭ ٴبارى باقىلاۋدا بولاتىندىعىن ەسكەرتتى. قالا باسشىسى جۇكتەلگەن جۇمىستاردى جاۋاپكەرشىلىكپەن قابىلداپ، بار كۇشىن ايامايتىندىعىن، «جۇمىلا كوتەرگەن جۇك جەڭىل» دەمەكشى حالىقپەن بىرىگىپ جۇمىس جاسايتىنىن باسا ايتتى.


گۇلنۇر وڭالىسقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي