BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىستىڭ مۇراگەرلەرى ديۆيزيا تۋىن قابىلدادى

قازاقستاندىق ديۆيزيا سوعىستىڭ بارىسىن وزگەرتكەن ستالينگراد ٴۇشىن بولعان كەسكىلەسكەن شايقاستا ەرلىك كورسەتتى. كەيىن وسىنىڭ نەگىزىندە ٴ72شى گۆارديالىق اتقىشتار ديۆيزياسى جاساقتالدى. بۇل اسكەري بولىمشە جەڭىستى چەحوسلاۆاكيا جەرىندە قارسى العان ەدى. وسى داڭقتى تۋدىڭ استىندا ديۆيزيا جاۋىنگەرلەرلى ٴۇش مىڭ شاقىرىم جول ٴجۇرىپ ٴوتىپ، 721 ەلدى مەكەندى، 13 ٴىرى قالانى فاشيست باسقىنشىلارىنان بوساتتى. ۇلى وتان سوعىسى جىلدارىندا ديۆيزيانىڭ 18 مىڭنان اسا وفيسەرى مەن ساربازى ٴتۇرلى وردەندەرمەن، مەدالدارمەن ماراپاتتالدى، سونىڭ ىشىندە 31 ادام كەڭەس وداعىنىڭ باتىرى دەگەن ەڭ جوعارى اتاققا يە بولدى. بۇل تۋدىڭ جاڭا، جارقىن تاريحى باستالدى. ول قازاقستاندىق گۆارديالىق گارنيزوندارعا ساپارعا شىقتى. جاۋىنگەرلىك تۋدىڭ بۇل ساپارى 3 اقپان كۇنى استانا قالاسىن داعى ۇلتتىق ۇلاننىڭ 5577 جەدەل باعىتتاعى بريگاداسىندا باس تالدى. العاشقى ايالداعان جەرى قاراعاندى، بۇل دا تەگىن ەمەس، ويتكەنى ديۆيزيانىڭ مايدانعا ساپارى ٴدال وسى قالادا باستالعان بولاتىن. جاۋىنگەرلىك تۋ 7 اقپان كۇنى قالامىزداعى №5516 اسكەري بولىمىندە سالتاناتتى تۇردە قابىل الىندى. بۇل ساتتە وعان تەك اسكەري قىزمەتشىلەر عانا ەمەس، قالا مەكتەپتەرىنىڭ كادەت سىنىپتارىنىڭ وقۋشىلارى دا قاتىستى. ويتكەنى اكسيانىڭ باستى ماقساتى جاستاردى وتانسۇيگىشتىككە تاربيەلەۋ. بۇل اسكەري بولىمشەدە تۋ تۋرا ٴبىر تاۋلىك تۇرادى، ودان كەيىن ستەپنوگورسك قالاسىنداعى 3517 اسكەري بولىمىنە قاراي ساپار شەگەدى. جالپى بۇل قۇندى جادىگەر 92 كۇن بويى 10 مىڭ شاقىرىم جەردى ٴجۇرىپ ٴوتىپ، ەلىمىزدىڭ 25 قالاسىندا بولادى. ٴار ساپاردا بۇل قۇندى جادىگەر كومانديرلەردىڭ بىربىرىنە قولماقول تاپسىرۋى ارقىلى سالتاناتتى تۇردە بەرىلىپ وتىرادى. ۇلى جەڭىستىڭ 70 جىلدىعى قارساڭىندا تۋ استاناعا ورالادى، ال 9 مامىر كۇنى ەلورداداعى اسكەري شەرۋدە ونى ۇلتتىق ۇلاننىڭ جاۋىنگەرلەرى الىپ جۇرەتىن بولادى. ەرلىك تە، ەرلىكتىڭ ەرەكشە بەلگىلەرى دە ۇمىتىلمايدى.

 

ٴوز تىلشىمىزدەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي