BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاتۋلىق - باستى تۋىمىز!

 «ٴبىز 2015 جىلدى قازاقستان حالقى اسسامبلەياسى جىلى دەپ جاريالادىق. ەلدىڭ تۇتاستىعى مەن بىرلىگى، تاتۋلىعى مەن تىنىشتىعى ەڭ باستى نازاردا».

(قازاقستان رەسپۋبليكاسىنىڭ پرەزيدەنتى ن.ٴا.نازاربايەۆتىڭ 2014 جىلدىڭ 11 قاراشاسىنداعى «نۇرلى جول – بولاشاققا باستار جول» اتتى جولداۋىنان).

ەلباسىمىزدىڭ ۇستىمىزدەگى جىلدى قازاقستان حالقى اسسامبلەياسىنىڭ جىلى دەپ جاريالاۋى تەگىننەن- تەگىن ەمەس. وسىدان 20 جىل بۇرىن، ياعني 1995 جىلى 16 اقپاندا پرەزيدەنت ن.ٴا.نازاربايەۆ ەلىمىزدەگى ۇلتتىق مادەني ورتالىقتاردىڭ جەتەكشىلەرىمەن كەزدەسۋ وتكىزىپ، رەسپۋبليكاداعى ۇلتارالىق كەلىسىمدى ساقتاۋ جانە ونى ودان ٴارى نىعايتۋ ٴۇشىن رەسپۋبليكادا جاڭا قوعامدىق ينستيتۋت – پرەزيدەنت جانىنداعى كونسۋلتاتيۆتى- كەڭەسشى ورگان رەتىندە قازاقستان حالقىن ورتاق مۇددەگە بىرىكتىرەتىن اسسامبلەيا قۇرۋ قاجەتتىلىگى تۋىنداپ وتىرعاندىعىنا نازار اۋداردى. اسامبلەيانىڭ باستى ماقساتى: قازاقستانداعى بارلىق ەتنوستاردىڭ رۋحاني تۇرعىدا قايتا جانعىرۋى مەن دامۋىن قامتاماسىز ەتۋ، ۇلتارالىق قاتىناس مادەنيەتىن قالىپتاستىرۋ بولاتىندىعى ايقىندالدى. مىنە، سودان بەرى اسسامبلەيانىڭ بەلسەندى قىزمەتىنىڭ ناتيجەسىندە قازاقستانداعى ەتنوستاردىڭ مادەني ٴومىرى جاندانا باستادى. اقپاننىڭ 6-ى كۇنى قازاقستان حالقى اسسامبلەياسىنىڭ 20 جىلدىعىنا وراي ەلىمىزدەگى ىنتىماق پەن بىرلىكتىڭ التىن بەسىگى بولعان قازاقستان حالقى اسسامبلەياسىنىڭ جىلى رەسمي استانادان باستاپ، رەسپۋبليكانىڭ بارلىق وڭىرلەرىندە سالتاناتتى تۇردە اشىلدى.

اۋدانىمىزداعى اتاۋلى جىل سالتاناتى قازاقستان حالقى اسسامبلەياسى جىلىنىڭ تۋىن جەلبىرەتكەن اۆتوشەرۋمەن باستاۋ الدى. قاز-قاتار تىزىلگەن اۆتوشەرۋ اۋدان ورتالىعىنىڭ كوشەلەرىن ارالاپ، ورتالىق الاڭداعى «ماڭگىلىك ەل» ساياباعىنا كەلىپ جەتتى. سودان كەيىنگى ٴىس-شارا ساياباقتاعى «بەيبىتشىلىك جانە كەلىسىم سارايى» ماكەتى الدىندا قازاقستان حالقى اسسامبلەياسى جىلىنىڭ تۋىن كوتەرۋ راسىمىنە جالعاستى. «ماڭگىلىك ەل» ساياباعى ارقىلى قازاقستان حالقى اسسامبلەياسى جىلىنىڭ تۋىن اۋدانىمىزعا تانىمال سپورتشىلار – جەڭىل اتلەتيكادان قازاقستاننىڭ 17 دۇركىن چەمپيونى الماز بەيسەنوۆ، جاسوسپىرىمدەر اراسىنداعى ازيا ويىندارىنىڭ چەمپيونى ماكسيم يسايەۆ، وقۋ ۇزدىگى، №2 ساۋمالكول مگ-نىڭ وقۋشىسى الەكساندر كلەسكو جانە وقۋ ۇزدىگى، رەسپۋبليكالىق بايقاۋلاردىڭ جەڭىمپازى، ساۋمالكول قازاق ٴوم-نىڭ وقۋشىسى زارينا قايىرلىلار الىپ ٴوتىپ، «بەيبىتشىلىك پەن كەلىسىم سارايى» ماكەتىنىڭ جانىنا ورنالاستى. سالتاناتتى شارادا ٴسوز العان اۋدان اكىمى، «نۇر وتان» پارتياسى ايىرتاۋ اۋداندىق فيليالىنىڭ ٴتوراعاسى اعزام تاستەمىروۆ: «مەملەكەتىمىزدىڭ نەگىزىن قالاپ وتىرعان ازاماتتىق كەلىسىم، ساياسي تۇراقتىلىق، الەۋمەتتىك-ەكونوميكالىق دامۋ – تاۋەلسىزدىك جىلدارى ىشىندە ٴبىزدىڭ بۇگىنگى قول جەتكەن وراسان زور تابىسىمىز. قازاقستان قوعامىندا ەتنوس جانە كونفەسسياارالىق كەلىسىمنىڭ بىرەگەي مودەلىن نىعايتۋ ٴۇشىن مەملەكەت تاراپىنان بارلىق جاعدايلار جاسالۋدا. ۇلت كوشباسشىسى ن.ٴا.نازاربايەۆتىڭ ايتۋىنشا تاتۋ ەلدە تىنىشتىق ورنايدى، بەيبىت ەلدە عانا بەرەكە بولادى. ەلباسى ٴوزىنىڭ «نۇرلى جول – بولاشاققا باستار جول» اتتى جولداۋىندا ەل بىرلىگىن ٴبىزدىڭ بارشا تابىستارىمىزدىڭ كىلتى دەپ اتاپ، بۇل قوعامدىق قۇندىلىقتى ەڭ باستى نازارعا الىپ، بارشامىزعا قورعاۋدى تاپسىردى. 2015 جىل ەلىمىزدە قازاقستان حالقى اسسامبلەياسىنىڭ جىلى رەتىندە جاريالانىپ وتىر. بۇل جىل – جەرى مەن ەلى ٴبىر، ارمانى مەن تىلەگى ٴبىر – قازاقستان حالقىنىڭ اۋىزبىرشىلىگىن ارتتىرا تۇسەتىن جىل بولاتىنىنا كۇمانىم جوق» - دەي كەلە، قازاقستان حالقى اسسامبلەياسى جىلىنىڭ باستالۋىمەن قۇتتىقتاپ، ەلىمىزدەگى بار ىنتىماق-بىرلىگىمىزدى جويماي، ىرىس- بەرەكەنى نىعايتۋ جولىندا جۇمىلا جۇمىس جاساۋعا شاقىردى. كوپشىلىك الدىندا ايىرتاۋلىقتاردى قۇتتىقتاعان وبلىستىق ٴماسليحاتتىڭ دەپۋتاتى، كونستانتينوۆكا ورتا مەكتەبىنىڭ ديرەكتورى ۆاسيليي مانتاريدي جانە «ۆيدەرگەبۋرت» نەمىس ۇلتتىق-مادەني ورتالىعىنىڭ باسشىسى ۆالەنتينا تيتەنبەرگتەر قازاقستان حالقى اسساملەياسىنىڭ قۇندىلىقتارىنا توقتالا كەلە، بارشا جەرلەستەرىمىزگە بەيبىتشىلىك، وتباستارىنا اماندىق تىلەدى. قازاقستان حالقى اسسامبلەياسى جىلىنىڭ تۋىن ەڭبەك ارداگەرى، «قازاق ٴتىلى» قوعامىنىڭ وكىلى ايتماعانبەت داۋىلبايەۆ، «ۆايناح» شەشەن-ينگۋش ۇلتتىق-مادەني ورتالىعىنىڭ باسشىسى ابداراحمان وزدوەۆ، «سيۋيۋمبيكە» تاتار ۇلتتىق-مادەني ورتالىعىنىڭ وكىلى رايسا اشيروۆا جانە «چەرۆونا رۋتا» ۋكراين ۇلتتىق-مادەني ورتالىعىنىڭ باسشىسى يرينا ياكيمەنكولار كوتەرىپ، اسپانعا جەلبىرەتتى. قازاقستان حالقى اسسامبلەياسى جىلىنىڭ تۋى جەلبىرەسىمەن سالتاناتتى شارا اقان سەرى اتىنداعى اۋداندىق مادەنيەت ۇيىندە جالعاستى. سونداي-اق، مادەنيەت ٴۇيىنىڭ ەكىنشى قاباتىندا اۋداننىڭ ەتنومادەني بىرلەستىكتەردىڭ جانە اۋدان ورتالىعىنداعى مەكتەپ ۇجىمدارى شەبەرلەرىنىڭ قولىنان شىققان قولدانبالى ونەر بۇيىمدارىنىڭ كورمەسى دە ۇيىمداستىرىلدى. جۇرگىزۋشىلەردىڭ كىرىسپە سوزىمەن اشىلعان سالتاناتتى جيىن اۋدانىمىزداعى اۋىلدىق وكرۋگتەردە بەيبىتشىلىكتە تۇرىپ جاتقان ٴتۇرلى ۇلت وكىلدەرى ساحنا تورىنە كوتەرىلىپ، مەرەكەنىڭ شىرايىن اشا ٴتۇستى. سالتاناتتى جيىندا ايىرتاۋلىقتاردى قۇتتىقتاعان اۋدان باسشىسى اعزام احمەتجان ۇلى: «كوپۇلتتى قازاقستان حالقى ٴۇشىن دوستاستىق پەن بىرلىكتىڭ ايعاعى – قازاقستان حالقى اسسامبلەياسى جىلىنىڭ سالتاناتتى باستالۋىمەن شىن جۇرەكتەن قۇتتىقتايمىن! قازاقستان حالقى اسسامبلەياسى 20 جىل بويى ەلىمىزدىڭ قازىرگى تاڭداعى ەڭ باستى جەتىستىگى – بەيبىتشىلىك پەن ۇلتارالىق ىنتىماقتاستىق كەپىلى، ۇلتتىق مۇددەلەردى قورعاۋ ينستيتۋتى بولىپ تانىلادى. قازىرگى تاڭدا اسسامبلەيا ٴاربىر ۇلتقا سالت-داستۇرلەرىن، مادەنيەتى مەن ادەبيەتىن دامىتۋعا، ٴتىلىنىڭ جەتىلۋىنە قامقورلىق كورسەتۋدە. ٴوزارا تۇسىنىستىك، ۇستامدىلىق، ٴار ٴتۇرلى ۇلت وكىلدەرىنىڭ رۋحاني جانە مادەني قۇندىلىقتارىنا قۇرمەتپەن قاراۋ بارلىق ەتنوستارعا ورتاق جالپىحالىقتىق قاسيەتتەردى قالىپتاستىرۋعا اسەر ەتتى. اسسامبلەيانىڭ قىزمەتى اياسىندا قازاقستانداعى بارلىق ەتنوستىق توپ- تار ٴۇشىن قۇرىلىپ جاتقان ٴبىلىم بەرۋ جانە تىلدىك ورتا، اقپاراتتىق-مادەني نىسانداردىڭ بولۋى، نىعايىپ جاتقان حالىقارالىق بايلانىستار قازاقستان مەن ونىڭ بارشا حالقىنىڭ مادەني دامۋىنىڭ ورتاق ىسىنە ٴوز ۇلەستەرىن قوسادى. بۇعان قازاقستان حالىقتارىنىڭ ۇلتتىق مادەنيەتتەرىنىڭ باي جانە جارقىن پاليتراسىنىڭ ۇلگىسىنە قاراپ كوز جەتكىزۋگە بولادى. ٴبىزدىڭ اۋدانىمىزدا 48 ٴتۇرلى ۇلت وكىلدەرى تۇرادى. سونىمەن قاتار 7 ۇلتتىق-مادەني ورتالىقتار مەن بىرلەستىكتەر قىزمەت ەتۋدە. ورتالىقتار مەن بىرلەستىك وكىلدەرى اۋدانىمىزدا جانە وبلىستا وتەتىن ٴتۇرلى شارالارعا بەلسەندى قاتىناسۋدا. «بىرلىگە مىقتى ەلدىڭ – بولاشاعى دا زور» - ٴومىردىڭ اقيقاتى وسىنداي. ەندەشە الاڭسىز ەڭبەك ەتىپ، تۇراقتىلىق پەن دوستىققا بەرىك بولۋىمىز كەرەك. بارشاڭىزدىڭ وتباستارىڭىزعا يگىلىك، تاتۋلىق پەن جاقسىلىق تىلەيمىن، ورتاق ٴۇيىمىز – قازاقستاننىڭ شاڭىراعى شايقالماي، ەگەمەندى ەلىمىزدە بەيبىتشىلىك پەن دوستاستىق، ىنتىماق پەن بىرلىك ورىن الا بەرسىن» - دەي كەلە، «قازاقستان حالقى اسسامبلەياسى – 20 ىزگى ٴىس» اتتى ەستافەتاسىن ۆولودار اۋىلدىق وكرۋگىنىڭ اكىمى ەرلان ٴسادۋاقاسوۆقا تابىس ەتتى. سالتاناتتى ٴراسىم بارىسىندا «قازاقستان حالقى اسسامبلەياسى – 20 ىزگى ٴىس» اتتى شاڭىراق ەستافەتاسىنىڭ ۆولودار اۋىلدىق وكرۋگى اكىمىنە تابىس ەتىلۋىندە دە ۇلكەن سيمۆولدىق ٴمان جاتىر. سول ەستافەتا اۋدانىمىزدىڭ بارلىق اۋىلدىق وكرۋگتەرىن ارالاپ، اسسامبلەيانىڭ ٴححىى سەسسياسىنىڭ اشىلۋى قارساڭىندا ىزگى ىستەرگە «تولتىرى- لىپ»، ساۋمالكولگە قايتا ورالادى. دەمەك، بيىلعى جىل قازاقستاندىقتاردى ىنتىماقپەن ورىلگەن جارقىن جەتىستىكتەرگە باستايدى دەۋگە تولىق نەگىز بار. شارا بارىسىندا اۋداننىڭ ٴتۇرلى مادەني ورتالىقتارىنىڭ باسشىلارىمەن تىلدەسكەندە: «بيىلعى جىلدىڭ ٴجونى بولەك. ٴبىر عانا سوعىس تاريحىن الاتىن بولساق، اۋدانىمىزدان قان مايدانعا 9 مىڭنان استام مايدانگەر اتتانعان ەكەن. ٴقازىر ارامىزدا سولاردىڭ 10-ى عانا قالدى. ەندىگى جەردە بار قۇرمەت مايدانگەرلەرگە ارنالۋى كەرەك» دەگەن «ۆايناح» شەشەن-ينگۋش ۇلتتىق-مادەني ورتالىعىنىڭ باسشىسى ابداراحمان وزدوەۆ قازاقستان حالقى اسسامبلەياسى جالپىحالىقتىق وكىلەتتىلىكتىڭ ينستيتۋتىنا، ازاماتتىق قوعامنىڭ اۆانگاردىنا اينالعاندىعىن اتاپ ٴوتتى. «سيۋيۋمبيكە» تاتار ۇلتتىق-مادەني ورتالىعىنىڭ وكىلى رايسا اشيروۆا: «ەڭ باستىسى، ٴبىز اشىق اسپاننىڭ استىندا ٴومىر ٴسۇرىپ جاتىرمىز. تاتۋلىق بولعان جەردە بالالارىمىز دا باقىتتى عۇمىر كەشەدى. دۇنيەدە ٴسابيدىڭ بەيكۇنا كۇلكىسىنەن اسقان باقىت تا جوق شىعار. سوندىقتان دا، ٴبىز ەلباسى نۇرسۇلتان نازاربايەۆتىڭ دانا ساياساتىن قاشاندا قولداۋىمىز كەرەك» دەدى. «ۆيدەرگەبۋرت» نەمىس ۇلتتىق- مادەني ورتالىعىنىڭ باسشىسى ۆالەنتينا تيتەنبەرگ قازاق جەرىن ٴوزىنىڭ قاسيەتتى وتانى دەپ سانايتىنىن ايتتى. «قازاقستاندا دۇنيەگە كەلىپ، وسى ەلدە تۇرىپ جاتىرمىن. وسى ۋاقىت ىشىندە قازاقتىڭ باي ٴسالت-داستۇرىن بويىمىزعا سىڭىردىك. ەلىمىز كوپۇلتتى مەملەكەت قوي. ٴبىراق، ٴبىز قازاق جەرىن مەكەن ەتەتىندىكتەن، وسى ۇلتتىڭ ماڭىنا توپتاسۋىمىز كەرەك» - دەگەن ويىمەن ٴبولىستى. اتاپ وتەرلىگى، ٴبىز تىلدەسكەن ۇلت وكىلدەرىنىڭ قاي-قايسىسى دا «تاۋەلسىزدىگىمىزدى تۇعىرلى ەتۋ ٴۇشىن دە، بىزگە بىرلىگىمىزدەن اجىراماۋ ماڭىزدى» دەيدى ولار. سالتاناتتى شارا اۋداننىڭ كوركەم- ونەرپازدار ۇجىمىنىڭ مەرەكەلىك كونسەرتىمەن جالعاستى.

 

باعلان قوجاقوۆ. سۋرەتتەردى تۇسىرگەن باعلان كەنجەباي ۇلى، يرينا بۋركوۆسكايا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي