BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴماۋلىت ايى مۇباراك بولسىن!

 ەلىمىزدە جاقسى داستۇرگە اينالعان، بارشا مۇسىلمان قاۋىمى جوعارعى دەڭگەيدە اتاپ وتەتىن مەيرام – ٴماۋلىت ايى. ٴار مەشىتتەردە سالاۋاتتار ايتىلىپ، جاماعاتقا ۇلى تۇلعانىڭ، ادامزاتتىڭ اسىلى بۇكىل پايعامبارلاردىڭ سۇلتانى مۇحاممەدتىڭ (س.ع.س.) ۇلگىلى ٴومىر بايانى، حاديس ٴسۇنناتتارى ايتىلۋدا. ونىمەن قاتار جۇرەگىندە يمانى تولى جومارت، مەيىرىمدى پەندەلەر ٴماۋلىت ايىندا راحىمدىلىق تانىتىپ، ساۋاب ىستەرگە ۇمتىلىپ، قايىرىمدىلىق امالدارىن ىسكە اسىرۋدا. قۇران كارىمدە: «ٴبىز سەنى كۇللى عالام ٴۇشىن راحىم ەتىپ قانا جىبەردىك» دەلىنگەن. وندا پايعامبارىمىزدىڭ كوركەم مىنەزى وتە تەرەڭ باياندالعان، ٴبىر اياتتا بىلاي جازىلعان: «راسىندا سەندەر ٴۇشىن، اللانى دا احيرەت كۇنىن دە ٴۇمىت ەتكەندەر جانە اللانىڭ ەلشىسىندە كوركەم ونەگەلەر بار». مىنە، قۇرمەتتى مۇسىلمان باۋىرلار! الەمگە ٴوز مەيىرىمىن پاش ەتىپ جىبەرىلگەن كوركەم مىنەزگە تولى ارداقتى پايعامبارىمىزدى وزىمىزگە ۇلگى-ونەگە تۇتىپ، نابيگە دەگەن سالاۋاتتار ايتىپ، جاقسىلىقتار جاساۋىمىز كەرەك. سالاۋ- اتتى ٴماۋلىت ايىندا عانا ەمەس كۇندەلىكتى ٴار دايىم ايتىپ وتىرعانىمىز وتە ساۋاپ ٴىس بولىپ سانالادى. اۋدانىمىزدىڭ ورتالىق مەشىتىندە دە ٴار جۇما نامازىندا جاماعاتپەن ناماز الدىندا جانە نامازدان كەيىن سالاۋاتتار ايتىلىپ، پايعامبارىمىزعا (س.ع.س.) اللاھتان يگىلىك تىلەۋدەمىز. ارداقتى ەلشى مۇحاممەد (س.ع.س.) حاديستەرىن وقىپ، ٴسۇنناتتارىن ۇيرەتۋدەمىز جاماعاتپەن. اقيقاتىندا ادامزاتتىڭ اسىلى، اللاھ تاعالانىڭ ەڭ سۇيىكتى پايعامبارى مۇحاممەدتى (س.ع.س.) تانىپ، ٴبىلۋ ٴۇشىن بىر-ەكى پاراق قاعازداعى مالىمەت جەتكىلىكسىز، پايعامباردى تانىپ، بارىنەن دە ارداقتاپ، ماحاببات سەزىمىن جۇرەككە ورنىقتىرۋ ٴۇشىن سول ٴازىز ٴنابيدىڭ ايتقان حاديس، ٴسۇنناتتارىن ورىنداۋىمىز قاجەت. قۇران كارىمدە: «پايعامباردىڭ سەندەرگە بەرگەن نارسەسىن الىڭدار دا، سەندەرگە تىيىم سالعان نارسەدەن بەت بۇرىڭدار، جانە اللادان قورقىڭدار. البەتتە، اللانىڭ جازاسى اسا قاتتى.» بارشامىزعا ٴماۋلىت ايى بەرەكەلى بولىپ، يگى امالدارىمىز قابىل بولسىن. ٴار جانۇياعا يمان، قۇت بەرەكە، بىرلىك اكەلسىن. پايعامبارىمىزدى ٴاردايىم ارداقتاپ، ٴار وتباسىندا ٴماۋلىت وقىلىپ، ساۋابقا بولەنەيىك، قۇرمەتتى جاماعات!

 

بولات تۇرعان، جاقسى اۋداندىق «ٴۋالي» مەشىتىنىڭ يمامى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي