ۇستازدىق ەتۋ - ۇلى جول

«ۇستاز....جاراتىلىسىنان وزىنە ايتىلعانىن ٴبارىن تۇسىنگەن، كورگەن، ەستىگەن جانە اڭعارعان نارسەلەردىڭ ٴبارىن جادىندا جاقسى ساقتايتىن، العىر دا اڭعارىمپاز اقىل يەسى.... مەيلىنشە شەشەن، ونەر-بىلىمگە قۇشتار، اسا قاناعاتشىل، جانى اسقاق جانە ار- نامىسىن ارداقتايتىن، جاقىندارىنا دا جات ادامدارىنا ٴادىل. جۇرتتىڭ بارىنە جاقسىلىق پەن ىزگىلىك كورسەتىپ، قورقىنىش پەن جاسقانۋ دەگەندى بىلمەيتىن باتىل، ەرجۇرەك بولۋ كەرەك ەدى»، -دەيدى ٴال فارابي. دانانىڭ دارا ٴسوزى تەگىن ايتىلماعان. ۇستاز جولى – اۋىر جول. وسى ٴبىر ۇلاعاتتى ٴسوزدى ۇستازداردىڭ قايسىسىنا بولساق تا ارتىق ەمەس، دەگەنمەن بۇل ٴسوزدى ەڭبەگىنە قاراي قۇرمەت، ونەگەسىنە قاراي سىي – ىزەت كورىپ جۇرگەن ۇستازداردىڭ ٴبىرى شۇكىرلىك نەگىزگى مەكتەبىنىڭ ورىس ٴتىلى جانە تەح- نولوگيا ٴپانىنىڭ ٴمۇعالىمى قاسىموۆا انارگۇل ەرمەكقىزىنىڭ بولمىسىنا ساي كەلەتىن سياقتى. انارگۇل ٴمۇعالىم 1996 جىلدان باستاپ اۋىلىمىزدا جازعى لاگەر تالەمگەرى بولىپ، ودان كەيىن 2001 جىلى مەكتەبىمىزدە تەح- نولوگيا ٴپانىنىڭ ٴمۇعالىمى قىزمەتىنەن باستادى. بۇل جۇمىسىندا قولىنىڭ قانشالىق شەبەر جانە ونەرلى ەكەنىڭ جانە ٴبىزدىڭ اتا – بابامىزدان كەلە جاتقان ونەردىڭ ٴبارىن دارىپتەپ، بىزگە تەك ٴبىلىم ەمەس، ۇلتتىق تاربيەگە تاربيەلەدى دەپ ايتسام ارتتىق كەتپەسپىن. ايتا كەتسەك: توقىمانىڭ الۋان تۇرلەرى، پوپەماشە، گراۆيۋرا، تاماقتىڭ تۇرلەرى ت.ب. قازىرگى تاڭدا دا وسىنىڭ ٴالى كۇنگە دەيىن شاكىرتتەرىنە ۇيرەتۋدەن جالىقپاي ەڭبەك ەتۋدە. ال 2004 جىلدان ورىس ٴتىلى پانىنەن ٴمۇعالىم بولىپ جۇمىسىن جالعاستىردى. «كىسىنىڭ شىرايىنا قاراما، رايىنا قارا» دەگەن اتا ٴسوزى بار. انارگۇل ۇستازىمىزدىڭ ونەگەسى بويىنا بىتكەن، وزىندىك مەيرىمدىلىگىمەن، قاراپايىمدىلىعىمەن ەرەكشەلەنەدى «ۇلكەن كىسى ٴيىلىپ تۇرسا، كىشى ٴۇيىرىلىپ تۇرادى» دەپ قازاق بەكەر ايتپاعان. ۇستاز مەرەيى ٴارقاشان بيىك. بۇگىندە ۇلاعاتتى ۇستازىمىزدىڭ ٴبىلىم سالاسىن- دا ەڭبەك ەتكەنىنەن جيىرما جىل جىل- داي ۋاقىت ٴوتتى، بۇل ىزدەنۋگە، ومىردە ٴوز ورنىن تابۋعا، جالىقپاي ۇيرەنۋگە جانە سول ٴبىلىمىن، رۋحاني بايلىعىن شاكىرت بويىنا سىڭىرۋگە ارنالعان جىلدار ەدى. جاس ۇرپاقتىڭ ٴبىلىمدى عانا ەمەس، ونەگەلى دە ونەرلى بولىپ وسۋىنە ۇلكەن ٴمان بەر- گەن ۇستاز. ناعىز كىسىلىك قاسيەتتەردىڭ بويىنا جيناقتالعان، شۋاعىن شاشىپ جۇرەتىن انارگۇل ەرمەكقىزى ەشقاشان جۇمىستان جالىقپاعان. ۇستازىمىزدىڭ الدىنا بارساڭ، اقىلىن ايامايدى، ۇيرەتۋدەن جالىقپايدى. كوپ قۇرمەتتىسى «ۇستازدىق ەتۋ - ۇلى جول» ەكەنىن دالەلدەپ كەلەدى. «ادامنىڭ ادامشىلىعى - اتا-انا مەن ۇستازداردان باستالادى»، - دەگەن ەكەن ۇلى اباي اتامىز. سوندىقتان ادامنىڭ بار قۋانىشى ٴومىر بويى ەڭبەك ەتۋى. انارگۇل ۇستازىمىزعا تىلەيتىنىم وتباسىڭىزدان باق-بەرەكە كەتپەسىن، ۇستازدىق ەڭبەگىڭىزدە تەك قانا بيىكتەن كورىنە بەرىڭىز- دەي وتىرا، ٴوزىم دە ٴسىزدىڭ جولىڭىزدى قۋىپ ج.مۋسين اتىنداعى پەداگوگيكالىق كوللەدجىن اياقتاپ، ۇزتازدىق جولعا اياق باسسام دەيمىن.

ايجانات جانبولاتوۆا، شاكىرتى، ج.مۋسين اتىنداعى پەداگوگيكالىق كوللەدجىنىڭ ستۋدەنتى 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!