BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

əكە كورگەن وق جونار

مەنىڭ بۇگىنگى كەيىپكەرىم - اتاقتى اقان سەرىنىڭ اۋىلى كەڭاششىنىڭ تۋماسى، بۇگىندە ايىرتاۋ اۋدانىنىڭ ورتالىعى ساۋمالكولدە تۇراتىن كاسىپكەر ازامات قاپەز جامالي ۇلى اقمولدين. بالا كەزىمىز، اۋىلدا كورشىمىز قۇرماش اعاي مەن ماريا جەڭگەيدىڭ ۇيىندە ٴبىر قوناق بالا ويناپ ٴجۇردى. بۇل كىم دەپ سۇراساق، ۇلكەندەر: ول ابدراحمەتتىڭ جامالي اسىراپ العان بالاسى قاپەز عوي دەگەنى. ولار تۋعان بالاسى – باۋىر ەتىن نەگە باسقاعا بەرەدى ەكەن دەپ ەرجەتكەن سوڭ كەيىن ٴتۇسىندىم. بۇل دا اتا-بابامىزدىڭ اعايىن اراسىن جاقىنداستىرۋ ٴۇشىن جاساعان ادامگەرشىلىگى ەكەن عوي. جامالي اتايدا كىندىگىنەن شىققان بالا بولماعان سوڭ، ابەكەڭ جەزدەمىز ٴۇشىنشى ۇلىن اعاسىنا بەرگەن عوي. ۇلكەنى تولەگەن مارقۇم، يماندى بولسىن. ەكىنشى ۇلى قادەس، ٴقازىر زەينەتكەر. قاتارىنان تۋعان ۇش ۇلعا كوز تيەدى دەۋى دە مۇمكىن. اللا جارىلقاپ، كوپ ۇزاماي جەزدەمىزدىڭ كوپەيى امانگەلدى دۇنيەگە كەلدى. اپايىمىز ٴمارمار ەلگە سىيلى، ٴدىندار ادام بولدى. اعاجان دەپ اتاۋشى ەدىك. سول قاپەزىمىز ەكى اتانىڭ اماناتىن ارقالاپ ٴوستى. جامالي اتاي قاپەزدى تاربيەلەپ ٴوسىردى، وقىتتى، ۇيلەندىرىپ نەمەرە ٴسۇيدى. تەڭ قۇربىسىنىڭ الدى بولدى. جامالي اتاي تۋرالى ەلىمىزگە بەلگىلى قارت جۋرناليست، جەرلەسىمىز سارباس اقتايەۆ اعاي ٴوزىنىڭ «انا ٴتىلى» گازەتىنە بەرگەن سۇحباتىندا: ٴ-بىزدىڭ اۋىلدىڭ قاسىنان ەكى جا- رىم شاقىرىم جەردە كوكشەتاۋدان قوستانايعا قاتىنايتىن قاسقا جول وتەدى. ول كەزدە كوبىنە ات كولىكپەن عانا جۇرەدى. كەيدە وگىز جەگىپ تە قاتىنايدى. جولاۋشىلاردىڭ دەنى ٴبىزدىڭ اۋىلعا سوقپاي كەتپەيتىن. اۋىلعا كەلگەندەردىڭ ٴبىرازى، ٴبىزدىڭ ۇيگە تۇسەتىن. شاي ۇستىندە اڭگىمە-دۇكەن قۇرادى. ەل، جەر تانۋعا سول اڭگىمەلەردىڭ دە اسەرى بولدى. ٴالى ەسىمدە، جامالي دەگەن كەڭاششى اۋىلىنىڭ قازاعى شەبەر ەتىكشى ەدى. سول سوعىسقا ٴبىر اياعىن بەرىپ كەلدى. جولدا ٴبىزدىڭ ۇيگە سوعىپ قونعانى بار. سوندا ايتادى «بۇل قۇدايدىڭ تىلەۋىمدى بەرگەنى شىعار. ەتىكشى اداممىن، قولىمنان ايىرىلعاندا نە بولاتىن ەدى؟ ون ەكى مۇشەسىنىڭ بىرەۋىنەن ايىرىلىپ وتىرىپ، سونىڭ وزىنە شۇكىرشىلىك ەتەدى جارىقتىق. وسى ۇلكەندەردىڭ ونەگەلى سوزدەرى، ٴومىر جولدارى زەردەمدە جاستايىمنان شەگەلەنىپ قالدى»، - دەپ جازادى. مىنە، مەنىڭ قاپەز جامالي ۇلى باۋىرىم، جان جارى كۇلپاش حامزاقىزى ەكەۋى، اتا ۇلاعاتىن، ونەگەسىن كورىپ قاناعاتتانادى. ەكەۋى دە كوكشەتاۋ پەداگوگيقالىق ينستيتۋتىن ٴبىتىرىپ فيزيكا-ماتەماتيكا پاندەرىنەن ٴدارىس بەردى. قاپەز ۇزاق ۋاقىت ساۋمالكولدە ون جىلدىق مەكتەپتىڭ ديرەكتورى بولىپ جەمىستى ەڭبەك ەتتى. اكە كورگەن وق جونادى دەگەن عوي. ەڭبەك دەمالىسى- نا شىققان سوڭ زامان تالابىنا ساي كاسىپكەرلىكپەن اينالىستى. اۋدانىمىزدا پيماكات اشىپ، تۋعان اناسىنىڭ اتىندا «ٴمارمار» اتتى ازىق-تۇلىك دۇكەنىن، ما- شينا جوندەۋ ورتالىعىن حالىق يگىلىگىنە اينالدىردى. سول ارقىلى قانشاما ادامدى ەڭبەكپەن قامتىدى. قولدارى اشىق، جۇمىسشىلارى جالاقىسىن ۋاقىتىمەن الىپ تۇرادى. پيمالارى ۇلكەن سۇرانىسقا يە. شالعايداعى اۋىل- داردان كەلىپ، قاپەزدىڭ دۇكەنىن ىزدەگەن اعايىندار كەرەگىن الىپ، ريزاشىلىعىن ٴبىلدىرىپ جۇرەدى. پيما باسۋ ايتۋعا عانا وڭاي، كوپ قيىندىق ىزدەنىسپەن عانا ورگە باساتىن جۇمىس. قاپەز باۋىرىما، جيەنىمە ريزامىن. بارلىق جەتى قىردان اسقان اتا-اجەلەرگە ۇلگى كورسەتىپ، يماندىلىق جولىنا بەت بۇرىپ، ناماز وقىپ ساجدەگە باسىن تيگىزۋدى ٴوزى ٴۇشىن وتەگەن پارىزى بولسا دا، ەرلىكپەن پارا-پار، جاسىراتىنى جوق، ارامىزدا «اقاڭدى» سىلتەپ، نە جاس نە كارى بولا الماي جۇرگەن اتا-اجەلەر بارشىلىق. ٴبىر جاراتۋشىنىڭ بارىنا سەنىپ، تاۋبەدەن جاڭىلماي، ادامدىقتان اداسپاي ٴجۇرۋ جونىندەگى اكەنىڭ ۇلگىسى، انانىڭ اياۋلى الاقانى، داۋلەتتىڭ ٴبىتۋى ادال ەڭبەككە تاۋەلدى بولاتىنىن ايتىپ، ونى ٴوزىنىڭ ناقتى ىسىمەن كورسەتىپ وتىرۋى قاپەز بەن كۇلپاشتىڭ بالالارىنا سارا جول كورسەتتى. ۇلدارى: بوتا، راسۋل، ۇلان كوكشەتاۋ قالاسىندا ٴارتۇرلى سالادا كاسىپكەر. راسۋل جۋىردا امەريكاعا 10 كۇندىك ٴىس ساپارمەن بارىپ كەلىپ، اكە-شەشەسىن قۋانتتى. ۇلى دانياردىڭ ۇيلەنۋى دە اۋلەتىمىزگە قۋانىش سىيلادى. جاستار باقىتتى بولسىن. ەركىن ساۋمالكولدە اياق-كيىم دۇكەنىن جانە كاۋاپقا كەرەك كومىر جاسايتىن «كومىر سەحىن» اشتى. ول دا جوعارى سۇرانىسقا يە. قاپەز بەن كۇلپاشتىڭ جالعىز قىزدارى الماگۇل جوعارى ٴبىلىمدى يۋريست. ساۋمالكولدە «اقتوقتى» كوناق ۇيىندە جەكەمەنشىك كەڭسەسى بار. «ەڭبەك ٴتۇبى - بەرەكە» - دەپ بەكەر ايتىلماعان. قاپەز بەن كۇلپاش جاڭا زامانعا ساي ۇل مەن قىز تاربيەلەي الدى. سەن دە ٴبىر كىرپىش دۇنيەگە، دەگەندەي ٴار قايسىسى ومىردەن ٴوز ورنىن تاۋىپ، حالىققا قىزمەت ەتىپ ٴجۇر. بەس-التى بالادان ون شاقتى نەمەرە ٴسۇيىپ، سولاردان شوبەرەنىڭ الدىن الديلەپ وتىرعان ابزال جاندار. اسىپ تاسىماي، ەڭبەكپەن ەسەيگەن قاپەز باۋىرىما جەتپىسىڭ جەلكەندى، ەڭبەگىڭ جەمىستى بولسىن دەمەكپىن. گازەت وقىرماندارىنا، جەرلەستەرىمە جاڭا جىل قۇت-بەرەكە جىلى بولسىن، ەڭبەكتەرىڭىز جەمىستى بولسىن دەپ تىلەك بىلدىرەمىن. ەلىمىز امان، ەڭسەمىز بيىك ٴبولسىنى

 

باقىت ٴابدىلمانوۆا، زەينەتكەر. ساۋمالكول اۋىلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي