BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋىل اكىمىمەن كەلىستى، ويلارىمەن ٴبولىستى

 بەلقاراعاي اۋىلدىق وكرۋگىنىڭ اۋىلشارۋاشىلىعى جەرلەرى كاتونقاراعاي ٴوڭىرىنىڭ كەيبىر اۋماقتارىنا قاراعاندا، مال مەن ەگىن شارۋاشىلىعىن جۇرگىزۋگە قولايلى. توپىراق قاباتىنىڭ قۇنارلىلىعى ٴوز الدىنا، مۇندا اۋىلشارۋاشىلىعى تەحنيكالارىن تولىعىمەن پايدالانۋعا بولاتىن ميداي جازىق ەگىستىكتەر مەن شابىندىقتار، مال جايىلىمدىقتارى دا مول. وسى مۇمكىنشىلىكتەردى ٴتيىمدى پايدالانا باستاعان وكرۋگتىڭ شارۋا قوجالىقتارى مەن جەكەمەنشىك يەلەرى جىلدان-جىلعا مال باسىن كوبەيتىپ، ولاردان الىناتىن ەت، ٴسۇت، قىمىز سياقتى ونىمدەردى وندىرۋدە دە جاقسى ناتيجەلەرگە قول جەتكىزىپ كەلەدى. وكرۋگتە، اسىرەسە، جىلقى شارۋاشىلىعى جاقسى دامۋ ۇستىندە. بۇعان ٴبىر عانا مىسال رەتىندە مىنا ٴبىر سيفرلاردى ايتا كەتسەك جەتىپ جاتىر. ەگەر 2013 جىلى جالپى وكرۋگ بويىنشا 18 شارۋا قوجالىعى بيە ساۋىپ، قىمىز وندىرگەن بولسا، وتكەن جىلى بۇل جۇمىسپەن 27 كاسىپكەرلەر زۆەنولارى اينالىسىپ، 260 توننا باعالى سۋسىن دايىنداپ ساتقان. بۇل اتاكاسىپتىڭ تيىمدىلىگىن باقىتبەك ۋاليەۆ، قامبار يسينوۆ، قاينار قاسىموۆ تاعى باسقا كاسىپكەرلەر ٴوز ىستەرىنەن كورىپ، وزگەلەرگە دە دالەلدەپ وتىر. ياعني، ولار وندىرگەن ونىمدەرىن قولما-قول اقشاعا ساتۋ ارقىلى تەك قانا وتباستارىنىڭ بيۋدجەتتەرىن تولتىرىپ قانا قويماي جاڭا تراكتورلار، ٴشوپ جيناعىشتار، اۆتوماشينالار الىپ، قوجالىقتارىنىڭ ماتەريالدىق- تەحنيكالىق بازالارىن جاڭارتۋدا. بەلقاراعاي اۋىلدىق وكرۋگىنىڭ اكىمى داۋرەن قاليبەكوۆ سوگىر اۋىلىنىڭ تۇرعىندارى الدىندا بەرگەن ەسەبىندە مىنە، وسى سياقتى وڭدى ىستەردى كوپشىلىككە باياندادى. سونىمەن بىرگە ول وكرۋگتە قۇرىلىس سالۋ جۇمىستارىنىڭ دا كوڭىلدەگىدەي جۇرگىزىلگەندىگىن اتاپ كورسەتتى. «سىباعا» جانە «دامۋ» باعدارلامالارى بويىنشا مەملەكەتتەن جەڭىلدەتىلگەن نەسيەلەر الۋدا دا بەلقاراعايلىقتاردىڭ اۋداندا الدىڭعى ورىنداردىڭ بىرىندە تۇرعاندىعىن تىلگە تيەك ەتتى. اۋىل اكىمىنىڭ ەسەبىنە تولىعىمەن قاناعاتتانعان سوگىرلىكتەر كولدەنەڭ سۇراقتار قويىپ، ۋاقىتتى بوسقا العان جوق. زەينەتكەر ٴبيباتيما قاساقايەۆا تاعى باسقالار باياندامادا كەلتىرىلگەن دايەكتەرمەن تولىعىمەن كەلىسە وتىرا، كوپ جىلدان بەرى وزدەرىن ما- زالاپ كەلگەن اۋىزسۋ ماسەلەسىنىڭ وتكەن جازدا وڭدى شەشىلگەندىگىنە ريزاشىلىقتارىن ايتىپ، اۋىلدىڭ دەموگرافيالىق جاعدايىنا الاڭداۋشىلىق ٴبىلدىردى. مۇنداي كۇردەلى ۋاقىتتا مەكتەپتىڭ ۇستالۋى جايىندا باسشىلاردىڭ ويىن بىلگىلەرى كەلەتىندىكتەرىن دە سابىرمەن جەتكىزدى. دەموگرافيا ٴبىر عانا سوگىر اۋىلىنىڭ با- سىندا تۇرعان ماسەلە ەمەس، الايدا، ونى شەشۋمەن ەڭ الدىمەن تۇرعىلىقتى حالىقتىڭ وزدەرى اينالىسۋ كەرەك ەكەندىگىن اركىم ايتقىزباي-اق ۇعىپ وتىردى. مەكتەپتىڭ بۇگىنى مەن ەرتەڭى توڭىرەگىندەگى سۇراققا اۋداندىق ٴبىلىم بەرۋ ٴبولىمىنىڭ باسشىسى لاۋرا توقسانوۆا تولىققاندى جاۋاپ بەردى. اۋىلدىق فەلدشەر رۋفا شاعالينوۆا كەلەشەكتە اۋىل كوشەلەرىن جارىقتاندىرۋ جالعاستىرىلسا، ۇيالى تەلەفون بايلانىسى ورناتىلسا دەگەن تىلەگىن ايتتى. بۇل سۇراقتار توڭىرەگىندە اۋداندىق ىشكى ساياسات ٴبولىمىنىڭ باسشىسى قايىرجان ٴسادۋوۆ اڭگىمەلەپ، ەلباسىمىز نۇرسۇلتان نازاربايەۆتىڭ بيۋدجەت قارجىسىن ۇنەمدەۋ ٴاربىر تيىندى ۇنەمدەپ جۇمساۋ جونىندە ۇكىمەتكە، وبلىس، اۋدان، اۋىل باسشىلارىنا قويىپ وتىرعان تالابىن ٴتۇسىندىرىپ، قازىرگى داعدارىس جاعدايىندا باردى قاناعات قىلىپ، ٴبىر جاعادان باس، ٴبىر جەڭنەن قول شىعارىپ ەڭبەك ەتىپ، كەزدەسكەن ەكونوميكالىق قيىندىقتاردى جەڭۋ قاجەتتىگىن وتىرعانداردىڭ ساناسىنا جەتكىزدى. اۋداندىق اۋماقتىق ينسپەكسيا باستىعى سەرىك قىرىقبايەۆ الەمدى جايلاعان داعدارىستان قينالماي شىعۋدىڭ ٴبىر تەتىگى - جاپپاي ەرىنبەي ەڭبەك ەتۋ، ٴوندىرىستىڭ تيىمدىلىگىن قامتاماسىز ەتۋدە قولدا بار مۇمكىنشىلىكتەر مەن رەزەرۆتەردى سارقا پايدالانۋ دەي تۇرا، وبلىس اكىمى دانيال احمەتوۆتىڭ اۋىلشارۋاشىلىعى ەڭبەككەرلەرىنە ٴسۇت ٴوندىرىسىن دامىتۋ، وعان اۋىل تۇرعىندارىن تارتا وتىرىپ، جەكەمەنشىكتەن ٴسۇت جي- ناۋدى ۇيىمداستىرۋ جونىندە بەرگەن تاپسىرماسىن ورىنداۋ جونىندە اۋداندا ٴبىرقاتار جۇمىستاردىڭ قولعا الىنعاندىعىن ايتىپ بەردى. سونىمەن بىرگە، ول ٴسۇتتى قابىلداۋ كەزىندە تاپسىرۋشىلارعا قويىلاتىن تالاپتار جانە ولارمەن ەسەپ ايىرىسۋ جونىندە دە ٴتۇسىندىردى. كەزدەسۋگە قاتىسقان اۋداندىق ٴماسليحات دەپۋتاتى ە. كەشىلبايەۆ تا ٴوز سايلاۋشىلارى الدىندا ٴسوز سويلەپ، حالىق قالاۋلىلارىمەن وتكەن ٴبىر جىل ىشىندە اتقارىلعان جۇمىستار تۋرالى حابارلاما جاسادى.

 

 

جانىبەك قىزىر. سۋرەت اۆتوردىكى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي