BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاعدىرى ٴبىر ەگىز جاندار

ەلىمىزدىڭ كەڭ- بايتاق دالا- سىندا زامان- نان ورىن تەۋىپ، ٴبىر اتانىڭ ۇلدارىنداي بىرلىگى جا- راسقان ٴتۇرلى ۇلت وكىل- دەرى ايتۋلى مەرەكەلەردە عانا باس قوسىپ قانا قويماي، سونىمەن قاتار، ٴبىر شاڭىراق قۇرىپ، ٴبىر تاعدىرمەن ٴومىر ٴسۇرىپ جاتقاندارى دا از ەمەس-تى. ۇلتارالىق كەلىسىم مەن بەيبىتشىلىكتىڭ شىنايى ۇلگىسى رەتىندە ۇلكەننارىندىق يسابايەۆتار وتباسىن ايتۋعا بولادى. ينتەرناسيونالدىق جۇپتىڭ وتبا- سىن قۇرعاندارىنا بۇگىندە ازدى-كوپتى وتىز جىل تولىپ وتىر. ولار بىزبەن وزدەرىنىڭ وتباسىلىق قۇپيالارىمەن بولىسۋگە قۋانا كەلىستى. ۇلكەن نارىن اۋىلىندا يسابايەۆتار شاڭىراعى ۇلگىلى وتباسىلاردىڭ ٴبىرى. ولاردىڭ ٴۇيى ۇنەمى تىنىشتىق، جايلىلىق پەن مولشىلىققا تولى. ٴوزىنىڭ بولاشاق زايىبى سۆەتلانامەن بولات اۋىلدىق ساياباقتا ورنالاسقان جازعى بي الاڭىندا تانىسىپتى. كەڭەستىك زاماندا جازعى بي الاڭدارىندا جاستارعا ارنالعان ٴارتۇرلى مادەني شارالار وتكىزىلەتىن ەدى. مىنەكي، ٴدال وسىنداي كەزدەردىڭ بىرىندە اسكەر قاتارىنان جاڭا عانا ورالعان سىمباتتى جاس جىگىت ٴوز تاعدىرىن كەزىكتىردى. الايدا، ەكى جاس مەكتەپ قابىرعاسىنان بەرى بىر-بىرىمەن تانىس ەدى. ەكەۋى دە لەنين اتىنداعى ورتا مەكتەپتە ٴبىلىم العان. اتا-انالارى اۋەل باستان ولاردىڭ قارىم-قاتىناستارىنا قارسىلىق بىلدىرمەگەن. كەرىسىنشە، كەيىن جاستاردىڭ وتباسىن قۇرعاندارىنا شىن نيەتتەرىمەن قۋانىپتى. سۆەتلانا يسابايەۆا مەن جۇبايى بولات ەكەۋى ۇلكەن نارىن اۋىلىنىڭ تۋمالارى. ونىڭ اكەسى، بۇگىندە مارقۇم بولعان ۆيكتور نيكولايەۆيچ كۋزنەسوۆ، ٴومىر بويى «قازاقستاننىڭ 40 جىلدىعى» كەڭشارىندا رەتتەۋشى-شەبەر بولىپ ەڭبەك ەتكەن. سۆەتلانانىڭ ايتۋىنشا، اكەسى اۋىلعا تانىمال، بەدەلدى ادام بولعان. اناسى – رايسا ۆاسيلەۆنا كۋز- نەسوۆا اۋىلدىق كەڭەسىندە كاسسير بولىپ جۇمىس ىستەگەن. بۇگىندە ول كىسى زەينەت دە- مالىسىندا. بولات يسابايەۆ تا ەڭبەك ادامدارىنىڭ وتباسىنان شىققان. ولار وتباسىن- دا 8 اعايىندى بولىپ ٴوستى. اكەسى ٴابۋ بيعازى ۇلى يسابايەۆ - مال ەمگەرى، اناسى قازيزا قۇسايىنقىزى ناۋبايحاناشى بولىپ ەڭبەك ەتكەن. -اتا-انالارىمىز ٴبىزدىڭ تۇسىنىستىكپەن قارادى. ولار بىزگە ۇنەمى قولداۋ كور- سەتەتىن. مەن وزىمە نەمەسە وتباسىمىزعا قاتىستى ايتىلعان بىردە-بىر سىن ٴسوزدى ەستىگەن ەمەسپىن. وتباستارىمىز ىلعي دا بىرلىك پەن تاتۋلىقتا ٴومىر ٴسۇردى. بارلىق ايتۋلى مەرەكەلەردى بىرگە قارسى الىپ، اتاپ وتەمىز، - دەيدى سۆەتلانا. شاڭىراقتىڭ قوجايىنى بولات، مىنە، سەگىزىنشى جىل قاتارىنان ومارتاشىلىقپەن اينالىسىپ كەلەدى. ونىڭ ايتۋىنشا، ٴساتتى اۋا-رايىندا جاز ماۋسىمدارىندا ايتارلىقتاي بال الىنادى ەكەن. ال، نەگىزىندە ونىڭ ۇناتاتىن اۋەسقوي ٴىسى - بالىق اۋلاۋ. پريمورسكىدە سەرگەي شاماردين ەسىمدى كاسىپكەردىڭ قولاستىندا بالىقشى بولىپ جۇمىس ىستەگەن. ول جەردە ٴبىراز جىلدار ەڭبەك ەتىپ، كەيىن دەنساۋلىعىنا بايلانىستى جۇمىستان بوساۋىنا تۋرا كەلىپتى. - جالپى، ٴبىز وتباسىمىزبەن جانە جورا-جولداستارىمىزبەن بىرگە جاز مەزگىلىندە تابيعات اياسىنا سەرۋەنگە شىعىپ، دەمالۋدى ۇناتامىز. اسىرەسە، كاتونقاراعاي وڭىرىنە ساپار شەگەمىز. ول جاقتىڭ تابيعاتى ەرەكشە سۇلۋ، بىزگە وتە قاتتى ۇنايدى. قىسقى ۋاقىتتا بۇقتىرما سۋ قويماسىنا بارىپ، مۇزداي سۋعا شومىلىپ، دەنەمىزدى سەرگىتۋدى داستۇرگە اينالدىردىق. بۇل دەنساۋلىقتى نىعايتۋعا وتە پايدالى. سالاۋاتتى ٴومىر سالتىن ۇستاناتىن جانداردىڭ ٴبىرىمىز، -دەيدى بولات. سۆەتلانا جەكەلەي ساۋدا-ساتتىقپەن اينالىسادى. ۇلكەن نارىن اۋىلىنداعى «بۋرا» بازارىندا ٴوزىنىڭ جەكەمەنشىك سا- ۋدا ورنى بار. بۇل ىستە ول ٴبىراز تاجىريبە جيناقتاپ ۇلگەرگەن ادام. بيىل ساۋدامەن اينالىسقانىنا 14 جىل بولىپتى. ايتسە دە، بۇل سۆەتلانانىڭ اۋەل باستاعى كوڭىلى قالاپ تاڭداعان ٴىسى ەمەس. باسىندا ول 13 جىل بويى اۋىلدىق №1 بالاباقشادا تاربيەشى بولىپ قىزمەت جاساعان. يسابايەۆتاردىڭ بەرىك وتباسى ەكى ۇل مەن ەكى نەمەرە تاربيەلەپ، بۇگىندە باقىتتى اتا-اجە اتانىپ وتىر. وتباسىنىڭ تۇڭعىشى رۋسلان 1987 جىلى وسكەمەن قالاسىندا دۇنيەگە كەلگەن. ول ۋاقىتتا يسابايەۆتار شاڭىراعى قالادا تۇرىپ جاتقان. بولات تيتان-ماگنيي كومبيناتىندا جۇمىس ىستەسە، سۆەتلانا پەدۋچيليششەنىڭ سوڭعى كۋرسىندا وقىدى. رۋسلان وسكەمەن قالاسىندا پوليسيا مەكتەبىن ٴتامامداپ، بۇگىندە توعىز جىلدىق ەڭبەك تاجىريبەسى بار اۋداندىق ٴىىب قىزمەتكەرى. ٴوز وتباسى بار. ايتا كەتەرلىك جايت، يسابايەۆتاردىڭ ۇلكەن ۇلىنىڭ تاعدىرى اتا-اناسىنىڭ تاعدىرىنا ۇقساس. ول دا ورىس قىزىنا ۇيلەنىپ، وتباسىن قۇردى. سۇيىكتى جارى اناستاسيا ەكەۋى راميل مەن الينا ەسىمدى بالالارىن تاربيەلەپ وتىر. بو- لات پەن سۆەتلانانىڭ كەنجە ۇلى ەۆگەنيي (اتا-اناسى جەنيا دەپ اتايدى)، بۇگىندە الماتى قالاسىندا زاڭگەر ماماندىعىن يگەرۋدە. كوللەدجدى بىتىرگەن سوڭ، مىندەتتى تۇردە جوعارعى وقۋ ورىندارىندا وقۋىن جالعاستىرۋدى كوزدەپ وتىر. بالالارى ەر جەتىپ، جەكە وتباسىن قۇرۋىنا، وقۋ وقۋىنا بار مۇمكىندىكتى جاساپ وتىرعان اتا-انا رەتىندە ولار ۇنەمى مىزعىماس بەرىك دوستىق پەن تاتۋلىقتا. وسىلايشا، وزدەرىنىڭ ىنتىماعى جاراسقان ۇلگىلى وتباسى ەكەندىگىن كورسەتىپ وتىر. بالالارى وزدەرىنە ٴومىر مەن سۇيىسپەنشىلىك سىيلاعان اتا-انالارى ٴار ۋاقىتتا ماقتان تۇتادى. -وتباسىنىڭ باستى مىندەتى بالاعا دۇرىس تاربيە بەرۋ دەپ ويلايمىن. سەبەبى، ولار ەلدىڭ بولاشاعى. مەن ٴۇشىن بالالارىم مەن وتباسىم ٴاردايىم الدىڭعى كەزەكتە. وتباسى بەرىك بولسا، مەملەكەتىمىز دە ٴبىرتۇتاس بولماق، - دەدى ٴسوز سوڭىندا س.يسابايەۆا. بولات پەن سۆەتلانا يسابايەۆتار باقىتتى وتباسىنىڭ ۇيتقىسى بولىپ وتىر. وسىنداي بەرەكەسى تاسىعان وت- باسىلاردىڭ ارقاسىندا ٴبىزدىڭ كوپۇلتتى ەلىمىز وركەندەپ وتىر.

 

 

تيمۋر سماعۇلوۆ. سۋرەت اۆتوردىكى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي