BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەڭ باستىسى - ماماندىعىن سۇيەدى

گازەتىمىزدىڭ وتكەن ساندارىندا ٴبىز اۋدانىمىزدا ٴار سالادا ەڭبەك ەتىپ، كىشى وتانىمىزدىڭ دامۋىنا ۇلەس قوسىپ جۇرگەن ٴبىرقاتار جاس ماماندار جايلى ماقالالار جاريالاعانبىز. بۇگىن وسى تاقىرىپتى جالعاستىرا وتىرىپ، وقىرماندار نازارىنا تاعى ٴبىر جاس مامان - مالونارىم ورتا مەكتەبىنىڭ ۇستازى جايلى ايتپاقپىز ازيعات ەشەكەنەۆا اققاينار اۋىلىنىڭ تۋماسى. ول 2010 جىلى استانا قالاسىنداعى گۋمانيتارلىق كوللەدجدى «مەكتەپال- دى تاربيەلەۋ» ماماندىعى بويىنشا بىتىرگەن. بۇل جەردە جۇمىس ىستەپ جۇرگەن كەزىندە ازيعات «ديپلوممەن اۋىلعا» اتتى مەملەكەتتىك باعدارلاما بويىنشا مالونارىم ورتا مەكتەبىنە جۇمىسقا ورنالاسادى. مۇعالىمدىك قىزمەتكە كەلە سالىسىمەن، ازيعات جاس مامان رەتىندە 126 مىڭ تەڭگە كولەمىندە كوتەرمە قارجى الىپ، مەكتەپ اكىمشىلىگىمەن ٴتيىستى كەلىسىم-شارتقا وتىردى. ەسكە سالىپ وتەيىك، 2009 جىلى قابىلدانعان مەملەكەتتىك باعدارلاماعا سايكەس، جوعارعى وقۋ ورنىن ٴتامامداعان جاس ماماندار اۋىلدىق جەرلەردە جۇمىس ىستەۋگە نيەت بىلدىرگەن جاعدايدا، ولارعا كوتەرمە قارجى مەن باسپانا ساتىپ الۋعا نەسيە بەرىلەدى. باستى شارت – جاس مامان اۋىلدا بەس جىل قىزمەت ەتۋى ٴتيىس. ەڭبەك جولىن ازيعات دايارلىق توبىنىڭ تاربيەشىسى بولىپ باستادى. وتكەن جىلى ول ٴوز ٴبىلىمىن جەتىلدىرۋ ماقساتىندا وسكەمەن قالاسىنداعى ٴشقمۋ-تىڭ «باستاۋىش سى- نىپ» ماماندىعى بويىنشا سىرتتاي وقۋعا ٴتۇستى. بيىلعى جاڭا وقۋ جىلىندا مەكتەپ اكىمشىلىگى ازيعاتقا ٴبىرىنشى سىنىپتىڭ سىنىپ جەتەكشىلىگىن تاپسىرىپتى. جاس مامان بۇل جۇمىستى دا ٴساتتى اتقارۋدا. مىنەزى وجەت بويجەتكەن كەزدەسكەن قيىندىقتاردان قورىقپايدى، ولاردى تەك تاعدىردىڭ كەزەكتى سىناعى دەپ تۇسىنەدى. -مەن، اۋەل باستا-اق، ۇستاز بولامىن دەپ شەشكەنمىن. سەبەبى، بۇل مەنىڭ بالا كۇنگى ارمانىم ەدى. وتباسىمدا انام ۇستاز بولىپ قىزمەت ەتەدى. مەن بۇگىن مالونارىم ورتا مەكتەبىندە ەڭبەك ەتىپ جۇرگەنىم ٴۇشىن تاعدىرىما راحمەت ايتامىن. زاماننان بىرلىگىمەن تانىلعان ەڭبەك ۇجىمى مەنىڭ ەكىنشى وتباسىما اينالدى. جاس مامان رەتىندە مەنى ۇستازدار قاۋىمى جىلى جۇزبەن قارسى الدى. ولاردىڭ كوپشىلىگى ۇزاق جىلدار پەداگوگيكا سالاسىندا قىزمەت ىستەپ كەلە جاتقان ەرەن ەڭبەكتى، تاجىريبەلى، بىلىكتى ماماندار دەسەم ەش قاتەلەسپەيمىن. بۇل ٴبىلىم مەكەمەسىندە ۇستازدىق جولدى تۇبەگەيلى تاڭداعان كەز-كەلگەن جاسقا ٴوزىن تولىقتاي شىڭداۋعا، جان-جاقتى كورسەتۋگە قاجەتتى مۇمكىندىكتەر جاسالىنعان. تەك، تالماي ەڭبەك ەتسە بولعانى، - دەيدى ا.ەشەكەنەۆا. ونىڭ بۇل سوزدەرىنەن وعان ۇستازدىق ماماندىقتىڭ ۇنايتىنىن تۇسىندىك. پەداگوگيكالىق كوللەدجدى قىزىل ديپلومعا اياقتاعان ازيعاتتىڭ مەكتەپتەگى قىزمەتتىك اياقالىسى دا جامان ەمەس. جۇمىسقا دەگەن جاۋاپكەرشىلىگى مەن كاسىبيلىگى ٴۇشىن مەكتەپ اكىمشىلىگى بيىلعى جىلدىڭ قىركۇيەگىندە ازيعاتقا ەكىنشى بىلىكتىلىك ساناتىن بەرگەن. بۇل ازيعاتتىڭ قىزمەتىنە ودان ارمەن سەرپىن بەرىپ، سونىمەن قاتار، جالاقىسىنىڭ دا كوتەرىلۋىنە ىقپال ەتتى. مەكتەپتە جۇمىس ىستەگەن ازعانتاي ۋاقىت ارالىعىندا جاس ۇستازدىڭ ٴبىرشاما جەتىستىكتەرگە قول جەتكىزگەنى بايقالادى. مەكتەپ ومىرىنە بەلسەنە قاتىسقاندىعى ٴۇشىن ماراپاتتالعان العىس حاتتارىنا قوسا، دايارلىق توبىنداعى شاكىرتتەرىنىڭ وتكەن جىلى وبلىستىق «بالاپان» بايقاۋىنداعى جەتكەن جەتىستىكتەرى جاس ماماننىڭ جۇرەگىنە جىلىلىق ۇيالاتتى. ارىپتەستەرى دە ٴبىزدىڭ كەيىپكەرىمىز تۋرالى جاقسى پىكىر ايتتى. ولاردىڭ ايتۋىنشا، ازيعات ٴوز جۇمىسىنا جاۋاپكەرشىلىكپەن قاراپ، ۇنەمى ىزدەنىس ۇستىندە جۇرەدى. ۇجىمىنا ۇلكەن قۇرمەتپەن قارايدى جانە ەڭ باستىسى – ول ماماندىعىن سۇيەدى. جاس ماماننىڭ العا قويعان ەندىگى ماقساتى – ۇستازدىق جولدا بيىك كاسىبي جەتىستىكتەرگە قول جەتكىزۋ. بولاشاقتا ازيعات ەگەمەن قازاقستاننىڭ ەركىن ويلى، زياتكەرلىگى جوعارى دامىعان جاس ۇرپاعىن تاربيلەۋدى كوزدەيدى.

 

تيمۋر سماعۇلوۆ. سۋرەت اۆتوردىكى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي