BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارداگەرلەردى ارداقتايىق

 جاڭا جىل قارساڭىندا بۇكىل ەلىمىزدە قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ ۇلى وتان سوعىسى ارداگەرلەرىن قولداۋ بويىنشا جالپىۇلتتىق اكسياسى ٴوتتى. 29 جەلتوقسان كۇنى، وسى اكسيا اياسىندا اۋدان اكىمى قاليقان بايعونۇسوۆ ۇوس ارداگەرى نيكولاي نيكونوۆتىڭ ۇيىنە بارىپ، قر پرەزيدەنتىنىڭ اتىنان ارداگەردى جاڭا جىل مەرەكەسىمەن قۇتتىقتاپ، ەلباسى ن.نازاربايەۆتىڭ اتاۋلى قۇتتىقتاۋ حاتىن، شوق گۇلدەر مەن سىيلىقتار تابىس ەتتى. نيكولاي نيكونوۆ بيىل ٴوزىنىڭ 90-جىلدىق مەرەيتو يىن تويلادى. بەكالقا (فىكالكا) اۋىلىنىڭ تۋماسى، ول 1942 جىلى سوعىسقا اتتانىپ، جاياۋ اسكەر قاتارىندا بەرلينگە دەيىن جەتتى. 1945 جىلى 9 مامىر - جەڭىس كۇنىن چەحيا جەرىندە قارسى الدى. ٴ127-شى موتواتقىشتار پولكىنىڭ قۇرامىندا جاپون سوعىسىنا دا قاتىستى. جەڭىستەن كەيىن تاعى ٴۇش جىل اسكەري قىزمەتتە بولدى. ول «ii دارەجەلى وتان سوعىسى» وردەنىمەن، «زا پوبەدۋ ناد گەرمانيەي»، «زا بوەۆىە زاسلۋگي» مەدالدارى- مەن ماراپاتتالعان. 1948 جىلى تۋعان جەرىنە ورالىپ، زەينەتكەرلىككە شىققانعا دەيىن «ۆەرح-كاتۋن» مارال شارۋاشىلىعىندا ەڭبەك ەتەدى. 1979 جىلى ەرەن ەڭبەگى ٴۇشىن «ەڭبەك ارداگەرى» مەدالىمەن ماراپاتتالادى. ارداگەر جاسى ۇلعايسا دا، ٴالى تىڭ جانە كوڭىلى كوتەرىڭكى. بۇگىندە ول قىزىنىڭ وتباسىمەن ۇلكەن نارىن اۋىلىندا، ٴۇش بولمەلى قولايلاندىرىلعان پاتەردە تۇرىپ جاتىر. ونىڭ كىلتىن ارداگەرگە اۋدان اكىمشىلىگى اعىمداعى جىلى 1 جەلتوقسان – قر تۇڭعىش پرەزيدەنتى كۇنى قۇرمەتىنە تابىس ەتكەن. قارت مايدانگەر ەلباسىنا جانە جەرگىلىكتى اكىمشىلىككە، ٴاردايىم نازاردان تىس قالدىرماي، قولداۋ كورسەتىپ، قولۇشىن بەرىپ جۇرگەندەرىنە قۋانىشتى ەكەنىن جەتكىزدى. - ٴوز باسىم ەلباسىنا شەكسىز العىسىمدى ايتامىن. نۇرسۇلتان ٴابىش ۇلىنىڭ ەرەن ەڭبەگىنىڭ ارقاسىندا ەلىمىز جىلدان-جىلعا گۇلدەنىپ كەلەدى. وسىنداي ٴبىرتۇتاس، تاتۋلىعى مەن ىنتىماعى جاراسقان مەملەكەتتە ٴومىر ٴسۇرىپ جاتقان قازاقستاندىقتاردىڭ ارمانى جوق. بەيبىتشىلىك ٴۇشىن، ەلىمىزدىڭ ەرتەڭى ٴۇشىن كەۋدەلەرىن وققا توسەگەن بىزدەردى ۇمىت قالدىرماي، قۇرمەت كورسەتۋ - باعاسى جوق يگى قادام، كەلەر ۇرپاقتىڭ ەسىنەن ماڭگى وشپەسى انىق، - دەدى ن.نيكونوۆ. ٴسوز سوڭىندا اقساقال ٴداستۇر بويىنشا اۋدان اكىمىنە ٴوزىنىڭ باتاسىن بەرىپ، قىزمەتىنە ساتتىلىك تىلەدى. مەملەكەت باسشىسىنىڭ اتىنان وسىنداي اتاۋلى قۇتتىقتاۋ حاتتار مەن سىي-سياپاتتار اۋدان اۋماعىندا تۇرىپ جاتقان ۇلى وتان سوعىسىنىڭ بارلىق 14 ارداگەرىنە تابىس ەتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي