BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا جىلدىق شىرشا شاتتىعى

جاڭا جىل-الداعى كۇنگە دەگەن سەنىمدى ۇيالاتاتىن شىرايلى دا شاتتىققا تولى مەرەكە.تابالدىرىقتان اتتاعان قوي جىلىن ەڭ الدىمەن روجدەستۆو ارالدارى، جاڭا زەلانديا مەن اۆستراليا حالىقتارى قارسى الادى ەكەن.
جۇمىر جەر بەتىن مەكەندەگەن ادامزات بالاسىنا شاتتىق سىيلايتىن جاڭا جىل مەرەكەسىن بايزاقتىقتار دا كوتەرىڭكى كوڭىل كۇيمەن قارسى الدى. قىزىلدى-جاسىلدى شامدارى جارقىلداعان، اسەم بەزەندىرىلگەن الىپ شىرشانىڭ ماڭىنا توپتاسقان جۇرتشىلىقتى اۋدان اكىمى م. شۇكەەۆ جاڭاجىلمەن قۇتتىقتادى. اۋدان باسشىسى وتكەن جىلى قول جەتكىزگەن جەتىستىكتەرگە، سونداي-اق، ەلباسىنىڭ قازاقستان حالقىنا ارناعان جولداۋىنداعى باستى مىندەتتەردى ىسكە اسىرۋدىڭ ماڭىزىنا توقتالدى. جاڭا جىلدا، الدىمەن مەملەكەتتىلىگىمىزدىڭ باستاۋى بولعان-قازاق حاندىعىنىڭ قۇرىلعانىنا 550 جىل، ۇلى وتان سوعىسىنداعى جەڭىستىڭ 70 جىلدىعى، كونستيتۋسيامىزدىڭ قابىلدانعانىنا جانە قازاقستان حالىقتارى اسسامبلەياسىنىڭ قۇرىلعانىنا 20 جىل تولاتىندىعىن تىلگە تيەك ەتە كەلە، ەل بىرلىگى مەن قوعامدىق كەلىسىمدى نىعايتۋ ارقىلى بيىك بەلەستەردى باعىندىرۋدىڭ ماڭىزىنا توقتالدى.
سالتاناتتى قۇتتىقتاۋلاردان سوڭ جاڭاجىلدىق شارا ع. مۇراتبايەۆ جانە قازاقستاننىڭ 40 جىلدىعى اتىنداعى ٴبىلىم وشاقتارى كوركەمونەرپازدارىنىڭ مەرەكەلىك كونسەرتىمەن ورنەكتەلدى. قالىڭ قاۋىم ەرتەگىلەر ەلىنە دە ساياحات جاسادى، قويىلىمداردى تاماشالادى، اياز اتا مەن اقشاقار ورتاعا شىعىپ، دۋمان كورىگىن قىزدىردى، سپورتتىق ويىندار وينالىپ، جەڭىپ شىققاندار جۇلدەلەرگە يە بولدى.
جاڭاجىلدىق مەرەكە بارىسىندا اۋدان باسشىسى 2014 جىلدى قورىتىندىلاي كەلە، ٴار سالا بويىنشا ۇزدىك كورسەتكىشتەرگە قول جەتكىزگەن ٴبىر توپ ازاماتتارعا نوميناسيالاردى تابىس ەتتى.
اتاپ ايتقاندا، “ۇزدىك جىل قىزمەتكەرلەرى-2014” اتالىم اياسىندا “ۇزدىك جىل مادەنيەت قىزمەتكەرى” نوميناسياسىنا اۋداندىق ٴال-فارابي اتىنداعى مادەنيەت ٴۇيىنىڭ ٴانشىسى م. كوپەشوۆ، ” ۇزدىك جىل دارىگەرى”- اتالىمىنا اۋداندىق ورتالىق اۋرۋحانانىڭ جانداندىرۋ ٴبولىمىنىڭ مەڭگەرۋشىسى م. ماديماروۆ، “مەملەكەتتىك جەكەمەنشىك ارىپتەستىك-2014” - اۋداندىق ەلەكتر جۇيەلەرىن تاراتۋ مەكەمەسىنىڭ باس ينجەنەرى ا.جاميشجانوۆ، ”ۇزدىك جىل سپورتشىسى” جاتتىقتىرۋشى ٴى.جانساقالوۆ، “ۇزدىك جىل ٴمۇعالىمى”- ۇستاز ٴۇ.سۇگىربەكوۆا، “الەۋمەتتىك بيزنەس جاۋاپكەرشىلىگى” ٴتىس دارىگەرى ا.بولشىبەكوۆ، “ۇزدىك جىل كاسىپكەرى”اتالىمىنا كاسىپكەر ر.مامبەتوۆالار يە بولدى. “جاڭاجىلدىق بەزەندىرۋ” نوميناسياسى بويىنشا جەڭىمپازدار بولىپ تانىلعان بايزاق اۋدانى بويىنشا مەملەكەتتىك كىرىستەر باسقارماسى، “قازاقتەلەكوم” اكسيونەرلىك قوعامى، ”جان” دۇكەنى، اۋداندىق تۋبەركۋلەزگە قارسى كۇرەسەتىن اۋرۋحانا، اۋدان اكىمدىگى مادەنيەت جانە تىلدەردى دامىتۋ ٴبولىمى، سارىكەمەر اۋىلدىق وكرۋگى، جىلجىمايتىن مۇلىكتى تىركەۋ ورتالىعى، اۋداندىق ەلەكتر جۇيەلەرىن تاراتۋ مەكەمەسى، گاگارين اتىنداعى ورتا مەكتەبى، “تازا اۋىل” جاۋاپكەرشىلىگى شەكتەۋلى سەرىكتەستىگى، “كاۋسار” شاعىن ماركەت ورتالىعىنىڭ ۇجىمدارى اۋدان اكىمىنىڭ العىس حاتىمەن جانە سىيلىقتارمەن ماراپاتتالدى.
ساعات ٴتىلى 24.ٴ00-دى سوققاندا كوزدىڭ جاۋىن الاتىن وتشاشۋلار اسپان تورىندە ٴتۇرلى ويۋ-ورنەكتەر سالىپ، مەرەكەشىل قاۋىمدى تاڭ-تاماشا ەتتى.

 

ٴوز ٴتىلشىمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي